كمال الاجسام هل استطيع استعمال بروتينات

وعليكم السلام ورحمة الله وبركاته

جدولك ممتاز دام انك في البداية لكن انصحك انك تهرول لمدة 30-45 دقيقة بدل 20 دقيقة

وانت مو محتاج تستعمل حارق دهون لان وزنك قليل نوعا ما مقارنة بطولك

تقدر تستخدم البروتين والأمينو والكرياتيين لكن بعد ماتكون أساس عضلي ان شاءالله ( يعني تتمرن لمدة شهر الى شهرين ومن ثم تستخدمهم )

وأهم شي اخوي انك تهتم بالتغذية ( 4-6 وجبات في اليوم) ،

50% بروتين ( صدور دجاج + تونة + ستيك خالي الشحوم + فول طبيعي + لوز غير مملح + بياض بيض ( 7 حبات ) + حليب قليل الدسم .... الخ )
40% كاربوهيدرات ( خبز أسمر + توست أسمر + شوفان + بطاطا مشوية + فندال أو بطاطا حلوة + الفواكة بأنواعها والخضار + رز أبيض أو أسمر ... الخ)
10% دهون مفيدة ( ملعقة الى ملعقتين زيت زيتون في الفطور + أوميغا 3 < اختياري أو تاخذه من السمك نفسه )

وتبتعد عن الكاربوهيدرات نهائيا بعد التمرين وتبتعد أيضا عن المشروبات الغازية والمأكولات السريعة واعتمد ع المسلووق أو المشوي وقلل من الملح

يعني وجباتك لازم تكون 3 رئيسية وثنتين أو 3 فرعية والفرف بينهم من ساعتين الى 3

وحاول تشد ع تمارين البطن وان شاءالله توصل الي تبيه

وممكن في هذه الحالة انك تستخدم ملتي فيتامينات من الصيدلية أو Opti men من محل المكملات و تشتري زيت السمك أوميغا 3

لسد نقص الفيتامينات في جسمك والتقليل من الكلسترول الضار وتحويل الكلسترول الضار الى نافع وتقوية المفاصل والبشرة والصحة عامة

بالتوفيق