هل بالإمكان زيادة عضل و حرق دهون بنفس الوقت...؟

السلام عليكم ورحمة الله وبركاتة

يا هلا شباب

قبل عن ألعب حديد كان وزني 45 و طولي 163
و تمرنت لمدة شهر و النتائج الوزن صار 52
طبعا زدت عضل و دهون شوي
طبعا كل عضلة في جسمي لاحظت عليها نتايج ملحووظة خلال هذا الشهر
إلا عضلة البطن..أصبحت أقوى بشكل ملحووظ..و صار التحمل عندي عالي فيها
بس مافيه أي بروز عضلي..كنت أمرن عضلات بطني
بشكل يوم أتمرن و يوم لأ..

و اللي ودي فيه الحين اني أحرق الدهون اللي اكتسبتها عشان تبرز عضلة البطن
و في نفس الوقت ابي ازيد عضل بنفس الكفائة

جدولي الحالي هو:

1- صدر + بطن
2 - باي تراي و سواعد
3 - كتف + بطن
4 - ظهر
5 - رجل + بطن
6 - راحة

ما ذا لو زدت جري لمدة 20 دقيقة بعد التمرين في اليوم رقم 2 و رقم 4

هل راح تكون فيه نتايج في حرق الدهون و زيادة العضل....؟؟

طبعا اللي يسئل عن التغذية...تغذيتي طبيعية بدون مكملات
بس مركز على الأكلات البروتينية..فطور 5 بيضات + كأس حليب
غداء رز سلطة صدر دجاج..و بعد التمرين ساندويش مع صدر دجاج
و طبعا أشرب كوب حليب بين الفطور و الغدا و كوب حليب + زبادي قبل عن أنام

تحياتي للجميع

اخوي اولا ما هو نوع الحليب الذي تشربه يمكن فيه دسم زائد وهو السبب في عدم ظهور عضلات البطن فانت وزنك نحيف يعني المفروض ما عندك بطن !!

على العموم الحرق والتضخيم صعب اما انك تختار هذا او ذاك وانا نصيحة مني لك انك تستمر في التضخيم مع مراعات تجنب الدهون في اكلاتك والحليب بشكل عام تتجنب الدسم منه يعني تشرب خالي دسم فقط حتى قليل الدسم تبتعد عنه

بالنسبة هل جربت الشوفان ؟ هو ممتاز ويعطيك طاقه وكربوهيدراته عاليه تزيد من بناء العضل انصحك به في الافطار او قبل التمرين

بالنسبة للهرولة فمن المعروف انه بعد 20 دقيقه من الممارسه تبدا عمليه الحرق يعني يلزمك على الاقل 25 الى 30 دقيقه هروله للحرق

واخر شي لا تنسا ان تلعب تمارين بطنك بالاوزان افضل مليون مره من انك تلعب حر

وبالتوفيق

السلام عليكم

بمناسبة الموضوع

حبيت اسال عن تماريني


انا بلعب الجدول الطبيعي الي هوا صدر +تراي ....الخ


المهم عدد جلساتي في التمارين 4 وفي كل جلسه بزود وزن لكن بلعب 12 تكررار هل اسمو حرق ام بناء وحرق ام ماذا ارجو الرد على سؤالي وشكرا

يعطيك العافيه اخوي مشكلجي على الفائدة

الصراحة انا أتناول حليب قليل الدسم و ان شاء الله بأحول على منزوع الدسم
و تمارين البطن توني بديت أستخدمها بأوزان و ماشية معي تمام
بس بغيت تفهمني أكثر..الشوفان كيف أكلة...؟؟
بملقة..أو أذوبة في موية ولا كيف...؟؟
عندي سؤال بعد زيادة..هل أكل البروتين قبل التمرين ينفع...؟؟
لأني أنا أتغدى رز + صدر دجاج + سلطة وبعدها بـ ساعتين إلى ثلاث ساعات أروح اتمرن
هل جسمي راح يستفيد من بروتين صدر الدجاج ولا راح ينحرق مع التمرين...؟

الشوفان تحصل منه في بعض السوبرماركت مثل الكورن فلكس جاهز للتحضير ممكن تضعه مع حليب خالي الدسم وممكن مع ماء كانه رقائق ذره تقدر تجهزه بسرعه لا يحتاج لطهي او غير ذلك

والبروتين تقدر تاخذه في اي وقت باليوم ولكن يفضل بعد التمرين لان قبل التمرين يمكن يثقل معدتك لو كانت الكمية كبيره لانك مثل ما انت عارف يفضل عدم تناول اي منتج قبل التمرين على الاقل ب 45 دقيقه ولكن بعض المكملات اللي تكون حبوب عادي

