حاير وما اعرف من وين ابدأ ؟ أملي في الله تعالى وبيكم
السلام عليكم
من فترة سالت سؤال حول مكمل Cell Creation 2 والصراحة أخونة الغالي THE CASTربي يوفقة ماقصر معي ...
لكني سمعت ايظا ان هذا المنتج شكلة ما منة فايدة فقط للضخامة وضخامة ليس غضلية أم ضخامة فات :bigeyes: مااعرف هل هذه المعلومة مضبوطة 100% ولا هم يتكلمون براسي كوني مبتداء في عالم المكملات وهذه الشي ؟؟
(اصحاب المحلات والنوادي جننوني اي واحد يحكي شكل
)
في كثير من اللاعبين يحمدون في الكرياتين ولكني ما اعرف اي نوع منهم جيد ويعطي نتائج سريعة وجيدة ؟
صاحب النادي نصحني في هذه النوعية Weider
Pure Creatine ؟
:31:
اخواني انا هدفي باذن الله تعالى هو جسم خالي من الدهون + ضخامة عضلية ؟ اريد نصيحتكم الله يوفقكم صارلي سنتين اتدرب ومافي نتيجة مبهرة ....
طولي 168 تقريبا
ووزني 65
عمري 20
والفات ما اعرفة .. لكن عندي فت كثير بعض ال شي في بطني هذه صورة لبطني
http://img5.imageshack.us/img5/9471/201102160208.th.jpg
Uploaded with ImageShack.us
أملي في الله تعالى وبيكم
رد: حاير وما اعرف من وين ابدأ ؟ أملي في الله تعالى وبيكم
هلا اخوي شوف الضخامة لازم تعبي معاها دهن يعني اذا بتضخم بس عضل بتطول كثييييير فالناس شتسوي تضخم مع دهون مع شحم مع كل شي وهم بعد مع عضل وبعدها تنشف
واهم شي تعدل اكلك اذا تبي الكرش يروح يعني انت عندك الميزانية الكافيه على المكملات ؟ وعندك الصبر والعزيمة على الاكل الناشف والمر ؟ لانه الاغلب يبلشون اول كم يوم بيعدين يملون ويخربونها
اذا عندك كل هالامور اخذ مني ومن تجاربي الشخصية
اول ما تصحى من النوم سكوب كامل بروتين + 500 مل حليب ( في الاخير اقولك نوع البروتين )
بعدها بساعتين الى 3
طبعا الريوق 6 بياض بيض مع حليب خالي الدسم مع موز
بعد هالوجبة ب 3 - 4 ساعات
رز ابيض او معكرونة مطهية ( بالماء ) مع صدور دجاج او ستيك مشوي
وجبة قبل التمرين بعد هالوجبة بساعتين بطاط مفيوح ( بالماء ) تهرسه ومن غير ملح
تتمرن تخلص واكثر من شرب الماء في التمرين
اول ما ترد سكوب بروتين مع 500 مل ماء
بعد هالوجبة تاكل صدور دجاج او تونة بالماء
بعدها اجبان اي نوع جبن ويفضل الفريش وخالي الدسم
قبل النوم سكوب بروتين مع 500 مل حليب
المكملات تبي نصيحتي ومن واقع تجربة
البروتين ( سوبر قينر فيول )
نايتركس = طريقة الاستخدام 3 حبات قبل الوجبة بنص ساعه على 3 مرات باليوم يعني 9 حبات باليوم
ان او اكسبلود باور قبل التمرين بنص ساعه
سيل ماس ريكوفري مع كرياتين بعد التمرين مباشرة
طبعا انا ذكرت فوق انه البروتين بعد التمرين مباشرة انت خل السيل ماس اول وبعدها بساعه اخذ البروتين
وطبعا حاول تصعد باوزانك ولا تنسى الكارديو بعد ما تتمرن 15-20 دقيقة الكارديو اهو القاري الدراجة
اخوي انا عطيتك برنامج انا مجربة شخصيا ونتايج وايد حلوة لشخص بس يبي مكملات واكل طبيعي ما يبي يدخل بالهرمونات
وطبعا ككاو حلاو كيك هالسوالف اقطعها نهائيا لانها بتخرب جسمك او مثلا يوم بالاسبوع ميخالف
بالتوفيق
رد: حاير وما اعرف من وين ابدأ ؟ أملي في الله تعالى وبيكم
ما اعرف كيف اشكرك يا غالي ربي يوفقك ويريح بالك دنيا واخرة يارب ...
