الى اخوي الرسمي الاجابه الوافيه عن نتائج استخدام النينتروتك
اقتباس:
المشاركة الأصلية كتبت بواسطة الرســـــمي
عمر كيف النيترو تك معك تمام قريت ردك في موضوع عشق البطولة لكن مو مفصل
انا خاش على تنشيف ومحتار الوي ولا نيترو
ولا قد جربت ولا واحد فيهم محتار الوي واحد ما مدحة لي
قلت خلني اشوف النيترو تمام معك ولا لا يعني تنصحني فية وكم سو لك زيادة في العضل وقم قعد معك وسعرة ؟
اهلين اخوي الرسمي
والله اسف جدا ً اتأخرت عليك :(
لو دريت انك راسلي ماكان تأخرت دقيقة وحدة لانك ساعدتني كثير
اخوي انا اخذته الصراحة العلبة الكبيرة وتقعد معاك شهر اذا اخذت ثلاث سكوبات باليوم
الصراحة انا كان عندي شوية دهون وبعد ماخذت النيترو تيك ذوبلي بعض الدهون لدرجة انه ظهرت عندي السكس باك
مع اني كنت ماشي بنظام ضخامة
يعني مية مية للتنشيف
وطعمه تمام مع الماء
سعره 200 ريال سعودي من عند صابر
ماحصلته بالجي ان سي كان مخلص
سوالي ياطويل العمر تقريبن 4 كيلو عضل بالشهر
مع ان الي مكتوب بالعلبة انه بيسويلك 4 كيلو عضل باسبوعين
بس شكله التغذيه عندي كانت مو تمام بس انا سويت الي اقدر عليه
انشالله اكون افدتك اخوي
واعتذر ماقدرت ارد مسج لانه مشاركاتي ماتسمح
كمان ماشالله تعجيز 500 مشاركة من وين اجيبها :D
واخوي مشكلجي هو الي دلني عالنيترو تك وخبرته اكبر
اكيد بيرد ويفيدك اكثر
انشالله يكون ردي مو متأخر:02:
رد: الى اخوي الرسمي الاجابه الوافيه عن نتائج استخدام النينتروتك
ابشر اخوي مشكلجي
الحين بأضيف ردي
--------------
ههههههههههههه طب تمام انك اكدتلي انه ماينخلط مع السائل حتى لو بالخلاط
لانه جا في بالي اني باخذه عالفاضي يعني بشرب العصير ويبقى البودر ماختلط معه يعني مافي فايدة
-------------
وشكرن على تنبيه انه ماينفع مع الحليب
يحسافة لي اسبوع اخذه بالصباح مع حليب <<فترة التحميل
توي انتهيت من فترة التحميل واليوم اول يوم اخذته مع عصير عنب
------
بس اخوي مشكلجي مادري احسك فهمتني ومافهمتني
انا اقصد انه لمن احطه مع عصير العنب واخلطه بالخلاط على قولتك
تدور حبيبات البودرة داخل العصير ث تترسب بالاسفل
يعني اشرب العصير واخلصه واحصل ترسب البودرة قاعد بالاسفل يعني مانشرب !
يعني زي لمن تجيب شاي وتكثر بيه السكر وتقلب بعد ماتشرب تحصل بقايا سكر بالاسفل مانشربت..
فمادري
هو شي عادي يعني مو شرط اشربه كله
ولا اشرب البودرة الي باقية ماتحللت بالعصير مع انها تخنق لو شربتها كذا من غير ماتتحلل بالعصير
ولا اني اخلط البروتين مع الكرياتين واكبر راسي
رد: الى اخوي الرسمي الاجابه الوافيه عن نتائج استخدام النينتروتك
والله فهمت يا عمرو والله لا تشيل هم انا مثلك تبقى مترسبه بقاع الكوب حتى اني ازيد الماء لربع الكوب واشرب :)
يعني بعد ما انتهي واشوف في ترسيب اضع الماء مره اخرى واشرب !
انا اقولك مالك الا هالحل اللي انا كنت اسويه
اخلط بالملعقه واشرب على طول مثل الفوار عرفت :)
هذي طريقتي حتى لا يبقى شي مترسب او ازيد الماء
رد: الى اخوي الرسمي الاجابه الوافيه عن نتائج استخدام النينتروتك
ياشباب انتم تتكلمون عن الكرياتين البيور الي بدون نكهة ؟
انا عندي مونهيدرات كرياتين على طول ذوبان في الماء سريع جدا لكن شكل الي عندك غير المهم ان كان ما يترسب مع الماء مهيب مشكلة حطة مع المكمل واشربة او مثل ما قال مشكلجي خلى يدور في الكاس وعلى طول اشربة
رد: الى اخوي الرسمي الاجابه الوافيه عن نتائج استخدام النينتروتك
ايه مشكلجي زي ماقلت انت بالظبط
وصح اليوم سويت زي ماقلت انت خليته يدور وقربعته ببطني بسرعة وبقي في القاع اضفت عليه ماء وقربعته ثاني
-----
الرسمي والله انا الي عندي مينوهيدرايت وبيور ومايكرونايزد<<المايكرونايزد ذرات البودرة صغيرة جدن
ومع ذلك مابيذوب في العصير
بس عاد مالنا الا نزود موية على الي بقي من ترسبات
ويعطيكم العافية مشكلجي والرسمي :)
