استفسارات مبتدئ .. أرجو الدخول

السلام عليكم ورحمه الله وبركاته

كيف حالكم اخواني عساكم بخير؟

بالبدايه احب اشكركم جميعكم على هذا القسم الجبار، فوالله لولاه ثم جهودكم ما حصلت العزيمه الكافيه حق اني انزل وزني واحاول اني امشي على دربكم
واخص بالشكر كباتن القسم ومنهم ابو راشد، The Cast, The Rock ,توتو جده، ابو مها، وغيرهم وغيرهم من الكباتن اللي ماحضر اسمهم على بالي حاليا، والشكر ايضا موجه للاخوه سواء المستفسرين او اللي يجابونون اخوانهم ..


بالبدايه راح احط معلومات عن جسمي:
الطول: 189
الوزن سابقا: 94
الوزن حاليا: 88.4
نسبه الدهون: 17.4% << من خلال هذا الموقع:
Metric Body Fat Calculator

الله يسلمكم هذا وزني السابق كان بدايه قراري اني انزل وزني + ابني عضل واعدل من جسمي، خصوصا ان لي طول والكل يقول لي جسمك راح يكون احلى لو مع عضل مفتول << للعلم حتى ومع وزني السابق ما كان يبان ان فيني زياده وزن لما اكون بالملابس، لكن افصخ التيشيرت وتجوف الكوارث :biggthump

ووصلت الى الوزن اللي انا عليه في شهرين تقريبا، مارست فيها الجري بشكل شبه يومي + تمارين البطن، وحزتها ما كان عندي اثقال الا دنبل واحد وثمانيه كيلو بس :blackeye: << عن الطنازه بلييز :cray:

وبعد ما وصلت للوزن اللي انا عليه حاليا، قررت اني ابني عضل، فاشتريت لي اثقال (بار+دنابل+ اوزان مختلفه بمجموع 50 كيلو كبدايه) وبديت اتمرن بناء على موضوع اخونا foxdie elf

http://www.montada.com/showthread.php?t=639206


<< يمكن في ناس بيسألون ليه ما اتمرن في صاله؟ والسبب ان وضعنا المالي لا يسمح حاليا لمصاريف تسجيل في نادي + مخاوف من الاهل ان في النادي بيعطوني حقن او شي كذا وارجع لهم البيت منتفخ :bigeyes:، فحتي برنامجي الغذائي لا يحتوي على اي من المكملات الغذائيه، للسبب السابق واني لسه طالب جامعي فما عندي قدره اني اشتري كل هالاشياء، بس ادعوا الله ان الملك يطيح عنا قروض الاسكان وحزتها اقدر اسوي اللي ابغي :biggthump


المهم بعد الروايه الطويله والممله اللي كتبتها فوق << عذروني والله لكن حبيت اني اوصل الفكره بالكامل للي حاب يجاوب علي

بناء على جدول الاخ، فيوم السبت اللي هو اليوم لازم امرن عضله الصدر + البطن
ولكن عندما قمت بالتمرينين الاثنين للصدر:

ملف مرفق 335278ملف مرفق 335279

ملف مرفق 335280

<< للعلم التمرين الثاني عملته على كرسي مستوي وليس مائل، يعني وانا منبطح على ظهري بالكامل

المهم بعد ما خلصت التمرينين هذولا بالذات، حسيت بشد قوي في عضله الكتف الخلفيه، وشد قليل في عضله الصدر :33: مع اني قد ما اقدر اني اركز على يدي لا تروح يمين او يسار واحاول قد ما اقدر اني اطبق نفس الصور بالضبط !
فهل هذا شي طبيعي؟ انه احس بشد في عضله غير اللي امرنها خصوصا اني لسه بادي تمارين التضخيم؟؟ او ان في خطأ عملته من غير ما ادري؟

هذا سؤالي الاول، وسؤالي الثاني طال عمركم بما اني حاليا لا استطيع شراء المكملات الغذائيه، بمعنى ان كل البروتين اللي يحتاجه جسمي لازم من الاكل، فهل اتبع نظام الخمس او ست وجبات في اليوم مع الملاحظه ان الوجبات الفرعيه ايضا تكون غنيه بالبروتين؟ << مثلا بين وجبتي الغداء والعشاء آكل وجبه خفيفه مثلا سندويش تونه مع عصير الخ؟
واذا في احد عنده برنامج غذائي ويكون خالي من المكملات ياريت لا يبخل علي

هذا ما خطر في بالي، وساااامحوني والله اني طولت عليكم ومللتكم بس لأن ابغي اوصل الفكره بالكااامل، وادعوا لي اني استمر معاكم وما انقطع << ترى هذا اول اسبوع لي من بدايه التمارين الجديه :biggthump

اخوكم عيسى من البحرين

شباب الله لا يهينكم ياريت لو رد واحد بس ..

