ياريته ما صلى على النبى
فعلا وأكررها لمن يعتقد أن عيناه تخدعه
ياريته ماصلى على النبى
بس تعرف هو مين ولا ليه ياريته
تعالى نتمشى شويه كده فى الشارع ونبص كده من بعيد لبعيد على واحد شاف واحده لابسه من غير هدوم وبعد عملية مسح بالرادار لجميع تضاريسها
تلاقيه يقول
اللهم ما صلى على النبى
مش عارف الصلاه على النبى مالها باللى شايفة ولا هو تأمل فى جمال خلق الله
ادينا ماشيين أنا وإنت أهو لحد ما وصلنا لشوية شباب واقفيين بيهيصوا وواحد ماسك طبله وبيقول
وصلى صلى واللى ما يصلى أبوه مش عارف ايه وهما يردوا وراه أظن انك عارف الباقى وتلاقى واحد ولا اتنين بيرقصوا فى النص
وبرضه أدينا ماشيين ووصلنا لD.J وتلاقي الافتتاحية بتاعت الدى جى ده أغنية أسماء الله الحسنة بتاعت هشام عباس ماشى هانقول مافيهاش حاجه
لكنتلاقي كل اللى وسطها مخلوع منها قامت وإديتها رقص أول ما النشيد يقول
اللهم ما صلى على أسعد مخلوقاتك
طيب بالله عليك قولى انت هى بترقص على أساس ايه
يلا أدينا ماشيين
وتبص تلاقى اتنين رجاله شنابتهم يقف عليها الصقر وواحد منهم نازل نميمة فى حد تانى ولو كلمته يقولك يا عم صلى على النبى
ها تعبت من المشى طيب هاقولك انت على حاجه عمرك انت ما فى حد كان عاوز ياكل عليك حقك ويحاول يوصلك رسالته دى بــ صلى على النبى فى أول كلامه
يا جماعة اللى عاوز أوصله إن الصلاه على النبى ليها إحترامها
يا جماعه مهما إختلفت الافكار او كان ليكم أى إعتراض على الكلام لازم فى النهايه يكون فى خشوع لذكر النبى وتنزييه عن مجالس اللغو
كفاية انا تعبت انا كمان من المشى وفى النهايه ياريته ماصلى على النبى
عذرا رسول الله
صلى الله عليك وسلم
