مساعده في التنشيف (مكملات + برنامج)

السلام عليكم و رحمة الله وبركاته

أولا انا احب اشكر كل الشباب على المشاركات الفعالة و بصراحة حبيت المنتدى وصرت تقريبا اتابعه بشكل يومي...

انا صار بالتمرين زمان و بعدين قطعت 4 شهور و رجعت بعد مازاد وزني... الحين صار لي حوالي 4 شهور في التمرين و صار وزني و شكلي احسن من الاول .. حاليا انا ماشي على جدول ضخامه و ما اخذ من المكملات الا البروتين (100% Whey Protin Fuel) من شركة Twin Lab

الجدول الجديد راح يكون تنشيف لأن حابب العضلات تظهر و الدهون تخف ... واستفساري بارك الله فيكم شو من المكملات اللي ضرورية و كيف ممكن يكون الجدول ..
على حسب ما قريت و استفسرت .. انا كنت ناوي اجيب ال Lipo 6x و Amino 2222 مع البروتين اللي انا اخذه حاليا.. فهل هالشي صحيح و لا لأ ؟ حاليا انا اخذ سكوب واحد من البروتين بعد التمرين مباشرة.. هل لازم اخذ اكثر في فترة التنشيف؟ وشو بالنسبة للملتي فيتامين و ال B complex كيف لازم اخذهم؟

الكابتن في الصاله نصحني بكلين بترول بس انا مب مقتنع بالمره لأني سمعت عن اضراره و قريت ان الليبو 6 احسن بوايد ... شو رايكم؟

وزني 86
طولي 172
عمري 28
نسبة الدهون 22% (وايد الصراحه)

المشكلة في نظام اكلي اني صعب التزم بشي لأن دوامي طويل و حاولت اكثر من مره و فشلت.. شو تنصحوني؟؟

شكرا لكم و بانتظار نصايحكم...

هلا الطيب .. والله نفس الأستفسار عندي ، لأن ناوي أخذ كورس لـ خالي
لأن هو الحين ينشف ووصاني على مكملات ، و موعارف شو أخذ له
فـ معاك بنفس السؤال أنتظر الأعضاء الكرام ..

هلا و غلا بالاخ يوسف ...

بانتظار الخبراء و جوابهم ... عندي سؤال ثاني هل الليبو 6x يفيد في تخسيس البطن و الخواصر .. لأن بصراحه المنطقة عقدتني بشكل فظيع ...
شكرا

اهتم بتمارين الكارديو واجري الصبح اول ماتصحه اذا تكدر , الليبو 6 ممتاز راح يفيدك والامينو ايضا لكن البروتين تحتاجه في فتره الضخامه وليس التنشيف , بالنسبه للتغذيه حاول اتقلل الكارب ونسبه شبه معدومه من الدهون وحاول تكثر البروتينات حاول تخصص وقت كد ماتكدر


بالنسبه للفيتامينات انصحك بمالتي فيتامين لان فيه تقريبا جميع الفيتامينات المهمه والمعادن ايضا عندك الاوبتي مين جيد

الحديد كثر العدات وقلل الاوزان بحكم التنشيف يعني مثلا العب 4 في 12 او 4 في 15 في اوزان قليله ولاتنسه المعده ايضا تلعبه بالنسبه للكارديو خلي بعد التمرين او قبل نصف ساعه وبالتوفيق

افضل كورس للتنشيف اي حرق في الحديد امينو 2222 وانيمال كت والواي بروتيين
وركز على التماريين الي قالك عليها اخوي ساامي

شكرا سامي على الرد السريع ...

اذا كنت احتاج الى كمية بروتين كبيره في اكلي ليش ما اخذ البروتين باودر مشان اعادل الكمية...
انا حاليا امشي و اركض بعد التمرين ل 20 دقيقة .. هل لازم ازود الوقت؟

شكرا

هلا خوي The Rock

شو هو الانيمال كت و كيف استخدمه؟ اذا كان حارق دهون هل هو احسن من الليبو 6 ؟
شكرا

انا عن نفسي استخدمت مع التنشيف واي بروتين + cla+ كرنتين وبصراحه وايد مفيدين واتمنى لو تاخذونهم بينفعونكم وايد

مشكور اخوي فيصل..

انا الحين محتار في امري... قررت اني اخذ الليبو 6 و الامينو 2222 واقطع البروتين.. شو رايكم؟
انا سمعت ان الواي بروتين ماينفع حق اللي فصيلة دمهم O+ هل هذا صحيح؟

شكرا