ياريته ما صلى على النبى

فعلا وأكررها لمن يعتقد أن عيناه تخدعه
ياريته ماصلى على النبى



بس تعرف هو مين ولا ليه ياريته :33:
تعالى نتمشى شويه كده فى الشارع ونبص كده من بعيد لبعيد على واحد شاف واحده لابسه من غير هدوم وبعد عملية مسح بالرادار لجميع تضاريسها
تلاقيه يقول
اللهم ما صلى على النبى :boggled:
مش عارف الصلاه على النبى مالها باللى شايفة ولا هو تأمل فى جمال خلق الله

ادينا ماشيين أنا وإنت أهو لحد ما وصلنا لشوية شباب واقفيين بيهيصوا وواحد ماسك طبله وبيقول
وصلى صلى واللى ما يصلى أبوه مش عارف ايه وهما يردوا وراه أظن انك عارف الباقى وتلاقى واحد ولا اتنين بيرقصوا فى النص:12:


وبرضه أدينا ماشيين ووصلنا لD.J وتلاقي الافتتاحية بتاعت الدى جى ده أغنية أسماء الله الحسنة بتاعت هشام عباس ماشى هانقول مافيهاش حاجه
لكن :bigeyes:تلاقي كل اللى وسطها مخلوع منها قامت وإديتها رقص أول ما النشيد يقول
اللهم ما صلى على أسعد مخلوقاتك
طيب بالله عليك قولى انت هى بترقص على أساس ايه

يلا أدينا ماشيين:flute:
وتبص تلاقى اتنين رجاله شنابتهم يقف عليها الصقر وواحد منهم نازل نميمة فى حد تانى ولو كلمته يقولك يا عم صلى على النبى :squint:

ها تعبت من المشى طيب هاقولك انت على حاجه عمرك انت ما فى حد كان عاوز ياكل عليك حقك ويحاول يوصلك رسالته دى بــ صلى على النبى فى أول كلامه :32:

يا جماعة اللى عاوز أوصله إن الصلاه على النبى ليها إحترامها
يا جماعه مهما إختلفت الافكار او كان ليكم أى إعتراض على الكلام لازم فى النهايه يكون فى خشوع لذكر النبى وتنزييه عن مجالس اللغو

كفاية انا تعبت انا كمان من المشى وفى النهايه ياريته ماصلى على النبى

عذرا رسول الله
صلى الله عليك وسلم

يآخذي اسلوبك جميل جـدا ً , وبصراحه نبهتني للفكره و وضحتها لي بطريقه رائعه وسلسه .

فعلا ً الصلاه على النبي لها هيبتها ومكانتها , ولكن للأسف البعض منا يستخدمه في كل الأمور التي تعنيه والتي لا تعنيه و قد يصل بهم استخدامها في معصيه ! .

اقتباس:

---

نبص كده من بعيد لبعيد على واحد شاف واحده لابسه من غير هدوم وبعد عملية مسح بالرادار لجميع تضاريسها
تلاقيه يقول
اللهم صلى على النبي

---

انا افهمك اخي العزيز كثير ما ينبه الائمة من خطورة استخدام الصلاة على النبي في مواقع ليست بمكانها مثل الاعراس الماجنة والتي فيها خلطة مثلا كقولهم صلي ع نبي يا زين والمزيكا شغالة والاختلاط والخلع والرقص بصراجة شيء يغيظ القلب يعني اصبح لفظ الصلاة على النبي الكريم يوضع في الاغاني الماجنة ؟؟؟؟؟؟؟؟؟؟
دون ان يعلموا بان من صلى على النبي مره صلى الملائكة عليه بها عشرة وان الصلاة على النبي عظيمة فيجب التنبه من هذه المظاهر
مشكور لك على الموضوع

اللهم صلى وسلم وبارك على سيدنا محمد (صلى الله عليه وسلم)
بارك الله بك يا اخي AGENT1001

فعلا والله ده بيحصل كتييييييير جدا.
ربنا يهدى الجميع.
شكرا على موضوعك.
ابنة الحريه...