شباب محتاج لرايكم وخبرتكم ادخلوا وعطوني رايكم ؟؟

السلام عليكم ورحمة الله وبركاتة

كيف حالكم ان شاء الله بخير

انا صارلي 5 او 6 ايام بادئ في كورس التنشيف وأستخدم lipo 6 black
والحمدلله لم الاحظ اي آثار جانبية والأشياء الي متبعها هيه :

ابتعدت وقطعت قطع نهائي جميع المشروبات الغازية و المؤكولات الدسمة والحلويات والشوكليت واكل الكفتريات والمطاعم والرز او اي شي فيه دهون

أكل خبز اسمر وجبن منزوع الدسم او سمك او دجاج مشوي وحليب منزوع الدسم ولبن منزوع الدسم

والحمدلله ... كل يوم امشي و اركص ساعة ومرات ساعة ونص وتمارين بطن كل يوم حوالي 100 الى 120 تمرين
وهذا كل يوم يا اخواني

مع العلم طولي 182 ووزني 109 ... بس الحمدلله احس في هذة المده اني ضعفت وجسمي انشد حتى انه كان عندي بعض الملابس ماكنت اقدر البسها كانت ضيقة لاكني البسها حاليا والحمدلله
مع العلم اني لين الحين ما قست وزني مقرر اقيس وزني بعد اسبوع

فرايكم الله يكرمكم وبشو تنصحوني :)

هلا فيك ،

الليبو بلاك ممتاز جداً

بس بالنسبة لتمارين البطن لا تمرنها يومياً ، اي عضله في الجسم ما ينفع انك تمرنها يومياً لانه متعب لها ، خلها يوم بعد يوم والتمرين يكون تكرار كثير وراح تشوف النتايج ، واستمر ع المشي والركض ، يعني الساعة خلها تكون مقسمة على مشي سريع وهروله وركض ، والله يوفقك

السلام عليكم ...

كلام اخوي veto صحيح 100%
واتمنى لك التوفيق والوصول للهدف المطلوب ..

بالتوفيق

تسلمون اخواني على الردود الطيبة

بس حبيت اسالكم انا صار لي ادرب حوالي5 او 6 ايام مشي وركض وتمارين بطن ولين الحين الحمدلله ما احس غير انه شد بالمعده .. مع العلم انه التمرين متواصل والكرشة خفت لووول

بس انا الي خايف منه اني اذا رخيت او خفيت اتكاسل وهذا الي ما اريده انه يصيبني اي تكاسل واحاول دايما ً اشغل نفسي بالرياضة

وسؤال آخر لو تكرمتم شوه افضل تمارين الكاردو او التمارين الي تتسخدم فيها آلات مثل تمارين البطن بالآله ( مثل آلة ab lounge 2 )

وانا حاب انقص وزني بفتره معقولة مثل الشهرين حاط لي دف اوصل لل 80 كيلو

وتسلمون مره ثانية ^_^

وبخصوص ترهلات الصدر والزند شوه رايكم؟؟ ... وهل ينفع اشل اثقال حاليا ً مثل اثقال الزند 5 او 10 كيلو ؟؟

هلا فيك اخوي ...

نزول الوزن خله على مراحل ولاتنزل نزول قوي بفترة قصيرة عشان ماتجي ترهلات ...

بالنسبة للاثقال ممكن تلعبها بتكرارات عالية من 15 الى 20 لعمل شد فالمكان المطلوب شده ..

بالتوفيق حبيبي