والبروتين اخي لا يحترق فالبروتين غذاء للعضل ما يحترق هو السعرات الحراريه في جسمك يعني عضلك يحتاج الى بروتين بشكل مستمر ولو وفرت الكمية التي يحتاجها من خلال الاكل يكون شغلك 100% لكن المشكلة انه من الصعب توفير ما تحتاجه بالاكل فقط

بالتوفيق

والاخ nk655 اتمنا تكتب موضوعك او طلبك في موضوع منفصل حتى لا تتادخل لردود وتستفيد اكثر من ردود باقي الاعضاء

أخوي فارس


لوهلة اول ماقريت الموضوع ماقريت اسمك
شكيت في نفسي انه انا الي كاتب الموضوع خخخخ

لانه نفس كل شي

الوزن قبل وبعد والطول والمشكلة نفسها


----

المهم بما اننا متشابهين فيمكن اقدر افيدك شوي

انا بأعاني بنفس مشكلتك البطن عندي صارت مشدودة بس مو باين فيها اي تقسيم

بس بعد فترة حاولت انه نفس الوجبة الي أكلها ما اعبي بطني فيها
بل حاولت اكثر عدد الوجبات
وبنفس الوقت اخذت بروتين زيرو فات

واتكيتلوتمارين بطن بأوزان

والصراحة بانت معاي شوية السكس باك بشكل خفيف
وتبان اكثر لفترة بسيطة لمن اسوي هالتمارين الي بهالفيديو

http://www.youtube.com/watch?v=HEAMZdRCCmA

جربها عشان تشوف السكس باك تبعك بس :D

طبعن هذي تمارين تقوية وحرق دهون للبطن

-----


بس بعد هذي القصة الي فوق كلها لسا ماوصلت للمطلوب وكنت اسوي تمارين الفيديو ثلاث مرات بالاسبوع

بس لمن تركتها فترة اخفت السكس باك

فـ عن زات نفسي الصراحة الي اتوقعه

انه حجم العضلات لسا ماوصل للحجم الي يخليها انها تظهر بالشكل المطلوب

فلازم تضخم فترة طويلة بعدين تبدأ تنشف عشان تظهر عندك السكس باك..



والاكتشاف داعرفته لمن جمعت اكبر صور عندي لعارضين الازياء والممثلين الي اجسامهم ليست ضخمة بل عادية لكن مقسمة

فلاحظت ان كلهم جسمهم فيه عضلات كبيرة بالنسبة لجسمي اي فيمامعناه انه لسا لازم اشتغل على جسمي كمان شوي تضخيم

ولا تنسى أخوي شغل جميع عضلات البطن سفلى وعلوي وجوانب وايضاً الجذع
لانه تساعد في ظهور السكس باك

-----

وأيضاً في اكتشاف اكتشفته ان طبقات الجلد تختلف من شخص لشخص
في طبقات رقيقة يظهر عليها السكس باك بسرعة
وفي طبقات سميكة يبغالك جهد عشان تظهر السكس باك

-----

وشوف هالمقطع واحد مصور مراحل تفسيم بطنه

لو تلاحظ انه لمن بدأت تطلع عضلات الجوانب بدأ السكس باك يظهر
http://www.youtube.com/watch?v=CWXFb...eature=related
--------



وانشالله اكون افدتك

وانا قطعت عن الحديد فترة جاتني اصابة فخرب شوي جسمي
لكن من فترة رجعت للجيم..وشغال على جسمي وبطلع السكس باك انشالله

يعطيك الف الف عافيه على الكلام المفيد انت ما شاء الله عليك نفس حالتي بالضبط
و من أمس بديت أوازن وجباتي بشكل أفضل و خليت الوجبة اللي قبل التمرين أخف بنسبة 45%
عن أول على اساس اني أحرق شوية دهون اذا جريت بعد التمرين

تحياتي لك و الله يعطيك الف عافية

يعطيك العافية اخوي

بس من الصحب تحرق دهون وتضخم

لان اذا ضخمت وفي دهون او تتكون دهون على العضلة يصير من الصعب جدن

التخلص من الدهون الي حولين العضله

انصحك نشف وتخلص من دهون واتوقع مافيك دهون كثيرة لانك ضعبف حاو

تتخلص من الدهون

وحاول لمة تبداء التضخيمة تزيد نسبة البروتين وتبتعد عن الدهون والله يوفقك