ناوي اقطع ..نصائحكم يا مدربين !!

السلام عليكم ورحمة الله وبركاته
أخواني طبعا زي ما تعرفوا بدأت الإختبارات وانا أخوكم رح أهتم أكثر بالدراسه لأنها تراكمي وهي اللي تحدد وظيفيتي
وعندي كم سؤال إن شاء الله ما أتعبكم معي ^_^
الإختبارات مدتها إسبوعين وما رح ألحق أمارس الحديد فعادي أتركها ؟؟؟ علما بأني مواصل 7 أشهر الحمدلله

أنا رح ألعب سنه ضخامه عضليه وبعد كذا تنشيف وتقسيم وبعدها ضخامه عضليه صافيه بدون دهون

طيب لو لعبت ضخامه عضليه صافيه بدون دهون تروح علي تقاسيم العضلات ؟؟

ياليت تعطوني أفضل مكملات للتنشيف والتقسيم مع سعرها لاهنتوا حتى لا أنغش فيها لأن في مدينتي المدربين ماسكين المكملات لاتوجد محلات خاصه بالمكملات للأسف

هل لو أستخدمت مكمل خاص لإطالة الجسم رح أطول فعلا ؟؟ علما بأن عمري 18 وانا بحاجه للطول

وشاكرا لكم حسن تعاونكم

اقتباس:

---

المشاركة الأصلية كتبت بواسطة odi man

السلام عليكم ورحمة الله وبركاته
وعليكم السلام ورحمة الله وبركاته
أخواني طبعا زي ما تعرفوا بدأت الإختبارات وانا أخوكم رح أهتم أكثر بالدراسه لأنها تراكمي وهي اللي تحدد وظيفيتي
وعندي كم سؤال إن شاء الله ما أتعبكم معي ^_^
الإختبارات مدتها إسبوعين وما رح ألحق أمارس الحديد فعادي أتركها ؟؟؟ علما بأني مواصل 7 أشهر الحمدلله
عادي لكن قلل من السكريات والدهون..
أنا رح ألعب سنه ضخامه عضليه وبعد كذا تنشيف وتقسيم وبعدها ضخامه عضليه صافيه بدون دهون
ضخم مره واحده ترا الموضوع موبسهل كل مرحلة تاخذ وقتها خصوصا الكت
متعب من ناحية صرامة الدايت والتمرين
طيب لو لعبت ضخامه عضليه صافيه بدون دهون تروح علي تقاسيم العضلات ؟؟
لاتوجد ضخامه بدون دهون لكن في الضخامه الشبه صافيه يكون مكسب الدهون
قليل ومعقول وهذا مانطلق عليه""ضخامه صافيه"
ياليت تعطوني أفضل مكملات للتنشيف والتقسيم مع سعرها لاهنتوا حتى لا أنغش فيها لأن في مدينتي المدربين ماسكين المكملات لاتوجد محلات خاصه بالمكملات للأسف
خذلك بروتين ايزو100 + امينوتك + كارنتين اوبتمم حبوب + اوميغا3 من شركة سفن سايز( علبه بيضاء عليها ستكر ازرق) او من شركات التغذيه المشهوره شرط تتاكد من جودة الحبوب لان كثير منها تجاري...
هل لو أستخدمت مكمل خاص لإطالة الجسم رح أطول فعلا ؟؟ علما بأن عمري 18 وانا بحاجه للطول
لايوجد مكمل يزيد الطول بصوره مباشره.
وشاكرا لكم حسن تعاونكم

---

...............

موفق في الاختبارات ان شاء الله

اخوي بالنسبة لوضعك اي عادي اتركها اسبوعين لكن اول ما ترجع ارجع العب شامل على الاقل 3 ايام وبعدين رد لجدولك وبالنسبة للاوزان حاول ما ترفع اوزان عاليه وعادي لو خففت وبدات ترفع من جديد كانك مبتدا ولاتخاف لانك بتوصل اوزانك السابقه بكل سهولة ان شاء الله

بالنسبة للمستقبل انت تشاء وانا اشاء والله يفعل ما يشاء اخوي لاترسم لشي بعيد وتسال عنه ادخل ضخامه وبعدين شوف وضعك وين مستواك بيوصل وبعدين فكر بالتنشيف ودش فيه وشوف مستواك وين بيوصل وسؤالك عن ضخامه صافية اكيد اخوي ما بتروح التقاسيم لكن بتقل التقطيعات اللي بجسمك وهذا ش عادي وهالكلام ما نبي نستعجل فيه ولاتفكر فيه اهم شي تلعب الحين وبعدين يصير الف خير

