السلام عليكم ورحمه الله وبركاته صباح الخير جميعا
عندي 6 كيلو زياده ابغا رجيم يحرقهم لي بسرعه مليت وربي :cray:
عرض للطباعة
السلام عليكم ورحمه الله وبركاته صباح الخير جميعا
عندي 6 كيلو زياده ابغا رجيم يحرقهم لي بسرعه مليت وربي :cray:
السلام عليكم ورحمة الله وبركاته
منور اخوي
ممكن تشرح لي جدول اكلك وبالتفصيل وكم وجبه تاخذ باليوم
وهل تتمرن مشي وبطن وخواصر وكم المده وكم يوم تتمرن بالاسبوع
وين تحس ان الدهون متراكمه عندك اقصد اي منطقه
في انتظار ردك اخوي
انا كان وزني تقريبا 81 نزلت الى 68.5 و طولي 172
و رحت العب حديد الحين وزني 73 بس مااحس ان الجسم مشدود !!! عضلات البطن الي فوق شوي ظاهره
اما الي تحت لا في دهون متراكمه كنها حزام و ايضا في دهون بالصدر :@ مب راضيه تنحرق
و الاحظ حجم الفخاذ كبيره مع انها مشدوده و قاسيه , يمكن تكون غلطه مني اني اعتمد على جهاز أوربت تراك و تسبب لي تضخيم بعضلات الفخم ! من الاخير انا زعقت فقررت اني انزل 6 كيلو ع الاقل و مابي اشيل حديد بعتمد على السباحة فقط
ماجاوبت على الاسئلة كلها ياغالي
كل يوم أجري + بطن + بوش اباقتباس:
وهل تتمرن مشي وبطن وخواصر وكم المده وكم يوم تتمرن بالاسبوع
5 ايام بالاسبوع و الخميس سباحة 40 دقيقة
اكلي كله من البيت , تقريبا اكل اي شي لكن احاول اني انقص الوجبه >>>>> تقريبا بالشهر مره اكل من برا البيت او مرتين لكن بدون مشروبات غازيةاقتباس:
ممكن تشرح لي جدول اكلك وبالتفصيل وكم وجبه تاخذ باليوم
عدد الواجبات 3 الاساسية و قطعة شوكلاته عشان ارجع مصدع من الدوام (مدرسة)
و العشا و الفطور كرونوفليكس فيتنس
اقتباس:
المشاركة الأصلية كتبت بواسطة FX10
مرحبا اخوي واسمح لي عالتاخير
انا انصحك بدل الكورنفلكس تاخذ (شوفان ) سوا الفطور او العشاء واذا ماتعرفه بحاول انزل لك صورة له
وبخصوص اكل كل شي فهني المشكلة اخوي لانه اكل البيوت بشكل عام يكون متروس فات وهني مشكلتنا
انا انصحك اخوي تبتعد بشكل عام عن الكاربهيدات وخصوصا العيش او (الرز) والمعكرونه والشبس والبطاطا والخبز
باانواعه ويفضل اذا خبز اسمر ولا تكثر ربع خبزه
وتكثر من السلطات قد ماتقدر والله الله بالبلاك كوفي اقصد الاميركن كوفي موب النسكافيه
وبعد اخوي الله الله بصدور الدجاج خصوصا المشوي على الفحم والله الله بالاستيكات
وبخصوص التمرين انصحك بالمشي السريع ومايقل عن 40دقيقة مبدياً وتزيد كل اسبوع
وتمرين البطن يفضل يكون تمرين بطن ويوم راحه ويفضل ايضا انك تقسم التمرين حق البطن
على يوم تركز على العضله اللى فوق وتريح يوم واليوم اللي عقبه العضله اللى تحت
والخواصر مع البطن
وبالنسبه للحديد هناك فكرة عند الشباب ياانه يتمرن حديد او يوقف عنه وينشف
والفكرة غلط
ترا انت في تمرينك الحديد بعد تحرق الدهون اللي موجودة في كل مكان على العضله اللى تمرنها
اخوي سوال: هل حاولت تجرب حوارق الدهون ؟؟؟
هذا مااستطعت الاجابه عليه من خلال معرفتي البسيطة واذا فيه اضافات اكيد الشباب ماراح
يقصرون
اسمح لي على الاطالة
السلام عليكم
اقتباس:
المشاركة الأصلية كتبت بواسطة غلاقطر
حلوووو عجل عرفته ماشاء الله عليك
بالضبظ (كويكر)
العب تمرينك للعضله سوا العلوية او السفلية او الوسطى لين تحس انه فيه الم
العب العضله حقت البطن وركز على العضله وانت تتمرن لان التركيز شي مهم
جدا جدا جدا في اي تمرين
بالنسبه لسوالك عن السباحه اكيييد ياغالي السباحه تحرق وتقسم وهو التمرين اللي
كل عضلات جسمك تتحرق فيه بشرط انك تسبح صح موب اقصد انك تسبح بالطريقة الصحيحه
طبعا الاستمرار مهم جدا جدا جدا في اي تمرين والاصرار والعزيمة
لازم ترسم قدامك هدف وتعزم وتصر انك راح توصل هالهدف وتحط لك فترة زمنية محدده طبعا
ماتكون فترة قليلة على اساس ماتظلم نفسك وتظلم تمرينك
ولكن فترة معقولة واعيد واكرر ان تركيز في تمرين العضله مهم جدا
ملاحظه :لو فكرت انك تستخدم البلاك كوفي ترا اقصد بلاك كوفي بدون
لاسكر ولاحليب
وفي هالفترة حاول تقلل من السكريات قدر الامكان وعليك بشرب الماء
واسف على تاخر الرد
كل الود اخي