وزني 69 وطولي 156 اريد نصائكم بالمكملات والبطن

صراحة انا استفد كثير من الاخوان في المنتدى
عموما انا وزني تقريبا 151 باوند = 69 كيلو تقريبا وطولي 156سم او 5.2 ft
ونسبة الدهون 19.5%=27.5 BMI والعمر 28 سنه .
صار لي العب حديد من سنتين تقريبا لكن ماكنت جاد اول سنه يعني تقريبا سنه شاد حيلي
ووقفت شهرين لاني عملت عمليه في القدم. تقريبا قبل 4 اشهر ورجعت العب من اكثر من شهرين واتمرن من4-6 ايام فب الاسبوع حسب ضغط الدراسه.
جسمي من فوق تمام مو مره بس تقدر تقول هذا يلعب حديد لكن في كرش مسويت لي قلق اباشيلها بس المشكله ما اقدر اعمل كارديو لان القدم لسا فيها الام.
عموما مادري وش تنصحوني وهل اقدر اخذ مكملات او اي شي ثاني تشوفون ممكن ينفع مع العلم انا في امريكا وممكن الاقي اشياء وخيارات كثيره هنا.
ووش رايكم في بروتين AMP GNC نصحتني اللي تشتغل في GNC انه تمام وينفع لحالتي لاني ابشيل الدهون وازيد العضل وما اخسر عضلاتي.

واسف جدا ع الاطاله ومشكورين مقدما.

وعليكم السلام والرحمة

بدايتاً حياك في المنتدى يا ليت تراجع قوانين القسم بالنسبة لأسامي المواضيع + تم تعديل الموضوع

بالنسبة للمكمل AMP GNC غير جيد لحالتك وراح يعطيك دهون بما انك لاعب قديم بالتالي عندك عضل لكم المشكلة الكرشة وهذي مشكلة بسيطة تقدر تعالجها عن طريق تماين البطن ولا يحتاج الكارديو لك
راح اعطيك نظام تمشي علية وتقضي على الكرشة وتبعد عن الدهون نهائيا

في البداية
خذ مكمل ما فية دهون زي ايسو بروتين مناسب لك ولا راح يعطيك دهون ولا سكر فقط بروتين وباقي المستلزمات
ثانيا العب 4-5 مرات في الاسبوع وعندك موضوع لي في التوقيع تقدر تاخذ تمارينة وتتمرنها
كذا راح تقهر الدهون وتشيل الكرشة ويا ليت تبعد عن الدهون في اكلك وراح تمشي مظبوط
لكن كل شي بالمواظبة اكل صح مكمل صح تمارين بطن صح وراح تطير الكرشة نهايئا وجسمك راح يكون مظبوط

بالتوفيق

مشكور ابو راشد الله يجزاك الخير
ومادري هل امشي على تمارين التضخيم اللي في مومضوعك ولا وش رايك وكم مره امرن البطن في الاسبوع.
وهل استخدم اي حارق للدهون او لا.
واسف ع الاطاله والاخطاء اللي في العنوان بس هذي اول مشاركه لي.

بالنسبة للبطن والحارق فا جاوبك بو راشد يا عزيزي
الضخامه مو مشكله كمل وين المشكله يعني