)(... و إنت أبد ما جا على بالك ... تحس ...)(
http://img.dailymail.co.uk/i/pix/200...09_468x329.jpg
~| مدخل:
خلص حنانك
ما بقى إلا قســــوتك!
...
ما نسيت ذيك الثواني
ما نسيت
...
جيت أنا كلي و انت اقفيت كلك !!
آه من ذيك الثواني
عذبتني
ما قويت أكف دمعي
وإنت أبد ما جا على بالك ... تحس
...
جيت أنا وكلي أمل
أشواقي تسبقني لـ هنا
و قابلتني بنظرة ! غصيت أنا والله
و خنقتني العبرة
ما قويت أكف دمعي
ما قدرت أواسي قلبي
...
آآآه من قسوة عيونك ... قطعت قلبي طعونك
و اذبحتني
ما قويت أكف دمعي
ما عرفت أعزي نفسي .....
...
حضنك الدافي سراب ...))
عنادك وطبعك عذاب
آه يا طول الغياب عنك ويا قرب المسافة
قلبي تعود عالقساوة منك من بعد اللي شافه !!
..
آه ذيك القصايد تحرق أنفاسي
في حروفها أحساس غير !
ما عمري ذقته !
..
أحلم بأبياتها لحظة
أغمض و أردد احساسها و أكذب على احساسي !
و الواقع القاسي .. !
أحس أنا بي جرح كايد !
و أضييع أنا ... بيني ... وبينك ... والقصايد ... !
وإنت أبد ما جا على بالك ... تحس
...
آه بس
قسوتك أقسى من حديد
و نظرتك أبرد من جليد
قلي وين ألقى حنانك
قلي كيف أوصل مكانك
تكفى قلي !
ضاع عمري وضعت كلي !
وإنت أبد ما جا على بالك ... تحس
....
بعثرتني بكلمة !
ضيعتني بنظرة ....
و أنا اللي أتعب ولا ألقاك يمي
جيتك بحزني و همي
و صديتني !
خليتني أكرهها نفسي
...
أسمع لحكي البنات
عن حضن أب
و عن شي في العالم يسمونه حنان
و أحس أنا بغربة و غرابة
قلي يبه هذي سوالف
ولا صدق
قلي أنا مدري اذا انت تحس فيني
و لا إنت أبد ما جا على بالك ... تحس
...
لا ما نسيت يابوي ... ذيك الثواني
جيت كلي و رحت عني و طحت أنا كلي بمكاني !
لا ما التفتّ !
ما نسيت ... جرحي و عناي
ما غاب عني أي شي
كل شي هنا ...
(( ... قدامي و حولي و وراي !
..
ذيك المرارة ذقتها مليون مرة
و صارت إهي طبعك معاي
صارت إهي طبعك معاي
...
لا ما نسيت يابوي أبد ذيك الأمـــاكن كلها
ما نسيت ذيك الثواني !
..
ما نسيت
جرح عميق
جرح قديم
عمره يساوي عمري
ينزف بصدري من سنين
لين أغرق احساسي
و ورثّني قساوة !
...
..
~| مخرج:
حضنك أبد ماهو وطن
حضنك يبه منفى !!
رد: )(... و إنت أبد ما جا على بالك ... تحس ...)(
كلمات فوق الروعه حقا إنها جميله جدا
أبدعت هنا
فأتمنى لك المزيد
رد: )(... و إنت أبد ما جا على بالك ... تحس ...)(
. . .
بعد التحيـــــــــــــــه
الغاليه
شجـــونـــــ العيـــنـــــ
كلمات رائعـــــه
تميزت بالصــدق
مع شدة .. حرقتــها
واحتراق .. قلب .. صاحبها
. . .
مع أنها ليست كما اعتــدناها...
. . .
قــد يكونــ تغير الظــرف - هــذه المره - هو السبب
. . .
اقتباس:
آه بس
قسوتك أقسى من حديد
و نظرتك أبرد من جليد
قلي وين ألقى حنانك
قلي كيف أوصل مكانك
تكفى قلي !
ضاع عمري وضعت كلي !
وإنت أبد ما جا على بالك ... تحس
أرى أنك لو لم
ترسلي إلا هــذه .. لاكتــــفى
واكتفينا.. نحــن .. إبداعـــا
. . .
مع خالص الاحتــــرام
. . .
رد: )(... و إنت أبد ما جا على بالك ... تحس ...)(
موضوع رائع من قرأت الخاطرة امس وانا بارد عليه:)
اقتباس:
خلص حنانك
ما بقى إلا قســــوتك!
...
ما نسيت ذيك الثواني
ما نسيت
...
جيت أنا كلي و انت اقفيت كلك !!
