هل هي لعبة ابر وهرمونات ولا مكملات ؟ بصراحة الكل يجاوب

السلام عليكم

انا بالنسبة لي صارلي سنة و6 شهور واحس اني للحين مو مجسم ولا وصلت للهدف الي ابية :( احس بملل


اشوف ناس معاي بالنادي 3 شهور مع الابر احسن من جسمي قمة الاحباط


يجماعة ها العبة تدعو الواحد يلعب بنفسة يعني يجرب الابر عشان يوصل للي يبية ؟


المكملات احس مجرد وهم كلها كم يوم وتختفي جرب تقطع المكملات اسبوع جسمك بيرد نفس قبل :(




الكل يقول راية بالموضوع

وعليكم السلام
حبيبي بختصار لعبة الحديد يبي لها صبر ومثابره هذآ اساس العبه
وثاني شي الي تقول عنهم اخذو هرمونات ماعندهم حب واصرار للعبه اقصد في كلامي يعني ما قدرو يوصولون الى مستوى توقف الجني يعني ماعنده اصرار او تلاقيه احد امعبي راسه من الكلام عن الهرمونات
واغلبهم مايحب العبه كثر المظهر او ياخذون الهرمونات من دون هدف
وانت ياغالي خلي عندك داعم نفسي وراح يوم من الايام توصل للي تبيه
وهذآ القاعده تذكرها دائمن
تغذيه ممتازه+نوم كافي+ تكريز في التمرين دون انقطاع = جسم وحش
وبعدين فكر بالبروتين

يارجال استمر والعن بليس

والله هي مرحلتين.. المرحلة الاولى تقدر توصل لنتائج حلوة بدون اي تدخل هرموني

والمرحلة الثانية صعب جداً انك توصل لمستوى اعلى وبنفس الوقت انت قاعد تتحدى نفسك انك توصل لمستوى حلو و تبغى تشارك ببطولة او تبي ترضي رغباتك مالك الا الستيرويدس

والمكملات اغلبها نصب يعني اقصد هي صحيح تشتغل بس موب مثل ما تقول الشركة

يعني مثلاً المنتج الفلاني يزيدك عضل وهو كلام خاطئ لان مافي شي يزيدك عضل لحاله الا في حالة مزجه مع الكارب والنوم السليم والتمرين الصحيح والى اخره

وعليكم السلام ورحمة الله وبركاتة

طرحك جميل بالنسبة لي ما ليه فترة طويله العب كمال اجسام

ننتظر الكباتن

انا مع العاشق كلامه صحيح و هناك بعض الاخوان فى الصالة لهم 8 سنوات ولم يلمسوا مكمل و اى شىء وليس هذا معنه ان المكملات شىء ضار هى ليست ضاره اذا استعملت بمقدير وننتظر الاراء

يا شباب المكمل من اسمه مكمل يعني ماله دخل بالاشياء الاساسيه في اللعبه !!!!! يعني لو تبلبع من هنا للصباح ما راح يصيرلك شي !! انا اتحداك لو اكلك صح بمعنى كلمة صح وتركيز بتمرينك ونوم تمام راح تشوف فرق كبير وواضح خلال 7 اشهر .......
اهم شي الاكل ثم الاكل ثم الاكل ثم الاكل ثم التركيز بالتمرين بعدين النوم الكافي
وما قصروا الشباب يعطيهم العافيه

يعني الحين البروتين اول ماتتركه يرجع جسمك لزي ماكان !!

معقوله
يعني انا كنت ناوي بعد ماوصل مستوى حلو اترك البروتين والعب بس حديد بدون مكملات هل هالشي مستحيل يعني ؟


ننتظر اراء الكباتن وفعلا موضوع مهم لان الوضع صار غريب كل شوي واحد يسال عن الهرمونات

اقتباس:

---

المشاركة الأصلية كتبت بواسطة بردان1

يعني الحين البروتين اول ماتتركه يرجع جسمك لزي ماكان !!

معقوله
يعني انا كنت ناوي بعد ماوصل مستوى حلو اترك البروتين والعب بس حديد بدون مكملات هل هالشي مستحيل يعني ؟


ننتظر اراء الكباتن وفعلا موضوع مهم لان الوضع صار غريب كل شوي واحد يسال عن الهرمونات

---

!!
البروتين مكمل لا اكثر سواءا استعملته ام لا سيان بشرط انك تكون مهتم باكلك بشكل كبير.

بإمكاني اقعد فترة طويله بدون اي مكمل , لكن حيكون التركيز عالاكل اكبر ومضجر لذلك نقول استعمل البروتين او الملتي احيانا كمكمل ....

طبعا انا مابي احبط احد بكلامي لكن هذا الصج الهرمونات مفعولها اسرع واقوى ونتايجها مبهره لكن اضرارها كثير ومشاكلها وايد ويختلف على حسب رغبة اللاعب نفسه يعني انا يوم دخلت بالهرمونات كان عامل نفسي بعد ما قطعت اشهر وخسرت كثير تحبطت وقلت آخذ هرمونات لكن بالطريقه الصحيحة وباستشارة حبراء في هذا المجال لكن انا شخصيا ما انصح فيها لانك ان دخلت بعالم الهرمونات النتيجة راح تفرق معاك كثير تصير شخص ثاني وان هديتها راح تخسر من اللي كسبته فيأثر العامل النفسي اهني وتبدا تدمن على الهرمونات وبالتالي تضر نفسك غير انه تسوي عقم مؤقت والحبوب والعصبيه وتساقط الشعر ... لكن كل انسان وقناعته ورغبته
تحياتي

اقتباس:

---

المشاركة الأصلية كتبت بواسطة THE CAST

!!
البروتين مكمل لا اكثر سواءا استعملته ام لا سيان بشرط انك تكون مهتم باكلك بشكل كبير.

