صورة لجسمي .. ابي نصائحكم ... تعبت بصراحه :(

السلام عليكم ..

صباح / مساء الخير على جميع الاعضاء ..

هذي صور لجسمي ..

تقريباً كملت 3 شهور لياقه ونزلت من 78 وزن لـ 70 .. ومع الحديد بس بتقطع شهر واقطع كذا عشان الدراسه وو

الفتره اللي تمرتنها اجمالياً 6 شهور .. نسبة الدهون بالصور الحاليه .. 17%

حلمي السكس باك .. بالعربي جسم مقسم مع شوي تراي وباي وظهر طبعاً .. مابغى اصير ضخخخم ولا نحيف

ابي جسم مشدود .. تعبت والله .. مكملاتي كانت بروكومبلكس + امينو 2222

فيه نتايج حلوه وواضحه بالباي والتراي .. والصدر برضه زي ماتقولون انتفخ شوي بس التقسيم ضعيف حبتين

البطن + الارداف .. مسببه لي مشكله عجيييييبه مع العلم اني اتمرن لي تقريباً 6 شهور وعيت تروح هالكرشه !!

صح اني ما التزمت بالاكل بس مب معقوله ..

انا نفسياً تعبت من النادي هذا لي 3 سنوات او سنتين وشوي اروح لمه متقطع ولا اكمل هي الفتره هذي اللي كملت فيها

بروح لوقت اللياقه بعد 10 ايام ان شاء الله وابي منكم نصائح للسكس باك .. خطة اكل لاهيب صعبه ولا هيب بسيطه

لأنه بعض الاحيان تجي الخطه صعبه ويضيق الصدر ولا اقدر اسوي شيء ..

نروح للصور ..

http://img831.imageshack.us/img831/3...215640x480.jpg

http://img258.imageshack.us/img258/6...0252037640.jpg

http://img534.imageshack.us/img534/6...213640x480.jpg

http://img521.imageshack.us/img521/8...217640x480.jpg

مشكلتي العظمى .. التفكير السيء .. يوم تلقاني متفائل واشتغل مزبوط ويوم احطم نفسي بنفسي ولا اشتغل

مع العلم ان كان محيط الارداف 111 صانتي والحين 93 ولازلت غير مقتنع .. :(

نصائحكم وتوجيهاتكم الله لايهينكم ..

شكراً جزيلاً ..

اقتباس:

---

المشاركة الأصلية كتبت بواسطة alsqar

السلام عليكم ..
وعليكم السلام
صباح / مساء الخير على جميع الاعضاء ..

هذي صور لجسمي ..

تقريباً كملت 3 شهور لياقه ونزلت من 78 وزن لـ 70 .. ومع الحديد بس بتقطع شهر واقطع كذا عشان الدراسه وو

الفتره اللي تمرتنها اجمالياً 6 شهور .. نسبة الدهون بالصور الحاليه .. 17%
حلمي السكس باك .. بالعربي جسم مقسم مع شوي تراي وباي وظهر
طبعاً .. مابغى اصير ضخخخم ولا نحيف
السكس باك تظهر ان كانت نسبة الدهون تحت ال12-10%..
ابي جسم مشدود .. تعبت والله .. مكملاتي كانت بروكومبلكس + امينو 2222
فيه نتايج حلوه وواضحه بالباي والتراي .. والصدر برضه زي ماتقولون انتفخ شوي بس التقسيم ضعيف حبتين
البطن + الارداف .. مسببه لي مشكله عجيييييبه مع العلم اني اتمرن لي تقريباً 6 شهور وعيت تروح هالكرشه !!
تمرين البطن كل يوم ليس حلا لها وهذا مايعتقده الكثيرين..البعض في اليوم يوصل لل500واكثر وفي النهايه يشتكي من عدم ضهور النتائج
صح اني ما التزمت بالاكل بس مب معقوله ..
التغذيه اساس كل شي
انا نفسياً تعبت من النادي هذا لي 3 سنوات او سنتين وشوي اروح لمه متقطع ولا اكمل هي الفتره هذي اللي كملت فيها
بروح لوقت اللياقه بعد 10 ايام ان شاء الله وابي منكم نصائح للسكس باك .. خطة اكل لاهيب صعبه ولا هيب بسيطه
لأنه بعض الاحيان تجي الخطه صعبه ويضيق الصدر ولا اقدر اسوي شيء ..
نروح للصور ..
وش كان نظامك غذائي في الفترة السابقه ؟
مشكلتي العظمى .. التفكير السيء .. يوم تلقاني متفائل واشتغل مزبوط ويوم احطم نفسي بنفسي ولا اشتغل
مع العلم ان كان محيط الارداف 111 صانتي والحين 93 ولازلت غير مقتنع .. :(
نصائحكم وتوجيهاتكم الله لايهينكم ..