السلام عليكم ورحمه الله وبركاته
وعليكم السلام ورحمة الله وبركاته
كيف حالكم اخواني عساكم بخير؟
بخير جعلك بخير يا عيسى
بالبدايه احب اشكركم جميعكم على هذا القسم الجبار، فوالله لولاه ثم جهودكم ما حصلت العزيمه الكافيه حق اني انزل وزني واحاول اني امشي على دربكم
واخص بالشكر كباتن القسم ومنهم ابو راشد، The Cast, The Rock ,توتو جده، ابو مها، وغيرهم وغيرهم من الكباتن اللي ماحضر اسمهم على بالي حاليا، والشكر ايضا موجه للاخوه سواء المستفسرين او اللي يجابونون اخوانهم ..

تسلم لي والله واسفين على التأخير يا وحش
بالبدايه راح احط معلومات عن جسمي:
الطول: 189
الوزن سابقا: 94
الوزن حاليا: 88.4
نسبه الدهون: 17.4% << من خلال هذا الموقع:
Metric Body Fat Calculator
لا تعتمد على هذا الموقع افحصه احسن في جهاز للسوبرماركتات او الصيدليه ادق من الموقع
الله يسلمكم هذا وزني السابق كان بدايه قراري اني انزل وزني + ابني عضل واعدل من جسمي، خصوصا ان لي طول والكل يقول لي جسمك راح يكون احلى لو مع عضل مفتول << للعلم حتى ومع وزني السابق ما كان يبان ان فيني زياده وزن لما اكون بالملابس، لكن افصخ التيشيرت وتجوف الكوارث :biggthump
فعــــلا الطول مع عضل تطلع تحفه فنيه والله وفي نمو العضل اصعب علشان المساحه كبيره للعضله لكن انت فقط يبيلك تشد حيلك وخفف من كرة السله خخخخخخ
ووصلت الى الوزن اللي انا عليه في شهرين تقريبا، مارست فيها الجري بشكل شبه يومي + تمارين البطن، وحزتها ما كان عندي اثقال الا دنبل واحد وثمانيه كيلو بس :blackeye: << عن الطنازه بلييز :cray:
هههههههههه احسن من لاشيء يا بطل
وبعد ما وصلت للوزن اللي انا عليه حاليا، قررت اني ابني عضل، فاشتريت لي اثقال (بار+دنابل+ اوزان مختلفه بمجموع 50 كيلو كبدايه) وبديت اتمرن بناء على موضوع اخونا foxdie elf

http://www.montada.com/showthread.php?t=639206


<< يمكن في ناس بيسألون ليه ما اتمرن في صاله؟ والسبب ان وضعنا المالي لا يسمح حاليا لمصاريف تسجيل في نادي + مخاوف من الاهل ان في النادي بيعطوني حقن او شي كذا وارجع لهم البيت منتفخ :bigeyes:، فحتي برنامجي الغذائي لا يحتوي على اي من المكملات الغذائيه، للسبب السابق واني لسه طالب جامعي فما عندي قدره اني اشتري كل هالاشياء، بس ادعوا الله ان الملك يطيح عنا قروض الاسكان وحزتها اقدر اسوي اللي ابغي :biggthump
ههههههههههه اللهم امين يا بطل وصدقني انت فقط لو تهتم باكلك وتركز على كمية البروتين وتزود من فتره لفتره شراء الاوزان راح تطلع بنتيجه اقوى وافضل من انك مسجل في نادي وجالس تتمشى وتضيع وقت ....!!


المهم بعد الروايه الطويله والممله اللي كتبتها فوق << عذروني والله لكن حبيت اني اوصل الفكره بالكامل للي حاب يجاوب علي

بناء على جدول الاخ، فيوم السبت اللي هو اليوم لازم امرن عضله الصدر + البطن
ولكن عندما قمت بالتمرينين الاثنين للصدر:





<< للعلم التمرين الثاني عملته على كرسي مستوي وليس مائل، يعني وانا منبطح على ظهري بالكامل

