هل تمارين المعده او السواعد مع الصدر والباي في نفس اليوم خطأ

بسم الله الرحمن الرحمن

اخواني هذا اول يوم لي بالمنتدى دخلنا عليه بالصدفه عجبنا وسجلنا فيه
مريت على كثير من المواضيع بشكل سريع ودي اسأل جم سؤال واتمنى الاجابه عليهم

أولا : صارلي في النادي لحد اللآن شهر ونص تقريبا وجدولي كالتالي علما اني ما دخلت نادي من قبل يعني تونا ما وصلنا مواصيلكم :(

اليوم الاول : صدر + باي
اليوم الثاني : ظهر + تراي + سواعد + معده
اليوم الثالث : اكتاف + مثلثات + ارجل

ملاحظه : اذا وحده من المسميات اللي في جدولي غلط طوفولي وعلموني خاص مو تفضحونا
ترى حدي ما اعرف توني قبل يومين بالنادي عرفت يعني شنو دنابل :boggled: , فأسترو على ما واجهتم :ee2: . . .

طبعا في اليوم الرابع ما أخذ راحه ابدا ارد ابتدي الجدول من جديد , يعني تمرين مستمر , يوميا في النادي . فالسؤال الاول : هل الجدول معقول والا فيه اخطاء , مع توضيحها اذا امكن :ponder:

بعض الناس اللي تكلمت معاهم بالنادي قالوا لي اخذ البروتين وابدي فيه دام حسيت ان جسمك شد وياك اشوي , لكن في نفس الوقت المدرب يقول انطر 3 اشهر وبعدها ابتدي فيه
السؤال الثاني : منو فيهم اهو الصح ؟ واذا كنت مع المدرب في تأخير استخدام البروتين .. ياليت تقولي شنو الحكمه من هالتأخير ؟ هل له فوايد مثلا ؟!
معلومات عني ( الطول 180 - الوزن 68 )

السؤال الثالث : هل تمارين المعده او السواعد مع الصدر والباي في نفس اليوم خطأ ؟! ولماذا ؟
لانك اذا قلت انه خطأ فانت تقول اللي يقوله مدربي وتأيده .

<= قاص على نفسه يعني ملون ومسوي حركات :09: ... عز يا الاسود اول من يقول اكتب فيني اما باقي الالوان .. لا دش على قائمه الالوان وامسك اذنه وافرشه على الحرف عشان يطلعلك ..
<= اوووص ولا كلمه
=> انشاللهـ :02:

وسلامتكـــم . . .

جدول انا كنت ملخبط فيه قبل عموما انصحك بهل جدول لاني كنت مخربط حيل قبل
اليوم الاول صدر وباي معده
بيطان وتراي
ريح بين البيطان والاكتاف
اكتاف مثلثات سواعد
ارجل معده وعيد الجدول بالتوفيق ياوحش
وان بغيت تاخذ بروتين انصحك بعدين بلش بعد شهر يعني وفي منتجات كثيره وارشح لك برو ككومبلكس قينر
وخذلك لفه على المواضيع المميزه اقراها كلها راس تستفيد وبالتوفيق ان شاء الله

اقتباس:

---

طبعا في اليوم الرابع ما أخذ راحه ابدا ارد ابتدي الجدول من جديد , يعني تمرين مستمر , يوميا في النادي

---

طبعا هذا أكبر خطأ
لازم يكون عندك يوم راحة
وشلون تبي العضلات تنمو ..؟؟
العضلات تنمو وقت الراحه
ماعلمتنا كم عمرك اول ..؟
بخصوص الجدول بيفيدونك الشباب
لكن انا اشوف مسألة الجدول تختلف من شخص الى شخص
وراح يفرق معاك هالشي اذا تقدمت في اللعبه
بتعرف وش جسمك يحتاج وعلى هالاساس بتبني جدول
لكن غالبا في مثل حالتك
الشباب يستخدمون الجداول المشهوره
وبتلقى كثير منها هنا بعد ماتحدد هدفك
واذا تبي نصيحتي
اسمع كلام المدرب (اذا كان يفهم )

مانتبهت انه يقول تمرين مستمر ,, الراحه شي مهم انا بالنسبه لي تمريني 5 ايام بالاسبوع كافيه جدا وان حسيت انه في بور بيوم الراحه اسبح او اللعب كارديو اهتم بالراحه خاصه وانت مبتدأ اللعبه يبيلها صبر واستمراريه واذكر لنا عمرك عشان يفيدونك الاعضاء اكثر

بنسبة لك هل جدول كمبتداء اوكي

لكن كمحترف

صدر وباي
ظهر وتراي
يوم راحة
اكتاف وشركات الي مثلثات اتسميه
وافخاذ
يوم راحة

هذي جدول ممتاز وفي كثير طبعن من الجداول الاحترافية بس انصحك في هذا الجدول كمبتدأ

اما بنسبة ع كلام المدرب صدر+ باي + وتمارين البطن +وسواعد

بنسبة حق السواعد اذا تلعبهم معا اي يوم ماعتقد في خطأ

اما بنسبة حق البطن وصدر العضلتين ماتتقبل اذا تلعبهم معا بعض نفس اليوم هذي الكلام الي انعرفه يعني والي اكثريت الناس يعرفونه

الف شكر لردودكــم المفيده . . . و عمري 21 سنه للي يسال

موفق يالغالي وشد حييلك