إستفسار بخصوص سلبيات ترك المكملات والحديد

السلام عليكم ورحمة الله وبركاته

أخواني أعضاء المنتدى عندي سؤال الصراحه أقلقني من فتره طويله وكل مرره ما أحصل جواب شافي




يا شباب دحين لمن أضخم وأترك الحديد لفتره يعني شهرين ثلاثه

هل راح يتحول العضل إلى دهون وراح يفرط جسمي .. لأني كنت مقتنع إن هذا الكلام مستحيل لكن مع كلام الناس والله لعبوا في مخي


ثانيا هل إستخدام المكملات فتره ومن ثم تركهاا راح يرجع العضله زي ما كانت يعني لمن أستخدم بروتين وأضخم جسمي ووقفت البروتين مع إستمرار التمرير هل راح ترجع العضله وتصغر أو إنها تستمر زي ما كانت


إيش الأضرار إلي ممكن تترتب لو قطعت عن الرياضه فتره شهرين ثلاثه

بالله يا جماعه أعطوني جواب شافي وكافي لأن معلوماتكم الصراحه تعتبر مصدر ثقه

اقتباس:

---

المشاركة الأصلية كتبت بواسطة asoomy

السلام عليكم ورحمة الله وبركاته
وعليكم السلام ورحمة الله وبركاته
أخواني أعضاء المنتدى عندي سؤال الصراحه أقلقني من فتره طويله وكل مرره ما أحصل جواب شافي
يا شباب دحين لمن أضخم وأترك الحديد لفتره يعني شهرين ثلاثه
هل راح يتحول العضل إلى دهون وراح يفرط جسمي ..
ابدا ماراح يتحول العضل لدهون
لكن فترة انقطاعك عن التمرين اهتم بالتغذيه مثل ايام الحديد وخصوصا البروتين
لأني كنت مقتنع إن هذا الكلام مستحيل لكن مع كلام الناس والله لعبوا في مخي
اترك عنك مايقال فاغلبه افتكاسات
ثانيا هل إستخدام المكملات فتره ومن ثم تركهاا راح يرجع العضله زي ما كانت يعني لمن أستخدم بروتين وأضخم جسمي ووقفت البروتين مع إستمرار التمرير هل راح ترجع العضله وتصغر أو إنها تستمر زي ما كانت
المكملات ماهي الا سد للنقص في التغذيه يعني اذا ما استعملتها ماعندك مشكله
لكن لابد توفر لجسمك كافة احتياجاته من العناصر الغذائيه المختلفه ولكن هذا صعب بدونها
إيش الأضرار إلي ممكن تترتب لو قطعت عن الرياضه فتره شهرين ثلاثه
لو اهملت التغذيه وانقطعت عن التمرين فترة طويله شي اكيد حتنقص الكتله العضليه
بالله يا جماعه أعطوني جواب شافي وكافي لأن معلوماتكم الصراحه تعتبر مصدر ثقه

---

..........

تحياتي

ماشاء الله على اخوي ذا كوست ما قصر