كمال الأجسام وطول القامه .!؟!!

السلام عليكم ورحمة الله وبركاته

اولا انا عمري 23 سنه والعب الحديد من تقريبا عمري 15 سنه لكن متقطع !! ودخلت بطولات يوم كان عمري 18 سنه .. واخذت مركز ثاني على مستوى النادي ..
وطولي 175 لابأس فيه
لكن انا ألاحظ ان اسمع الكثير يقول الحديد ماله شغل في الطول ...
ولا يأثر ولا يزيد في الطول...
بس الي اشوفه شي ثاني يعني لاعبين السباحه او الطائرة طوال يعني الرياضه تساعد على طول القامه
عكس الحديد يعني الضغط كله عالجسم والعضلات والفقرات بالظهر ...
فما ادري هل الحديد يوقف الطول لانه انا انسان عادي وماعندي خلفيه في هذي الشغلات
وياريت اشوف رأي الاطباء يكون أفضل ...
يعني لمن تشد الجسم بالعقله يتمدد
عكس الاكتاف بالبار ينضغط هذا قصدي ...
وياريت يفيدونا الاخوان لانه احس ساعات عوار في الظهر وانا العب صح واحط حزام وكل شي
بس انا بعرف الحديد يوقف الطول وتمدد الجسم او لا
وشكرا

اي نعم يوقف الطول :)

وبخصوص لاعبي السباحة والطائرة وايضاً كرة السلة ..... لو تلاحظ تمارينهم ولعبهم يالغالي يعتمد على التمدد اكثر شي والسترج ..... وانا يالغالي سنين مضت العب كرة قدم مو العبها في الفريج فقط. كنت العب في نادي ايضاً .. اشرايك طولي هذا ثابت من يوم كان عمري 14 سنة ؟؟؟؟
169

يالغالي هذولا تتقسم اجسامهم وتتفصل وتظهر عضلاتهم :) لكنها ما تضخم يالغالي ولا يصير ضغط على اجزاء جسمهم مثل كمال الاجسام :)

بمعنى اصح ...... هم لعبهم تقريباً لياقة وتمدد بشكل مستمر يالغالي ...

واترك المجال للشباب لاني مو عارف شلون اشرح ههههههههه

وبخصوص الام الظهر ... بما انك تقول انك ملتزم بالحزام .. لابد انك ترفع وزن اثقل من حدك يالغالي :) ولابد انك في بعض التمارين تلعبها غلط او عندك حركة خاطئة و قت رفع الوزن بتحريك الجسم ...

وتاكد من الوحوش وخذ لك طله عند دكتور افضل يالغالي

والله يبعد عنك الشر :)

اقتباس:

---

المشاركة الأصلية كتبت بواسطة عرباوي كربونش

وياريت اشوف رأي الاطباء يكون أفضل ...

---

لا اعتقد بوجود طبيب هنا يجاوبك !!!

بالتوفيق

الموضوع مختلف عليه بشكل كبير
لكن بتكلم عن نفسي كنت العب حديد وعمري 17 سنه
طولي يوم اني العب حديد اكثر من طولي الحالي من 3-5 سانتي
اللي اشوفه اني كنت اطول يوم كنت العب حديد

هو مايوقف النمو ولا يوقف الطول لكن تقدر تقول يعيق الطول بحاله وحده الا وهي لعبة دفع الاوزان الثقيله

الي اعرفه واسمعه ان الحديد مايقصر بس يوقف النمو