اكمل عليهم ولا اقطعهم ( رايكم يا جماعة )

مرحبا شباب ,,

يا جماعة انا مشترك نادي حديد قبل اسبوع و بنفس يوم الاشتراك رحت لشركة مشهورة جدا في بيع المكملات و طلبت منه يعطيني افضل انواع البروتين عنده و عطاني pro v 60 و عطاني كبسولات cryotest للتضخيم ,,,

مع العلم اني لاعب مبتدئ ولم يسألني اذا كنت لاعب مبتدئ ولا لأ ,,,

و بعد ما استخدمت البروتين اسبوع و استخدمت الكبسولات قبل ثلاث ايام انصدمت :wow: ان هذي الأشياء لا تصلح للمبتدئين و خصوصا ان cryotest قالي آخذ 8 كبسولات يوميا 4 قبل الفطور و 4 قبل التمرين

فيا جماعة شنو الحل اكمل عليهم ولا اقطعهم :33:

و شكرااا:):)

ياهلا بك اخوي .. :)

الله يهداك انت شوي استعجلت في قرار الشراء ..
عموما اولا لازم توقفهم ولاتستخدمهم في هذي الفتره .. اقل شي لازم تستمر شهر ونص ع الحديد بشكل مستمر وبعدها لازم تعرف شنو البروتين الناسب لك ..
لأن هناك انواع كثير من البروتين ولازم تختار اللي يناسب جسمك .. ويعتمد على نسبة الدهون يعني مثلا لو جسمك فيه دهون مايصلح تاخذ لك بروتين فيه نسبة دهون مرتفعه وكذا .. اتمنى فهمت قصدي :)

عموما الآن انت وقف المكملات الغذائيه واعتمد على تغذيتك الطبيعيه لمدة شهر ونص واهتم بتقسيم وجباتك الى 6 وجبات يومياً ( فطور - غداء - عشاء ) وثلاث وجبات صغيره بينهم مثل زبادي او حليب قليل الدسم او فواكه .. الخ ..

اهم شي تكون وجباتك غنيـّـه بالبروتين الطبيعي وتقدر ترجع للمواضيع في المنتدى تبين لك مصادر البروتين الطبيعي وتنوع منها في وجباتك :)

وبعد شهر ونص احسب وزنك والطول ونسبة الدهون بجسمك ( مرتفعه او بسيطه ) وبعدها نحدد لك نوع البروتين المناسب لك وايضا نحدد لك المكملات اللي تحتاجها :) ..

وبالتوفيق لك يابطل