ألام في جميع أنحاء الجسم

السلام عليكم ورحمة الله وبركاته

أخواني قطعت على النادي يمكن يومين أو ثلاثه وفي اليوم الثالث لمن قمت من النوم حسيت كإن كتفي مخلووع ألم قوي وتحديدا في الكتف الخلفي إيش السبب مدري .. علما بأن أخر تمرين أتمرنتو في النادي كان أكتاف لكن ما حسيت غير بعد ثلاث أيام أخذت اليوم إلي بعده راحه ورحت النادي في اليوم الخامس بعد ما خف كتفي شويه لكن للأسف ما قدرت ألعب شي

على طول رجعت البيت وقلت خلاص بكره ألعب ... اليوم صحيت والله يا جماعه جسمي كلوووو بنفس الطريقه سواعدي أكتافي عضلة الفخد أحسها وبالذات لمن أسجد في الصلاه بتتقطع و البطه و كلووو

مدري إيش السبب .. بالله يا أخواني إذا أحد واجه هذي المشكله قبل كدا أو يعرف إيش المشكله يعطيني الحل لأني بديت أوسوس

بس لازم اوضح حاجه أنا ليه أسبوع أنام على كنبه لأن غرفتي حاليا تنضرب بويه يمكن السبب عدم النوم الصحيح مثلا ؟؟؟

مع إني نمت يومين ولا حسيت بشي

أرجو الرد السريع

يمكن من النومة الغلط..

مع اني افضل النوم على الكنبة قدام التلفزيون لكن ضريبة هذه النومة الم في الرقبة او الكتف.

يالغلا اذا انت مبتدأ في العبه هذآ الآم طبعيه

هذا شي طبيعي وممكن يكون من المكيف

اذا كان الالم في العضل ويجيك لما تحرك المنطقة يعني تحرك كتفك اكثر من اللمس فهذة الالام طبيعية نتيجة تجمع حمض الالكتيك في العضلات بعد توقف لفترة

فكس او كريم عضلات ومساج كافية بأزالة الالم بسرعة ان شاء الله

بالتوفيق

معلومة إذا انت لك اول اربع خمس ايام بالنادي بتحس بآلام وتزول بعد الفترة هذي ولو تركت اللعبة مثلا ثلاث شهور ورجعت مرة ثانية نفس الشئ بتحس بآلام تقريبا في كل جسمك وتزول بعد اربع خمس ايام


ثاني شئ انت لا تتحمس كثير وتحسب نفسك روني شوي شوي شل على قد وزنك وبالتدرج على شان ما تجيلك اصابات وتتوهق


ثالث شئ انت تبذل جهد جبار في النادي يبغالك مكان تريح فيه تروح تنام على كنبة !!!!! تعذب نفسك يا أخي


رابعا وأخيرا الكنبة حقتكم وش مقاس ضغطها >>> يعني لو تنام عليها جسمك يشكل خط مستقيم أو جسمك يشكل قوس منحنى إذا كنت الثانية فعلى الدنيا السلام نام على فراش على الأرض ارحملك

أشكركم على ردودكم السريعه بخصوص إني مبتدأ لا الحمد لله لي سنه ألعب وما أتوقع من إنقطاع 3 أيام يجيني ألم كذت

ثانيا الكنبه على مقاسي طال عمرك يعني ماني منحني

بس أتوقع وشاكك في المكيف مدري ليش .. لأنو جدا جدا جدا ماشاء الله بارد

علي فكرة ممكن يكون نقص فيتامين ب لان انا حصلت معايا حاجه زي كده وكانت التهاب في الاعصاب بسبب نقص فيتامين ب
العلاج بسيط جدا وممكن يكون كا وقايه وتقويه لأعصاب الجسم وهو فيتامين ب بيتباع في اي صيدليه بمبالغ قليله جدا ومالوش اي اثار جانبيه