شكراً جزيلاً ..

---

...........

نصيحتي لك
انزل بنسبة الدهون تحت ال12% حتى تظهر تفاصيل جسمك ثم بعدها تجي مرحلة البناء الصافي

الدايت
لابد يكون شبه معدوم الدهون وقليل الكاربوهيدرات(السكريات) وغني بالبروتين والفايتمينات والالياف..
ويليت يكون ثلاث وجبات رئيسيه وثلاث جانبيه مقسمه على مذار اليوم ويفصل بين كل وجبه مالايقل عن ثلاث ساعات

المكملات
اذا كنت فوق ال18
ايزو100 + فايتمن سنتروم من الصيدليه + انيمال كت

التمرين
تمرن باوزان معتدله ودون المتوسطه وبتكرار عالي نوعاما..وبعد التمرين ارتاح كم دقيقه
ثم كارديو لمدة 30-45دقيقه.
والبطن لاتلعبها كل يوم ثلاث ايام في الاسبوع كافيه جدا

اي استفسار حاضرين



موفق باذن الله

الله يعطيك العافيه اخوي .. ماقصرت والله

طيب وشرايك بالجسم ؟ موب للدرجه اللي انا اتخيلها سيء؟

الله يعافيك

جسمك جيد خاصة لونقصت نسبة الدهون تحت ال12% بشرط يكون النزول اغلبه دهون مو مثل الاغلبيه يوم ينزل اغلب نزوله نزول عضلي ودهون فنفس الوقت

وفي اجسام يوم تشوفها تقول اللهم لك الحمد

جسمك جيد مشكلت الكثيرين في فترة من الفترات هيا الاحباط والملل وحاول انك ماتوقف وتلتزم الفترة القادمه

معقوله جسمي جيد ؟ .. هو مافيه الا انا احس انه سيء ..

مع العلم تجيني فترات يعجبني جسمي واشتغل مزبووووووووط بدون توقف .. المشكله العظمى بالاكل فقط فقط !

وبحاول ازيد الكارديو لمدة 30 دقيقه يومياً .. مع العلم ان عضلات البطن عندي احس انها ممتازه من التمرين السابق حوالي 6 شهور اتمرنها ..

يعني اكيد فيه بنية عضليه وراها مب معقول ماسويت شيء ..

توافقوني الرأي ؟

شكراً جزيلاً

اقتباس:

---

المشاركة الأصلية كتبت بواسطة alsqar

معقوله جسمي جيد ؟ .. هو مافيه الا انا احس انه سيء ..
ليه مستغرب
ماقلت انك فتنس اوضخم عضليا..لكن فورمة جسمك تصلح لكمال الاجسام
مع العلم تجيني فترات يعجبني جسمي واشتغل مزبووووووووط بدون توقف .. المشكله العظمى بالاكل فقط فقط !
لاتتمرن كثير وترهق نفسك فتمارين الحديد لاتتجاوز الساعه بالكثير باستثناء الكارديو...
والاكل اساس كل شي مكملات بدون ظبط للتغذيه صفر عالشمال
وبحاول ازيد الكارديو لمدة 30 دقيقه يومياً .. مع العلم ان عضلات البطن عندي احس انها ممتازه من التمرين السابق حوالي 6 شهور اتمرنها ..
يعني اكيد فيه بنية عضليه وراها مب معقول ماسويت شيء ..
توافقوني الرأي ؟
العظلات موجوده لكن الدهون تغطيها وهذا شي طبيعي
شكراً جزيلاً

---

..............

شوف لازم ما تيأس و هذي الرياضه يبغالها صبر و اتوقع التفائل مهم جدا جدا . و حاول تحيط نفسك باشخاص لهم نفس الهدف و اسحب على الي يحطموك . صدقني الناس ما يأثر فيهم اذا واحد تدمر و يقدرو يتعايشو معا الوضع لكن الي يسير احسن منهم يسببلهم ازمه نفسه احياننا .