المهم بعد ما خلصت التمرينين هذولا بالذات، حسيت بشد قوي في عضله الكتف الخلفيه، وشد قليل في عضله الصدر :33: مع اني قد ما اقدر اني اركز على يدي لا تروح يمين او يسار واحاول قد ما اقدر اني اطبق نفس الصور بالضبط !
فهل هذا شي طبيعي؟ انه احس بشد في عضله غير اللي امرنها خصوصا اني لسه بادي تمارين التضخيم؟؟ او ان في خطأ عملته من غير ما ادري؟
اكيــد انك ما سخنت زين يا بطل والسبب الاخر ممكن انك كنت مرجع للوزن للخلف اكثر من اللازم ... يعني لاجيت ترفع الوزن ترفعه ويكون على مستوى الصدر وليس الوجه .. ولاتنسى ثنية اليد في الطلع لان البعض وهو طالع بالدنمبل يفرد يده كامله وهنا اكبر مصيبه ...
هذا سؤالي الاول، وسؤالي الثاني طال عمركم بما اني حاليا لا استطيع شراء المكملات الغذائيه، بمعنى ان كل البروتين اللي يحتاجه جسمي لازم من الاكل، فهل اتبع نظام الخمس او ست وجبات في اليوم مع الملاحظه ان الوجبات الفرعيه ايضا تكون غنيه بالبروتين؟ << مثلا بين وجبتي الغداء والعشاء آكل وجبه خفيفه مثلا سندويش تونه مع عصير الخ؟
واذا في احد عنده برنامج غذائي ويكون خالي من المكملات ياريت لا يبخل علي
صعبه انه احد ينظم لك جدول لان ممكن اكون كاتب في الوجبه رقم 3 تكون عباره عن صدور دجاج وانت غير متوفر عندك وبالتالي يتلخبط كل شي لذلك انت ركز على 7 وجبات ممتازه لك ولازم كل وجبه تحتوي على بروتين وكارب بسيط وفيتامين هذا باختصار وطبقها على اكلك ..

هذا ما خطر في بالي، وساااامحوني والله اني طولت عليكم ومللتكم بس لأن ابغي اوصل الفكره بالكااامل، وادعوا لي اني استمر معاكم وما انقطع << ترى هذا اول اسبوع لي من بدايه التمارين الجديه :biggthump

اخوكم عيسى من البحرين
بالتوفيق اخوي عيسى وافا عليك حنا اخواان والله واي شي يطري على خاطرك لا يردك الا الكيبورد
موفق يا بطل وشد حيلك

^^^^^^^^^^
ما شاء الله طلع الموضوع قوس قزح هههههههههههههههههههه <<<< حاولت اني اميز ردي بلون اخر لكنك ما شاء الله عليك ما خليت لون الا وحطيته خخخخخخ

اخوي واستاذي THe Rock

لك مني كل الشكر والتقدير على اجابتك الشافيه
ووالله يعلم ان كل شخص له ظروفه، ولولا ظروف البعض جان حصلت الاجابه حالا من نزلت الموضوع، وانا ماحطيت رد ثاني الا لأن الموضوع قريب من الوصول للصفحه الثاني فقلت ارفعه بس :P

بالفعل في نقاط ذكرتها انا اعملها :P

منها اني صح العب كره سله :P
وبالنسبه للتمرين الثاني، فكل اللي قلته صحيح، اني انزل يدي زياده + فارد يدي للاخر عند الطلعه

وان شاء الله اعمل بنصيحتك في الاسبوع القادم << بعد ما نرجع مره ثانيه لتمرين الصدر

وشاكر لك مره ثانيه على اجابتك وسامحني على الاطاله

* بالنسبه للالوان هههههههههه قلت دام الموضوع طويل وبلون واحد.. لا بالله انقرى :P فقلت الونه حق يبان انه قليل هههههههه ربي يحفظك ان شاء الله

اقتباس:

---

المشاركة الأصلية كتبت بواسطة Crsa7

اخوي واستاذي THe Rock

لك مني كل الشكر والتقدير على اجابتك الشافيه
ووالله يعلم ان كل شخص له ظروفه، ولولا ظروف البعض جان حصلت الاجابه حالا من نزلت الموضوع، وانا ماحطيت رد ثاني الا لأن الموضوع قريب من الوصول للصفحه الثاني فقلت ارفعه بس :P

بالفعل في نقاط ذكرتها انا اعملها :P

منها اني صح العب كره سله :P
وبالنسبه للتمرين الثاني، فكل اللي قلته صحيح، اني انزل يدي زياده + فارد يدي للاخر عند الطلعه

وان شاء الله اعمل بنصيحتك في الاسبوع القادم << بعد ما نرجع مره ثانيه لتمرين الصدر

وشاكر لك مره ثانيه على اجابتك وسامحني على الاطاله

* بالنسبه للالوان هههههههههه قلت دام الموضوع طويل وبلون واحد.. لا بالله انقرى :P فقلت الونه حق يبان انه قليل هههههههه ربي يحفظك ان شاء الله

---

العفووووو يالغالي وملاا سوينا غير الواااجب
وشد حيلك يا بطل واذ بتدخل كرة السله وما تقدر تقلل منها لازم تزيد عدد وجباااتك