عضو جديد وعندي سؤال محيرني

السلام عليكم ورحمة الله وبعد

كيف حالكم يا شباب......................................

هذه اول مشاركه لي في المنتدى الرائع وعندي سؤال دايم محيرني

انا طولي 172 cm و وزني 72 كيلو ولي شهر العب حديد

المشكله هدفي في الحديد اني احرق الدهون الي في جسمي خاصه الكرش:silly: وبدلها بعضل عشان كذا انا العب وزن متوسط وتقريبا 20مره في التمرين الواحد ضرب 3 يعني 60 بعدها اسوي كارديو لمدة ثلث الى نص ساعه

المهم ما حصلت تغير في الوزن مع ان اكلي صحي واستخدم حبوب اسمها Arsenal-X وحبه ثانيه اسمها
Omega cuts
السؤال: هل الجدول الي انا مسويه صح واذا في اي شيء غلط انا مسويه فارجوالرد في الموضوع

اكلك ماهو

جدولك التمريني ماهو

وماهي طريقة الكارديو اللي تستخدمها

وكم تقريباً من السعرات تأكل يومياً

تحياتي

بالنسبه للأكل 60 % بروتين
20 % كاربوهيدات و 20 % دهون

مثل: التونا و التركي و الروست بيف

وطبعا بالنسبه للتمرين
اليوم الأول: صدر + باي
اليوم الثاني: ظهر + تراي
اليوم الثالث: كتف + رجل
أليوم الرابع : بريك ( مااسوي شي)
اليوم الخامس: نفس اليوم الأول
اليوم السادس: نفس اليوم الثاني
..................................
..................................
..................................
وبعد كل يوم بعد التمرين اسوي جري لمد ثلث الى نص ساعه
وبالنسبه للسعرات مب متأكد بس يمكن 1800-2000

اول خطأ هو 60% بروتين 20% كارب 20% فات

الاصح انه يكون 50% كاربوهيدرات 30% بروتين 20% فات

ولكن الكاربوهيدرات تكون مثل الاشياء المصنوعة من الحنطة الكاملة بالاضافة لشغلات مثل البروكلي والبطاطا الحلوة وما شابه من خضروات

هل تاكل اشياء مقلية او فيها زيوت ؟

وياريت تعطيني كم وجبة تاكل في اليوم ومثال للوجبات اللي جالس تاكلها لاحد الايام وكم ساعة تنام

بخصوص التمرين اول خطأ الصدر مع الباي ويليه الظهر مع التراي

اذا حبيت تقدر تلعب صدر وتراي وثاني يوم ظهر وباي

بخصوص الكارديو زيد خليها من نص ساعة إلى 45 دقيقة

اكثر من شرب المياه لو تحس وزنك ما ينزل خلال اسبوعين يعني في شيء غلط عندك فقلل من سعراتك الحرارية شوي وجوف

ولكن مثل ما قلتلك اعطيني مثال لوجبات يوم واحد وكم وجبة تاكل وكم ساعة تنام وجاوبني على الاسئلة اللي فوق

تحياتي