طيب انت تبي مكملات تنشيف وتقسيم ؟ وفوق تقول ابي العب ضخامه لمده سنة ؟ شنو ناوي تخزنهم عندك سنه يعني ؟؟ وشنو انت سالت المدرب وقالك عنه عشان نعرف سعره وانت من وين اساسا ؟؟؟ التفاصيل لاهنت

بالنسبة لاطاله الجسم ماعمري سمعت ولو اخوي عندك ياليت تعطينا الاسم خل اجربه في عيالي يمكن يناسبهم :) لا اخوي هالكلام فراغ تبي تطول العب تمارين اللي تطيل وليش تروح بعيد كره السله ممتازه

وموفق

اقتباس:

---

المشاركة الأصلية كتبت بواسطة THE CAST

...............

موفق في الاختبارات ان شاء الله

---

الله يوفقك ياكبتنا الغالي يعني تنصحني أدخل ضخامه مره وحده أريح لي
شكرا لك

اقتباس:

---

المشاركة الأصلية كتبت بواسطة mashkaljey

اخوي بالنسبة لوضعك اي عادي اتركها اسبوعين لكن اول ما ترجع ارجع العب شامل على الاقل 3 ايام وبعدين رد لجدولك وبالنسبة للاوزان حاول ما ترفع اوزان عاليه وعادي لو خففت وبدات ترفع من جديد كانك مبتدا ولاتخاف لانك بتوصل اوزانك السابقه بكل سهولة ان شاء الله

بالنسبة للمستقبل انت تشاء وانا اشاء والله يفعل ما يشاء اخوي لاترسم لشي بعيد وتسال عنه ادخل ضخامه وبعدين شوف وضعك وين مستواك بيوصل وبعدين فكر بالتنشيف ودش فيه وشوف مستواك وين بيوصل وسؤالك عن ضخامه صافية اكيد اخوي ما بتروح التقاسيم لكن بتقل التقطيعات اللي بجسمك وهذا ش عادي وهالكلام ما نبي نستعجل فيه ولاتفكر فيه اهم شي تلعب الحين وبعدين يصير الف خير

طيب انت تبي مكملات تنشيف وتقسيم ؟ وفوق تقول ابي العب ضخامه لمده سنة ؟ شنو ناوي تخزنهم عندك سنه يعني ؟؟ وشنو انت سالت المدرب وقالك عنه عشان نعرف سعره وانت من وين اساسا ؟؟؟ التفاصيل لاهنت

بالنسبة لاطاله الجسم ماعمري سمعت ولو اخوي عندك ياليت تعطينا الاسم خل اجربه في عيالي يمكن يناسبهم :) لا اخوي هالكلام فراغ تبي تطول العب تمارين اللي تطيل وليش تروح بعيد كره السله ممتازه

وموفق

---

الله يعطيك العافيه يالغالي
مو انا على أساس أتمتع بالجسم المقسم من الآن ومستقبلا إن شاء الله لذلك أنا ودي أقسم جسمي بأسرع وقت واكون مرتاح ولكن أنتم أهل الخبره والتجربه ولازم نسمع نصائحكم ^_^
بالنسبه للمكملات انا من الطائف يالغالي وما عندنا محل يبيع مكملات فقط الصالات الرياضيه وقريب طلبت مدربي مكمل للزياده العضليه الصافيه قلي خذلك الدب الروسي ..!!!
ومكملات لإطالة الجسم والله كنت أتوقع إنها موجوده حتى أستفيد منها.!! ولكن تبين أنها غير موجوده

الدب الروسي لو الاصلي باذن الله حصلته ترى سعره ماهو غالي بالكثير 20 دينار كويتي شوف العمله معاكم كم لكن ترى الدب الروسي نسبه الكربوهيدرات جدا عاليه يعني يناسبك بالضخامه اما بالتقسيم انسا تاخذه ما ينفعك

والله في بقسم البيع والشراء ناس تبيع ان شاء الله تحصل مبتغاك فيها

وموفق خير