نصيحتي لك : تمرن و تغدي جديد و لا تتحطم . شهر بيكون في نتايج و شهر لا لكن كله يهون عشان توصل لهدفك.

الله لايهينكم رفعتوا المعنويه فوووق وان شاء الله برجع بقوه بعد العيد

حبيت تعطوني نظام غذائي بسيط .. خصوصاً مثل مانوهت اخوي the cast انه لازم ازود البروتين وكذا ..

ودي بنظام بسيط وسهل موب صعب عشان اقدر اطبقه

يعطيكم العافيه

ماشاء الله تبارك الله

غيرك يتمنى نصف جسمك ,, شحوم و سيليلوز
لذا لا تحطم نفسك ,, وحثها لبذل العطاء والتصميم لتحقيق اهدافك وامشي ع كلام ابومنصور

بالتوفيق ياوحش

توتو جده

ماتتصور وشلون ردك رفع معنوياتي .. انت من الاشخاص اللي اهتم بردودهم بشكل مب طبيعي .. خبره مب بسيطه ماشاء الله عليك

انا اللي يضيق صدري بعض الناس يقول اان المؤخره كبرها او صغرها شيء وراثي او بالجينات .. فـ يحطمني شوي :( !!!

اللي قالك الكلام دا غلطان ,,

الرياضة تعدل كل شيء ,,

وماسميت بكمال الاجسام الا لانها فعلا تعدل جسمك ليتجه نحو الكمال ,,
انتا استمر يابطل ولا تهمل الارجل والعب بأوزان عالية بحذر ورح تشوف جسمك يتعدل وتصير زي ماتبغا

اقتباس:

---

المشاركة الأصلية كتبت بواسطة alsqar

الله لايهينكم رفعتوا المعنويه فوووق وان شاء الله برجع بقوه بعد العيد

حبيت تعطوني نظام غذائي بسيط .. خصوصاً مثل مانوهت اخوي the cast انه لازم ازود البروتين وكذا ..

ودي بنظام بسيط وسهل موب صعب عشان اقدر اطبقه

يعطيكم العافيه

---

وجبة1 / 3 ملاعق شوفان بحليب قليل الدسم + 4 بياض بيض مسلوق
او
البيض + نصف رغيف بر + قطعة جبن صغيره + كاس حليب قليل الدسم
وجبة2 /تفاحه او موز او برتقال..قطعه
وجبة3(قبل التمرين بساعتين)/(الغدا) نصف دجاجة مشوية + سلطة خضراء منوعة اوشوربة خضارمسلوقه
وجبة 4/(اول وجبه بعد التمرين) سمك فيليه اوصدرين دجاج او علبة تونا كبيره او مشاوي فقط
وجبة5/ زبادي قليل الدسم + 3 بياض بيض مسلوق

بين كل وجبه واخرى فترة لاتقل عن ثلاث ساعات

ولاتهمل شرب الماء بشرط مايكون مع الاكل اوقبله وبعده مباشره


بالتوفيق

الله يعطيك العافيه ومانسيت الموضوع بس كنت مسافر ومافيه نت :(

ان شاء الله اني بلتزم بالجدول حبيته جداً خفيف وسهل الله يعطيك الف عافيه ..

الكورس كالتالي ..

بروكومبلكس ..
امينو 2222 ولو اني احس ان وجودها مثل عدمها
ودي اضيف الانمل كت ولا ودي .. ودي اخليه بداية الترم الثاني ..

لأني الحين معي شهرين تقريباً اقدر اشتغل فيها بعدين تجي الاختبارات النهائيه وثالث ثانوي وقروشه ومستقبل لازم نهتم فيه

الله يعطيك العافيه the cast .. ماشاء الله عليك ..

اتمنى الرد اذا سمحتوا ..

مع العلم اني بغير النادي لوقت اللياقه والله يكتب اللي فيه الخير اتمنى انه يكون النادي المطلوب ..

ودي بمتابعه حلوه من الكبتن ولا الشغل ان شاء الله اني بشتغل ،، او بالاصح ودي بجدول امشي عليه واعرف اني مانيب العب على نفسي واسمي هالشيء شغل ،،

ما اذكر اني قلت طولي ووزني بالموضوع ،، طولي 175 + وزني 68.5 .. ونسبة الدهون 17 ،،،

شكراً جزيلاً ..