بس اخوي شنو رايك بهذا الكرياتين Weider Pure Creatine تناولة يكون 5 g خمس مرات في اليوم ؟ جيد ويعطي نتائج ولا في أحسن
وعندي حاليا واتمنى نصيحتك فيهم لو اختذهم مع بعض
Cell Creation 2 باخذ منة مرتين في كل مرة 5جرام g يعني بلمرتين احصل على 10 gجرام كراتين في اليوم ؟؟؟ -
Protein 80 Plus Weider
وان شاء الله مع Weider Pure Creatine اذا نصحتوني في
وان شاء الله بحاول اشتري المكملات الي نصحتي فيهم الله يوفقك يارب
رد: حاير وما اعرف من وين ابدأ ؟ أملي في الله تعالى وبيكم
اقتباس:
المشاركة الأصلية كتبت بواسطة muhammed 2005
بس اخوي شنو رايك بهذا الكرياتين Weider [B]Pure Creatine تناولة يكون 5 g خمس مرات في اليوم ؟ جيد ويعطي نتائج ولا في أحسن
5 جرام 5 مرا في اليوم ؟؟؟ منو معطيك هالمعلومة ؟؟؟ كثير حيل اخذه مره بعد التمرين مباشرة ومره بعدها ب 6 ساعات او اول ما تصحي من النوم وتاخذ سكوبين 40 جرامكمل عليهم و الويدير بيور كرياتين كنسله وجرب اللي قلتلك عنهم قبل وبعد ما تخلص منهم بلش بكورسي اللي قلتلك عنه والبروتين يكون استعماله اول ما تصحي مع حليب 300 مل خالي الدسم سكوبين + بعد التمرين واخذ الكرياتين وبعده بساعه اخذ البروتين + قبل النوم
اهتم في لعب المعده وانصحك بجدول ابو راشد حقق حلم السكس باكس تلقاه بالمواضيع المميزه العبها كل 3 مرات بالاسبوع و حاول قبل البيطان تلعب عقلة وقبل الصدر تلعب متوازي واهتم بتغذيتك ابعد عن الخرابيط كثر من اكل صدور الدجاج والتونه والسلطات لا تطلع من التمرين الا وانت منتهي على الآخر وهلكت العضلة والعب كل يوم عضلة احسن لانه ان لعبت باي بعد الصدر ماراح تادي صح وان لعبت تراي بعد البيطان والظهر ماراح تادي صح فخل جدولك
صدر + معدة سفليه + كارديو
بيطان + ظهر علوي وسفلي + كارديو
باي + تراي + سواعد + كارديو + معده
راحة
اكتاف وترابيس + معده كامله + كارديو
رجول وبطات + معده العلوية والنص لا تلعب تحت لانه رجولك تكون شاده وان حبيت تكمل لي تحت شي راجعلك
راحة
وتعيد نفس التمرين وراح تحس بفرق وتطور واضح لكن هالجدوله لازم تهتم بتغذيتك وبنومك كثييير
وموفق يالغالي
وان شاء الله بحاول اشتري المكملات الي نصحتي فيهم الله يوفقك يارب
الله يووفق الجميع
رد: حاير وما اعرف من وين ابدأ ؟ أملي في الله تعالى وبيكم
ربي يجازيك الف خير يارب ويوفقك .. مشكور وماقصرت
رد: حاير وما اعرف من وين ابدأ ؟ أملي في الله تعالى وبيكم
