الاكل الجاوي + تمارين الرجول + الاكل في ايام الراحه + منتج بور + المكملات المضروبه

السلام عليكم

كيف حال وحوش المنتدى

الطول ١٦٥
الوزن ٥٩
الفات ممكن ١٦ تقريبا

استفساري زي ماهو واضح في العنوان

اول شي الاكل الجاوي اللي تجي صحن مشكل هل فيها فات كثير وماتنفع غدا قبل التمرين علما اني العب ضخامه صافيه

تاني شي تمارين الرجول لازم كل مالعب تجيني دوخه شديده لدرجت انو من بعض الاحيان ما اقدر اكمل مدري ايش حلها او احد بيواجه نفس المشكله

تالت شي بلنسبه لايام الراحه هل نظام اكلي يتغير انا عاده وجبة الغدا تكون مليانه كارب بس بعدها خلاص فهل في ايام الراحه اخفف ولا زي يوم التمرين

رابع شي ابغا منتج بور تفجيير ويناسب هدفي ضخامه صافيه لانو مامدحوني في الكرياتين فايش ممكن اخد

خامس شي اشتريت قبل فتره امينو انابوليك ١٠٠٠٠ وطلع ماكل شمس الين قال ياكافي يعني تخزين تعبان
فقالوليلي خد من البحرين اضمن فافي واحد من الشباب طالع البحرين فهل يشتري وهوا مغمض من المحلات هناك ولا برضو في اماكن مضروبه

اخوي بالنسبه للاكل الجاوي نسبة الدهون فيه قليله لانه مسلوق
بالنسبه للدوخه في البدايه تاتي عادي انا حصلت معاااي بس مع الاستمرار والغذاء الجيد والتركيز الحمدلله
موفق اخوي.

انا ليا ٦ شهور العب ومحافظ على تمارين الرجول اسبوعيا

انا برضو لما العب رجول بالبار كنت ادوخ

بس الحمد لله اتغلبت عليه باني نمت ساعات اكتر وخففت الوزن بس زدت في التركيز في التمرين وعملته صح

ايش عفك انه ماكل شمس

اللي ماكل شمس تحصل اللزقه الداخيله الغراء ناشف وفاك من اللزق

اقتباس:

---

المشاركة الأصلية كتبت بواسطة ابو ذراع

ايش عفك انه ماكل شمس

اللي ماكل شمس تحصل اللزقه الداخيله الغراء ناشف وفاك من اللزق

---

والله اكتر من مدرب شافو وقلي دا الكلام

بس قول لنا من فين اشتريت المكمل المضروب عشان نحذر منه

اقتباس:

---

المشاركة الأصلية كتبت بواسطة keep smiling

بس قول لنا من فين اشتريت المكمل المضروب عشان نحذر منه

---

من عند صابر

بس للامانه لاول مره تواجهني بضاعه من عندو زي كدا

اقتباس:

---

المشاركة الأصلية كتبت بواسطة omoa8

من عند صابر

بس للامانه لاول مره تواجهني بضاعه من عندو زي كدا

---

ارج لناصر او صابر واتوقع انه لو عنده شيء مضروب راح يبدله لك عشان لايخسر سمعته.........