هل طريقتي في الأكل والتدريب سليمة،، ومنكم نستفيد..

حبيت استفسر من اخوني الفاهمين ماعليكم امر وبغيت نصيحتكم لأني ما ادري هل اللي قاعد اسوية صح لو خطأ..

انا طوالي 170 ووزني 51 هدفي اني اكسب وزن وعضلات.

اشتركت في صالة حديد من حوالي 23 يوم صار لي يوميا اروح الصالة لمده حوالي 45 دقيقة امارس شامل على معظم الاجهزة(يعني بدون جدول تمارين ولا جدول أكل) وآخذ لي بروتين وهذي صورتة جايبنة اخوي من بريطانيا

http://ecx.images-amazon.com/images/...500_AA280_.jpg

اخلطة مع نصف كوب من الحليب (كامل الدسم) قبل التدريب وبعده وخلال التدريب اشرب عصير للنشاط والحيوية بس اللي بالمحل يقول لي هذا تكبر عضلاتك بسرعة سعرة دينار ونص بحريني ..

http://www.americanbodybuilding.com/...carboforce.gif

وبعد التدريب آكل لي بيضتين تقريبا في سندويشتين وبالليل آكل لي سندويشة فول طعمية..(طبعا هذا البرنامج كان خلال شهر رمضان). والحين بعد شهر رمضان آكل يوميا سندويش عسل وفول سوداني واخلط العسل مع الحليب والكورن فليكس من الصبح ولبن وآخذ لي تفاحة وموزه وبرتقالة كل يومين تقريبا واروح التدريب على شبع وانام على شبع.

طبعا هذا برنامجي والنتيجة اللي حسيتها هي تغيير واضح في جسمي الذراعين والكتف والصدر والجناح وصرت احمل اوزان اكبر من اول اسبوعين اضافة الى ان وزني زاد كيلو ونصف تقريبا خلال فترة شهر..

السؤال؟؟

هل لازم آخذ راحة وانوع بالتدريبات؟؟ يعني لو استمريت بهالطريقة فية مشكلة؟؟

وهل الحليب كامل الدسم زين اذا خلطة بالبروتين؟؟

ماذا عن البروتين او الشراب خلال التدريب وهل تنصحوني آخذ مكملات ثانية علما اني ابي ازيد من وزني او يعني بالمختصر انصحني رحم الله والديكم..

تحياتي لكم..

برو ماكس اكستريم المنتج ممتاز الا انه يفتقر الفات


Nutrition Information

Per 90g (daily serving - 3 scoops)
Energy357Kcal/1493 kJ
Protein (on dry matter)72g*
Carbohydrates 4.95g
Fats4.05g
*Equivalent of 76g measured on dry matter
Please note: virtually lactose free

Key Ingredients

Per 90g

Glutamine Peptides 5g
Methoxyflavone300mg
N-acetyl-cysteine (NAC) 200mg
Taurine 100mg
Chrysin100mgBeta-ecdysterone(97%)40mg
Chromium Chloride200µg

ايظا يحتوي على :

• Contains 72g* of whey protein per daily serving (82% whey protein content)
• 200mg n-acetyl-cysteine (NAC)
• 200µg chromium polynicotinate
• 5g glutamine
• 300mg methoxyflavone
• 5g creatine monohydrate
• 100mg taurine

يحتوي علي 5 جرام جلوتامين - 5 جرام كيرياتين مونوهيدرات - احماض امينيه ومساعد لعمليه وصول الاحماض الامينيه بششكل جيد للعضل

بأختصار المنتج ممتاز للعضل والضخامه والجسم لكنه مايفيدك في زيادة وزنك بالدهون

بالنسبه للجرعه اليوميه 3 سكوب في كل مره ويفضل مع حليب قليل الدسم او منزوع الدسم او ماء

كيفية الاخذ

1 : قبل الفطور او بعد الفطور بساعه

2 : مع الحليب قبل التمرين بساعتين او مع الماء بعد التمرين بنصف ساعه

3 : قبل النوم بساعه


ملاحظات : لأحتوائه على الكيرياتين يجب عليك الاكثار من الماء يوميا


بالنسبة للمشروب هذا مشروب طاقة كارب لا اكثر ولكنه جيد ويفضل شربه قبل التمرين بربع ساعه للأستفادة منه اكثر

بالنسبة لتمرينك هل انتهيت من الشامل هل اكملت قريب الشهر ؟؟

اما بالنسبة لأكلك اسمحلي عزيزي فهذا ليس بالكافي هذا اكل اطفال لازم تاكل اكثر وتقسم وجباتك الى 6 وجبات يوميا وكل قد ماتقدر
فا انت بحاجة كثير من الوزن
الفواكه مو شرط تكون اكثر من الاكلات الثانيه

..

1: هل لازم آخذ راحة وانوع بالتدريبات؟؟ يعني لو استمريت بهالطريقة فية مشكلة؟؟

مثل ماقلتلك لازم نعرف انت مخلص شامل وبديت بجدول ولا لا - عموما الراحه من اهم الاشياء في بناء العضل
واذا بديت بجدول عضلتين باليوم فا الجدول ماتغيره الا بعد شهر اقل شي في حال لم تنال النتائج المرجوه واذا تم الحصول على المراد تقدر تكمل عالجدول وتقدر تبدل فيه مثل زيادة تمرين وانقاص وتبديل تمرين

2: وهل الحليب كامل الدسم زين اذا خلطة بالبروتين؟؟

هو لايضر خصوصا على وزنك وانت تبا وزن بس يفضل قليل الدسم

3: ماذا عن البروتين او الشراب خلال التدريب وهل تنصحوني آخذ مكملات ثانية علما اني ابي ازيد من وزني او يعني بالمختصر انصحني رحم الله والديكم..