رائعة دمت بود شجون العين
رد: )(... و إنت أبد ما جا على بالك ... تحس ...)(
السلام عليكم و رحمة الله و بركاته
ما شاء الله يبدو لي ان الاخت g girl فتحت لنا باب كبير بدتها تعاتب الام
و الحين انتي مع عتاب صارخ للأب
صياغة الخاطرة هنا صياغة محترفة مو اي وحدة تكتب خاطرة مثل هذي
و الصراحة في هذي الخاطرة اللي جت بالتدريج ايضا مو شي بسيط
في بداية الخاطرة كنت اظن انها خاطرة عن حب و فراق كالعادة
فجأة كشفتي لنا انك تتكلمين عن حب اكبر من اللي كنت اظن ...... كنتي تتكلمين عن أب
اقتباس:
~| مخرج:
حضنك أبد ماهو وطن
حضنك يبه منفى !!
هنا وصلتي بالتدرج الرائع في الخاطرة وصلتي الى حد الصراحة إلى حد البوح بكل الألم
شجون الله يخليك لأبوك و يحفظك و يحفظ هذا الابداع يا رب
بالتوفيق لك يا رب
تحياتي
رد: )(... و إنت أبد ما جا على بالك ... تحس ...)(
السلام عليكم ورحمة الله وبركاته
عزيزتي شجون ,.. جميل جداً ما خط قلمكِ
أبدعتِ بحق .. حينَ حاكيتِ شعورَ طفلةٍ بوقفات حرفية مدهشة
والأجمل هو الإحساس النابض في تلك الكلمات المنسوجة بإتقان =]
اقتباس:
بعثرتني بكلمة !
ضيعتني بنظرة ....
و أنا اللي أتعب ولا ألقاك يمي
جيتك بحزني و همي
و صديتني !
خليتني أكرهها نفسي
جميلْ ,. واصلي إبداعكِ اختي ^__^
لا حرمنا الله من تواجدِك
دمتِ بحفظ الباري
رد: )(... و إنت أبد ما جا على بالك ... تحس ...)(
اقتباس:
ما نسيت
جرح عميق
جرح قديم
عمره يساوي عمري
ينزف بصدري من سنين
لين أغرق احساسي
و ورثّني قساوة !
كيف أستطيع أن أنسى ؟ فقط !
بورك قلمكِ أختي شجون
دمتِ بقرب من تحبين
رد: )(... و إنت أبد ما جا على بالك ... تحس ...)(
الا انها خاطرة صادقة..
الجميل في الخواطر انها صادقة دائمة
لا تكلف فيها و لا اصطناع..
و الجميل..ان ترى كاتبها و تتخيله..
من خلال كلماته..
و تستنكره الكلمات..
..
..
رغم ان اللغة شرقية..فهي مفهومة المعالم..
الغامض فيها..هو الركن التغييبي للمخاطب..
هو حاضر في الدهن..
..
..
ابدعت اختاه...
لك التهاني..
رد: )(... و إنت أبد ما جا على بالك ... تحس ...)(
نص آخر مميز لك ِ shjoonal3in ..
أبدعت ِ كما تعودنا منك ِ ولا غريب أن يظهر النص بهذا التميز ..
أتمنى أن نرى جديدك في القريب ^_^
أطيب تحية
رد: )(... و إنت أبد ما جا على بالك ... تحس ...)(
تعبت ادور في حنان الناس عنك
ودي القاني معك
واشكي لك حزني وهمي
ودي تمسح دمعتي
وتسمع سواليفي
ودي مره .. ما تخيب فيك ظني
ودي مره بس تحس
..
يبه تعال وكذب افكاري.. وقول اني اهمك
تعال واجمع عظامي.. وحسسني بظمك
يبه .. تعبت ..تعبت من ناسي
من احساسي ..من انفاسي
من جروحي .. ومن روحي
تعبت..تعبت..تعبت
وإنت أبد ما جا على بالك ... تحس
/
اقتباس:
ما نسيت ذيك الثواني
ما نسيت
...
جيت أنا كلي و انت اقفيت كلك !!
آه من ذيك الثواني
عذبتني
ما قويت أكف دمعي
وإنت أبد ما جا على بالك ... تحس
لا جديد انتي رائعه كما انتي ياشجون
دام نبض قلبك
بالتوفيق
تحيااااااااتي
رد: )(... و إنت أبد ما جا على بالك ... تحس ...)(
المعاناة تاخذ عدة أشكال في حياتنا .. لكن أيّاها الأصعب
اقتباس:
أحس أنا بي جرح كايد !
و أضييع أنا ... بيني ... وبينك ... والقصايد ... !
وإنت أبد ما جا على بالك ... تحس
وبعض الأحيان تكون لها تأثير وتخلق معاناة من نوع آخر أكثر منها شدة
لنقول دائما هذا قدرنا .. والحمد لله على كل شيء
...
مبدعة .. تحياتي
,,,,,,,,
