عرض للطباعة
السلام عليكم ورحمه الله وبركاته
شباب عندي استفسار بديت كورس انيمال كت اخذ على الريق كيس وواحد قبل التمرين ب 45 دقيقه
لما اروح دورة المياه اعزكم الله فيه حبه دائريه تنزل زي ما هي ما هضمت
احد واجهته المشكله...... الحل؟
لا احد يقول كسرها في فمك قبل البلع لان الحبوب الدائريه كثير خمس او ست
شكرا سلفا
عدم هضم الحبوب سببها انك ماتشرب ماء كفاية ..
وقبل التمرين بنص ساعة خذ كارب بطئ الهضم مثل حبتين توست اسمر ..
والماء يكون بشكل متواصل مش اقل من 3 لترات فاليوم .
طيب الحبوب من جرعة الصباح والصباح اشرب تقريبا لتر ونص
اكل الحبوب مع الاكل قصدك اللي قبل التمرين
الافضل انك تطحنها علشان تكون اخف على المعده وكان في شخص نفس حالتك لكن من الانمال ستاك
والاخ حمد ما قصر يعطيه العافيه
يعني اكيد يوم اطحنها راح تنهضم
معليش >> تطحنها!!!!!
دائما الكبسولات تصنع: لسرعة الامتصاص ولحماية المواد الفعالة من التكسير مثلا في المعده..........
عموما ابغى اعرف هل تشعر بعمل المنتج معك؟ مثل زيادة حرارة الجسم لانه خوفي يكون مضروب او تعرض لسوء تخزين
منت ابخص من الشركة المصنعه ابلعها على طبيعتها
منتج خيالي و لا في الاحلام بس كثر من الماء
هههههههههههههههههه على طول منتج مضروب يالله سترك بس .........
فقط كثر مويه ونصائح باقي الشباب وانت في السليم
والله يا قلبي نفس المشكلة كانت معي أشوفها دايم على مدى علبتين وأقول بنفسي يمكن الجسم استفاد منها ورماها
أمّا شرب الموية بالهبل أصحي من النوم ثلاث اربع مرات ، بس قصة مضروبة ما أتوقع لأن الكت عمل معي شغل وكان يرفع حرارة جسمي بشكل عجيب..
أهم شي لا تشيل هم يابطل بالتوفيق
شباب حيرتوني
يعني نطحن ولا لا
امس قبل التمرين طجنها واكلتها والصبح اليوم طحنها واكلتها الطعم الله لا يوريك ويقعد الطعم في الفم فتره طويله
شباب نرجوا منكم المساعده ارسوا على بر
المنتج جديد تاريخه بس التخزين على كلام اللي باعه اكد انه تخزينه ممتاز
شباب راسلت الشركه عن طريق الموقع بخصوص المشكله وسئلوني اذا استخدم الكبسولات مع الجبوب
او نوع الانيمال كت من نوع بس كبسولات
ان شاء الله اذا ردو علي راح اكتبه في الموقع علشان تستفيدوا منه
اخوي ما فهمت شي !! استخدم الكبسولات مع الجبوب !! نوع الانيمال كت من نوع بس كبسولات !!
الي فهمت الجمله الاخيره بث ..
اخوي روك
الان فيه نوعين من الانيمال كت
نوع موجود به 5 حبوب دائريه و 4 كبسولات
والنوع الاخر كله كبسولات (هذا النوع جديد)
وهم سئلوني استخدمت النوع الاول ولا الثاني وجاوبتهم اني استخدم النوع الاول