بالنسبة للشراب فقد ادليت بدلوي فوق اما بالنسبة للواي بروتين ايظا اخبرتك عنه
لكن هناك نقطه
اذا كنت تبا نتائج زيادة وزن اكثر ف عليك بأخذ منتج اخر
واذا كنت تبا زيادة عضل لكن على ضعف مع ضخامه لا باس بها ف عليك باللي عندك لانه يحتوي على كرياتين وسيساعدك على الضخامه النسبيه

لكن رأي انا انك تاخذ منتج اخر يحتوي على فات اكثر وتخلي هذا لين تخلص علبة المنتج اللي فيه فات وبعدين تستخدمه

اعذرني عالاطاله وبالتوفيق عزيزي

هلا أخوك...
والله نظامك زين بس المشكلة انك مبتدأ في الحديد يعني المفروض تتمرن أقل شىء ثلاثة شهور بعدين تقدر تأخذ مكملات...أفضل مو على طول بس تمرنت أخذت مكملات...
بالنسبة للشراب المفترض انك تشربه قبل التمرين عشان يعطيك الطاقة والحيوية...
مشكور لأخوي...

الله يطول بعمرك اخوي ديزاييـه وماقصرت كلك خير ياطويل العمر استفدت من ردك على استفساراتي..

اما بالنسبة للسؤال اللي سألتني اياه .

اقتباس:

---

بالنسبة لتمرينك هل انتهيت من الشامل هل اكملت قريب الشهر ؟؟

---

اي اليوم اخلص الشهر بالنسبة للتمرين الشامل. ها شتنصحني اسوي لي جدول؟؟ لو استمر بعد شهر ؟؟ مع العلم اني ان جسمي تغير بشكل مقبول خلال هالشهر..وبالنسبة لأخذ البروتين اخوي .ديزاييـه آخذة بس ايام التدريب لو حتى الراحة؟؟

اقتباس:

---

اما بالنسبة لأكلك اسمحلي عزيزي فهذا ليس بالكافي هذا اكل اطفال لازم تاكل اكثر وتقسم وجباتك الى 6 وجبات يوميا وكل قد ماتقدر

---

ان شاء الله عزيزي بحاول الحين حتى القراطيس باكلها مع ان اصعب شي الالتزام..

وأخيرا اخي شنو يعني اسمك ديزايية :33: ادري فضول بس تحملني :)


اعذرني عالاطاله وبالتوفيق عزيزي

بالعكس اخوي كل ما اطلت علي كل ما استفدت اكثر واكثر والله يعطيك اللي بخاطرك :biggthump





وتشكر اخوي اللورد الأحمر على الرد والنصيحة وماتقصر اخوي الله يعطيك العافية ...

العفو عزيزي

زين بما انك خلصت الشهر خلاص ابدأ بالجدول وعضلتين يوميا وشد حيلك وحاول تشل اوزان بحدود المعقول

البروتين تاخذه حتى ايام الراحه بس مثل ماقلتلك ماراح يعطيك الوزن المرجو لكن راح يعطيك عضل

لاتنسى الماي كثر منه

اسم ديزاييه طال عمرك هذا اسم لاعب فرنسي قديم وراح يتغير عما قريب ان شاءالله :)

اقتباس:

---

المشاركة الأصلية كتبت بواسطة ديزاييـه

العفو عزيزي

زين بما انك خلصت الشهر خلاص ابدأ بالجدول وعضلتين يوميا وشد حيلك وحاول تشل اوزان بحدود المعقول

البروتين تاخذه حتى ايام الراحه بس مثل ماقلتلك ماراح يعطيك الوزن المرجو لكن راح يعطيك عضل

لاتنسى الماي كثر منه

اسم ديزاييه طال عمرك هذا اسم لاعب فرنسي قديم وراح يتغير عما قريب ان شاءالله :)

---

تسلم اخوي الله يعرسك اذا اعزب واذا متزوج الله يرزقك من اوسع ابوابة والله حلل اربع :D وافدتي واجد خاصة بالنسبة للماء الكثير انا احس روحي كل عطشان واحتاج للماء ،، وانا ارغب في زياده عضل اكثر من زياده وزن لأن الوزن اكثر شي راح يكون في البطن و مع العضل راح يزيد وزني تدريجيا صح ولا لأ؟؟ لأن هوة اللي راح يعطي الشكل الجميل للجسم اكثر من زياده الوزن.. وانا اول ماشفت الاسم قلت اكيد شي يتعلق بفرنسا كأن قصر الالزيية..

والله يعطيك العافية وسلم لي على اهل الامارات..

يسلمك ويعز مقدارك عزيزي

الماء ضرورري لان المنتج يحتوي على كيرياتين ولازم تصفي الكلية بزيادة الماء
ولأحتياج جسمك الماء بكثرة

انت ياخوي ناقصك 20 كيلو وصعب تطلع عشرين كيلو صافي عضل وايد صعبه لازم تزيد وزنك دهون وهو الاسرع
لازم تمتن شوي على الاقل 10 كيلو وبعدين تبدأ تاخذ كتلة عضلية وضخامه وتوصل فوق 65

عموما مابخرب وشل تفكيرك وتخطيطك دامك بديت فيه وماشي عليه كمل هالبروتين اللي عندك ومن تخلص منه قيس وزنك وان شاءالله بعدها خير

:)

الله يجزيك كل خير عزيزي بس لو تسمي لي اسم بروتين يناسبني عشان اشترية لما يخلص اللي عندي الله يخليك ويحفظك..

لاتستبق الاحداث ,, بعد مايخلص اللي عندك خذ قياس وزنك وخبرنا

بالتوفيق عزيزي