بإمكاني اقعد فترة طويله بدون اي مكمل , لكن حيكون التركيز عالاكل اكبر ومضجر لذلك نقول استعمل البروتين او الملتي احيانا كمكمل ....

---

طيب مضبوط
بس مثلا انا ما اقدر اكل باليوم اكثر من 4 وجبات اوكي
طيب استخدمت البروتين المكمل وبعد 3 اشهر وصلت للجسم الي انا ابيه يعني انا مهو هدفي ضخامه عضليه تخرع لا بس عضل مفتول وتقوية للجسم
اقدر اترك المكمل بهالحاله وارجع لطبيعتي الي هي 4 وجبات باليوم مع تمارين راح تبقى العضل الي بنيته ماراح يختفي ؟؟
واذا تركت الحديد كمان جسمي راح يبقى ايضا متناسق وجميل كما كان او ايضا راح يختفي تدريجيا ؟!!
فعلا اسئلة تدور براسي دايما

اقتباس:

---

طيب مضبوط
بس مثلا انا ما اقدر اكل باليوم اكثر من 4 وجبات اوكي
طيب استخدمت البروتين المكمل وبعد 3 اشهر وصلت للجسم الي انا ابيه يعني انا مهو هدفي ضخامه عضليه تخرع لا بس عضل مفتول وتقوية للجسم

---

للمعلوميه
ضخامه تخرع..هذي ماتجي بالسهوله الي انت متوقعها ابدا...

كثير اسمع الشباب يقولون ماودي اضخم مره..يفتكر انها سهله

اقتباس:

---

اقدر اترك المكمل بهالحاله وارجع لطبيعتي الي هي 4 وجبات باليوم مع تمارين راح تبقى العضل الي بنيته ماراح يختفي ؟؟

---

وليش يختفي !
اذا منظم اكلك مظبوط راح تحافظ على جسمك بشكل ممتاز
لكن اربع وجبات فقط مااشوفها كافيه
وانا اقصد انك تقسم وجباتك ل6 صغيره بحيث لاتصل كل وجبه بك الى حد الشبع او التخمه كما يعتقد الكثير

اقتباس:

---

واذا تركت الحديد كمان جسمي راح يبقى ايضا متناسق وجميل كما كان او ايضا راح يختفي تدريجيا ؟!!

---

اذا تركت الحديد واهملت اكلك وصرت تضرب بالدهون والفاست فود راح ترتفع نسبة الدهون عندك طبعا
بالتالي احتمال كبير تخرب الفورمه

اقتباس:

---

طيب مضبوط
بس مثلا انا ما اقدر اكل باليوم اكثر من 4 وجبات اوكي
طيب استخدمت البروتين المكمل وبعد 3 اشهر وصلت للجسم الي انا ابيه يعني انا مهو هدفي ضخامه عضليه تخرع لا بس عضل مفتول وتقوية للجسم
اقدر اترك المكمل بهالحاله وارجع لطبيعتي الي هي 4 وجبات باليوم مع تمارين راح تبقى العضل الي بنيته ماراح يختفي ؟؟

---

مرحبا اخوي

انته يوم تبني شي تحتاج انك تساند او تقوي هذا الشي وبالنسبة للاعب كمال الاجسام هذا الشي هو السعرات الحرارية . السيارة الصغيرة يوم تمشي تحتاج الى بترول لكنه السيارة الاكبر تحتاج الى كمية اكبر من البترول ونفس الشي العضلة .. اذا العضلة كبرت فهي تحتاج الى سعرات اعلى من قبل

طبعا تقدر تترك المكملات لكنه السعرات يجب تكون نفسها وتزيد من البروتين بالاكل

اقتباس:

---

واذا تركت الحديد كمان جسمي راح يبقى ايضا متناسق وجميل كما كان او ايضا راح يختفي تدريجيا ؟!!
فعلا اسئلة تدور براسي دايما

---

بعطيك مثال

العضلة عبارة عن موتور فاذا حملت العضلة اكبر من طاقتها فهي راح تكبر وتقوى حتى تتحمل الحمل الجديد
واما اذا رجعت الحمل الى طبيعته (بدون تمرين) فهي راح تصغر وترجع مثل قبل

الامر بسيط

^^ يعطييك العافيه اجوبة ان شاءالله شافيه


بس واحد قال ان الدهون راح يغطي العضلة اذا تركت الحديد

والثاني قال ان العضلة راح تصغر وترجع الى طبيعتها < انا هذا كان سؤالي هل العضلة راح تصغر يعني بعد الحديد ؟
يعطيكم العافيه ماقصرتو واسف اني لفيت بالموضوع شوين يسار خخخ

اذا اهتميت بالاكل ماراح تصغر
وكم مدة الاقطاع يعتمد؟