عرض للطباعة
خلنا نتكلم عن الباي مثلا انا اقدر اشيل بيد 15 كيلو فاجي اول شئ اسخن ب5 كيلو ثمانية تكرارات
بعدين اخش مرة وحدة على 15 كيلو بعد التسخين وابدأ 10 8 6 4 يعني التكرارات واخذ لي مساعدة
بيدي الثانية في اخر تكرار المهم انا سمعت عن التدريب الهرمي بس حبيت هذا النظم عشان
الضخامة وكل عضلة لها يوم والتمارين تكون 3 لكل عضلة او احيانا اربعة فياريت ارائكم...:33:
العضلات الصغيره 3 تمارين مثلا الباي والتراي
وفي كل تمرين الجلسات 3 والتكرار مثلا 12 10 8
في ناس تاخذ اربعه تكرار واربع جلسات لكن انا افضل ان العضلات الصغيره لمتمرس مبتدأ او متوسط ان تكون ماكسيمام 3 تمارين لثلاث جلسات وثلاث تكرارات
التسخين عزيزي لايقتصر على الدامبلز فقط بل عندك الاسلاك ايظا والتمارين الروتينيه مثل العقله وضغط بانواعه
التمرين الهرمي ايظا ممتاز وهناك تمرين السوبر
اذا كنت تبحث عن الضخامه في تمارينك يجب عليك رفع الاوزان تدريجيا ولاتقتصر على وزن محدد
مشكور بس ياليت الافادة من باقس الاعضاء...ما خاب من استشار
بخصوص التمارين اول شي اذا كنت مبتدأ بالنادي انته يبيلك اسبوعين تلعب شامل على الاجهزة فقط وبعدين دش
جدول اللعبه وتمرن كل عضل بيوم واليوم الوراه تمرن العضله الثانيه مثال يوم يكون عندك صدر واكتاف امامي
واليوم اللي بعده بطان واكتاف خلفي واليوم اللي بعده يكون عندك باي وتراي ويوم اللي بعده اوف ...
وبخصوص التسخين اخوي لازم تسخن عدل قبل ماتبلش تمارينك فعندك دانبلز والاجهزه عادي مافي اي مشاكل
واذا كنت تبحث عن الضخامه فتلعب ثلاث مجاميع بـ 8 الى 6 تكرار وكل جولة بوزن اعلى ومافي اي مشاكل اذا
احد ساعدك بالجولة بالعكس المهم انك تعود العضله على اوزان جديده وعاليه وتمرين الهرمي ممتاز يساعدك على
الضخامه العضله
وبالتوفييق
ممكن اعرف التمرين الهرمي وش هاذا ؟
انا صارلي 3 شهور العب بس يا اخي انا مش مقتنع بالاسلوب الهرمي يعني مثلا اذا العب 15 كليلو ببدأ تدريجيا ل15 يعني 15 بشيله مرة وحد وهاذي ما تعطي الضغط الكافي على العضلة وانا اقصد يعني ابدأ على طوي 15 كيلو 15 15 15 بتكرارات 10 8 6 عشان الضغط يكون كافي على العضلة
شباب بالنسبه للبرنامج الهرمي جبت هالمعلومه
هذا التكنيك يستخدم في الحقيقه في عمليه التقسيم النهائي للعضلات بعد فتره التضخيم
وزياده قوه تحمل العضله وحرق الدهون لأعتماده في الاداء على فكره الوصول للارهاق العضلي ولا يستخدم للتضخيم ابداً في اي حال من الاحوال
ويعد من تمارين السوبر اي لا تصلح للمبتدئين
شباب هاذي جبت المعلومه من منتدى ثاني ابي اعرف مدى صحتها
الفرق بين التقسم والتضخيم يعتمد اعتماد كلي على الوزن اللي بتلعبه
وزن ثقيل+تكرار قليل= ضخامة
وزن خفيف+تكرار كثير= تقسم