عندي ترهلات بسيطه وزني ممتاز محتاج نصيحتكم.

السلام عليكم
فلبدايه ابي اشكر كل القائمين على المنتدى والاعضاء والمشرفين
والله افدتوا ناس كثير من دون ماتعرفون الله يعطيكم الصحه والعافيه.

انا يااخوان عمري 21 و طولي 184سم
ووزني 73 تقريبا.
كنت اتمرن لحد قبل اسبوعين وقفت وناوي ارجع ان شالله
وزني مناسب وبالعكس شكله ناقص بعد
لكن عندي مشكله بسيطه وان شالله القا عندكم الحل
الباي والارجل والظهر ماعندي مشاكل فيهم مشكلتي الوحيده واللي عقدتني
هي منطقه البطن والصدر، عندي ترهل في البطن بسيط وبرضو عندي الصدر ترهل
بسيط او مايسمى Gynecomastia
لما اشتغلت على تمارين البطن وماليه شفت نتايج حلوه صراحه ماني شايل همه
لكن منطقه الصدر والترهلات هي اللي ماحس اني سويت شي فيها.

الاستفسار الثاني هل المنتجات حارقات الدهون ممكن تفيد بهالحاله او لا
وشكرا.

اتمنى القا عندكم جواب سواء منتج او تمرين او اي شي يساعد علما اني كل مابحث عنه هو شد للجسم وتضخيم بسييط للعضلات وشكرا جزيلا.

هلا بك يالغالي

اوك تمارينك وافكارك حلوه
ونصيحتي فقط ركز في التمريين مع زياده الوزن لكن اهم شي التركيييز ومع الايام كل شي بيتعدل
والافضل دام انك تضخم لا تاخذ حوارق دهون
وهل انت تستخدم مكملات او لا!!!

مكملت زي ايش مافهمت
ويعطيك العافيه على الرد السريع.

حياك الله اخوي بينا والحل انا ترهل الصدر للأن اعاني منه واستخدمت طرق كثيره لحله لكن اكثر شي فادني صراحه هل تمرينين متوازي اللعبه يوميا لاتفارقه بعد ماتمشي بالنادي 40 دقيقه عشان تحرق دهون دش متوازي على طول واللعب تكرار 15 اربع جولات واللعب ضغط لاتفارق هل اثنين وان شاء الله بيتحسن وهذا موضوع للكابتن تركي
http://montada.com/showthread.php?t=680379

وهذا اقتباس منه


برنامج آخر3 ...

- متوازي وبأوزان ...
- ع البنش سفلي بالبار ,,
- ع البنش سفلي بالدامبلز ,,
- البلوفر ,,
- ع البنش صدر مستوي ,,,

فائدة البرنامج القضاء ع الترهلات اسفل الصدر وتجميل الصدر وتحسينه بشكل دائري ,,
وانصح أي لاعب يعاني من ترسبات مياه او دهون في اسفل الصدر بتناول النولفادكس والبريفرون وخاصة اذا كانت نسبة الدهون طبيعية ,,,


,,

وبالنسبه للمكملات الي ممكن تساعد بحرق الدهون المترسبه صراحه انا جربت هيدرو كسيد كت وفرق جدا معاي
لكن في منتج جديد اقوى ومختص بالجينو حتى كاتبينه بالموقع انه يساعد على حل مشكله الدهون فيه الي اهو اوكسي اليت وطبعا اهتم بالاكل انه مايكون فيه فات او كارب كثير والكارب وجبه قبل التمرين وحاول تجتهد ولا تدش ضخامه لين تفتك من الدهون المترسبه وراها اللعب على كيفك موفق ان شاء الله واي سؤال تامر فيه حاضرين

اخوي هذا صوره اكسليت برو وانا الحين استخدمه وماخلصت القوطي للحين وانا جربت ليبو 6 قبل وهذا احسن منه بوجهه نظري وبعدين بحط النتايج بلقسم عن المنتج وجم كيلو نزلني...والاماكن الصفره اهي الي يركز عليها بحرق الدهون
http://www.albanystrength.com/store/images/oxyE-90.jpg
http://files02.arb-up.com/i/00110/ljws29o7e5w7.jpg

ماقصرت اخوي هارد مان ومثل ماوضحت لك اخوي الاوكسي اليت الافضل ويحرق المناطق الصعبه المحدده بالصوره وفيها الصدر السفلي ان شاء لله ورا رمضان بجربه وهذا بيكون اخر كورس تنشيف ادعوا لنا بالتوفيق ولكم ان شاء الله