عضو جديد واتمنى المساعده في زيادة وزني...؟

السلام عليكم جميعا

الصراحة عجبني المنتدى وشدني حماسكم الشديد وحرصكم على هذه الرياضة وارشاد الناس الى الشيء المفيد ومنكم نستفيد وأتمنى لكم التوفيق والى الامام دائمأ.........

لي بكمال الاجسام سبع شهور تقريبأ وطبعأ قبلهاا كنت بالنادي بس قطعت فتره ورجعت واصلت سبع شهور متواصلة

المهم وزني حاليأ 58 وطولي 170 وعمري 22

وتوني قبل ثلاث أسابيع بلشت كورس (اربع دكات ايراني + أكوابويز) طبعأ بتعليمات المدرب وبالاسبوع ثلاث غزات .... الاكوابويز 2 ملي واما الايراني بالكتف 50 يسار و 50 يمين
وللعلم اول مره أخذ كورس.....!

والصراحة ماشفت زيادة وزن لحد الان بس شفت تغير بسيط بالاكتاف والباي وزني نفسه ماتغير

وأما من ناحية الوجبات اكل باليوم 5 وجبات والبروتين استخدمه قليل مو كثير يعني باليوم مرتين واتغصبه لان النوع اللي اخذته ترو ماس ونوع فانيلا ماصلح لي
والصراحة انا ماشفت اي تغير بالوزن والضخامة ؟؟ هل ياترا بعد مايخلص الكورس تبين النتيجة أو هناك مشكله ؟؟؟ والمدرب قال راح يزيدك 7 كيلو تقريبأ ؟؟؟

وأتمنى من الأخوان انهم يفيدوني لان بصراحة عجبني المنتدى والناس اللي فيه واسف على الاطالة وشكرأ

نصيحة اخو
لاتصدق عروض المدربين إلا من رحم ربي
لان للامانه ماهمه الا مصلحته المادية ماعليك منه
اخوي مفروض مادخلت كورس كان استشرت بالاول
لان لك 7 شهور داخل الحديد فقط !!
وبعدين ماوصلت لمرحلة معينه وقف جسمك عليها عشان تستعين بالمنشطات من بعد الله
المنشطات دايمن انصح عنهاااا ياشباب اللي مو حق بطولات وراح يستمر لايدخل ويتعب نفسه
لانك راح توقف يوم من الايام
ولاتنظرون لـ ابطال العالم هذولا يعتبرونها مصدر رزق لهم
وهذا صحيح
ولكن يدخلونها بكل حذر ومتابعه وإهتمام عكس اللي حاصل بالشرق الاوسط مع احترامي !!!

اخوي العازمي هل مشيت بالتغذيه مضبوط !!!
هل تستخدم المكملات الازمه !!!
هل حسبت كم احتياجك من البروتين والكارب والفات والسعرات الحراريه !!!
طبعاً ع حسب مافهمته من كلامك
لا ماصلحت من هالاشياء هذي شي
اكبر دليل ماتغيرت ومازاد وزنك
ضبط تغذيتك ومكملاتك ونومك وتمارين وبوقت الراحه اهتم بالراحه
وبتشوف الفرق من غير منشطات
انا اقدم لك نصيحه اخويه فقط
ولو ازعلتك نصيحتي ومداخلتي اتقدم بالاعتذار منك امام الجميع
لكن انا اتكلم من كل قلب ومن خبرة طويلة
خذلك لفه بمواضيع التغذيه والمكملات واذا ماعرفت شي ماحد بيقصر من الاخوان اسال وبتحصل الاجابه بإذن الله تعالى
تقبل مروري واحترامي

^^^^^^^
صراحه يعطيك الف عافيه يا وحش كفيت ووفيت والله

عليكم السلام و رحمة الله و بركاته

اخي اكبر خطاء سويته استخدامك كورس منشطات و انت اصلا لم تجرب الوسائل الاخرى كالتغذية الصحيحة وتنويع التمارين و سد احتياجاتك من البروتين و استعمال المكملات الغذائية و غيرها

و بارك الله في الاخ ابسولوتلي كلامه ذهب صراحة

بالتوفيق