بخصوص التمارين السويديه وشد البطن + سؤال :) ..

السلام عليكم ..

لقيت شركه لها قناه ع اليوتيوب وتقدم برامج تدريب , تفضلوا :

http://www.youtube.com/watch?v=44mgUselcDU


http://www.youtube.com/watch?v=w_dNwVxW0v0

وحبيت اسئلكم التمآرين هذه زينه ولا ؟

لانه صار تقريبا اسبوع امارسها طبعا كل تمرين في الفديو اسويه انا 100 مرة تكرار بشكل عشوائي (يعني ماهتم لنظآم تكرار معين لكل جلسه) وامارسها يوميا >> هل اسلوبي صحيح ؟

وبخصوص شباب الحديد في قطر بغيت انشدكم بخصوص مركز يطلع كآفه المعلومات عني

من طول , وزن , نسبه الدهون والكلسترول وغيره يعني كل المعلومات الي تهم لاعب الحديد

وابي اعرف مكآن يبعون المكملات الغذآئيه وحوارق الدهون مثل الليبو 6 , وعلى مآسمعت في 3 انواع من الليبو6

العآدي , والـx , والبلاك << اي وآحد افضلهم وله نتآيج جيده ؟

واتمنى مآثقلت عليكم بالاسئله

ولاهنتوأ :o

اقتباس:

---

المشاركة الأصلية كتبت بواسطة w4rr10r

السلام عليكم ..
وعليكم السـلام ورحمة الله وبركاته
لقيت شركه لها قناه ع اليوتيوب وتقدم برامج تدريب , تفضلوا :

http://www.youtube.com/watch?v=44mgUselcDU


http://www.youtube.com/watch?v=w_dNwVxW0v0

وحبيت اسئلكم التمآرين هذه زينه ولا ؟
ممتازه
لانه صار تقريبا اسبوع امارسها طبعا كل تمرين في الفديو اسويه انا 100 مرة تكرار بشكل عشوائي (يعني ماهتم لنظآم تكرار معين لكل جلسه) وامارسها يوميا >> هل اسلوبي صحيح ؟
غلط .. في الاسبوع تخلي تمرين البطن .. يوم .. او يومين .. واذا مارسته اليوم مثلا .. باجر وبعده .. راحة للعضل عشان تنمو .. ولاتنسى توفير البروتين للجسم والتغذيه .. الخ

فاذا مارستها يوميا .. فانته ماعطيت للعضل راحة عشان تنمو .. وماراح تستفيد شي

وبخصوص شباب الحديد في قطر بغيت انشدكم بخصوص مركز يطلع كآفه المعلومات عني

من طول , وزن , نسبه الدهون والكلسترول وغيره يعني كل المعلومات الي تهم لاعب الحديد
.. بشكل عام .. طول وزن ودهن .. في اجهزة تقيس نسبة الدهون .. وفي موضوع يتكلم عنها في المنتدى ..
وابي اعرف مكآن يبعون المكملات الغذآئيه وحوارق الدهون مثل الليبو 6 , وعلى مآسمعت في 3 انواع من الليبو6
ايضا .. في موضوع لاخوي غلا قطر .. حاط اكثر من محل في قطر يبيع المكملات
العآدي , والـx , والبلاك << اي وآحد افضلهم وله نتآيج جيده ؟
العادي يحتوي على مواد خنزير ..
تبي تعرف عن الليبو اكثر .. ادخل المواضيع المميزة .. وبتحصل موضوع لاخويه توتو جده .. يتكلم عنه بتفصيل وعن تجربة ..

واتمنى مآثقلت عليكم بالاسئله

ولاهنتوأ :o

---

افا عليك الطيب .. وان شاء الله وفيت مبتغاك

تحياتي

تسلم اخوي على ردك بخصوص الراحه اخوي انا الحين في مرحله تخسيس ووزني زايد ولحين مآدخلت كورس تضخيم او تنشيف

فهل يختلف التمرين حسب الكورس ولا كلهم لازم راحه ؟

اقتباس:

---

.. بشكل عام .. طول وزن ودهن .. في اجهزة تقيس نسبة الدهون .. وفي موضوع يتكلم عنها في المنتدى ..

---

بخصوص الاجهزة المشكله اني مآعرف لها وغير متأكد من النتآيج فعشان هاي ابي اكون متأكد من النتيجه 100%

وكفيت ووفيت اخوي ولد ابوظبي الله يجزاك خير