هل في مشكلة لو مرنت البطن يوميا بايام التمرين .؟ + كم استفسار للخبراء باللعبة

بسم الله الرحمن الرحييم

السلام علييكم

ولله الحمد والمنه بفضل الله ثم هالمنتدى الواحد بضرف ايام يصبح فاهم لكل اسس اللعبة
بفضل تماسك اعضاءه والله واجتهادهم
ووالله اعلم اني احس روحي صرت اخبر من ابو سنه بالنادي بدون لايعرف هالمنتدى :) فعلا منتدى رائع


انا حاب اسال عن عضلات البطن
انا لي شهر و10 ايام تقريبا بالنادي وبهالفترة رفعت وزني ولله الحمد 4 كيلو ماعرف نسبة الدهون عندي لكن مادري كم تتوقعون تكون اذا كان وزني 55 حاليا وطولي 170 وجسمي مبين بالنحييل يعني ماعندي ترهلات ولا شي ؟ تتوقعون تكون فوق 12 او اقل ؟ لاني قريت هنا ان عضلات البطن ماراح تبين الا لما تكون نسبة الدهون اقل من 12 هنا بدا يدور براسي كم سؤال يعني وبديت افكر بمرحلة التنشيف يعني شلون راح تكون لاني الحين بمرحلة ضخامه طبعا
وانا استخدم مكمل سينثا 6 فقط وبعد هالمكمل بإذن الله بحاول اقطع كل المكملات فهل مرحلة التنشييف لازم يكون معي مكملات او اقدر انشف بدونها ؟؟

هذا استفساري الاول

اما الثاني انا حاب اسال عن عضلات البطن وتمارينها المدرب عندنا مسويلي جدول وممشيني يعني صح ماعليه كلش تمام
لكن مهو حاط لي البطن والبطن تاركن على راحتي احيانن اقوله ابي امرن عضله ثانيه يقولي مش مشكلة خذ بطن
يعني مهو معطيه اهمية فا قمت سالته قبل كم يوم قلتله شلون ابي عضلات البطن وقام شرحلي كل الاجهزة وهذا بطن سفلي وهذا بطن علوي وهذا جانبي يعني فهمني طريقة التمارين لكل عضلة قلت طيب وش تقترح علي عشان ابرز العضلة قال يوم تمرن مثلا علوي وبعده ماتمرن بطن وبعده تمرن جانبي وبعده ماتمرن بطن وبعده تمرن سفلي ووبعده ماتمرن وهكذا يعني
يوم ايه يوم لا وكل يوم يختلف عن الي قبله !!

وانا صراحه ودي بعضلات البطن قبل الصييفيه فيه امل ؟
وافكر اخذ عضلات البطن يوميا بايام التمرين يوم علوي ويوم سفلي وجانبي وهكذا ؟
وش رايكم ؟
او عطوني اقتراحاتكم وش افضل شي ؟ وكم عده اخذ على كل تمرين ؟

والاستفسار الثالث هل المكمل سينثا 6 راح يعطيني زيادة بالوزن او لا ؟

والاخير
انا حاب اقطع المكملات الغذائية لان تشتت ذهني يجيني كلام من هنا انه مضره ومن هنا يقول لا ميه بالميه مهي مضره
انا اقتنعت انها مهي مضرة صراحه
بس انا معي رمل بالكلا واخذ علاج لفته من شهر تقريبا ولا ادري هو انتهى او لا وخايف المكمل يأثر على شي لاني خايف يتطور ويصير حصوة لا سمح الله او شي ؟ فا وش رايكم ماراح يأثر المكمل علي او استشير طبيب واحلل ؟



وجزااكم الله الف خيررر

معليش وبعد عندي استفسار لو اني كثرت عليكم :)

بس انا بالنسبة لايام الراحة من التمارين مالي ايام محدده اذا شفت نفسي تعبان خذيت راحه
يعني على المزاج تقريبا ؟
فهالشي عادي ماراح ياثر او ياثر
مع العلم اني تقريبا ماكملت 3 ايام تمرين متتاليه
يعني عاده 3 ايام تمرين وبعده راحه واحيانن يومين واحيانن يوم وبعده راحة يعني ماني منتظم فا وش رايكم ؟

وعليكم السلام ورحمة الله وبركاته

اخوي تبقى نصيحتي استمر في الضخامة واهتمم باكلك في لا يقل عن 6 وجبات في اليوم والراحة ثم التمرين

وابتعد عن المكملات الحين العب 3 شهور بدون مكملات

والبنسبة للبروتين سينثيا يفضل استخدامه قبل النوم وغير كدا سعره مرتفع شوي

وفي موضوع لاخ فرانس عن بروتينات الجينر في المواضيع المميزة

واي سؤال ما يحتاج

بالتوفيق

يعطيك العافية اخوي على مشاركتك :>

انا عارف مكملات القيينر وماحبيت ازيد نسبة دهون بزيادة ولا ادري الكثير نصحني بالقيينرر


بس انا خايف من اضراره المكملات على الكلى وفيه معنا واحد بالنادي قال انه يعرف واحد جاه السرطان والعياذ بالله قال بسبت المكملات وخوفني كلامه
وناوي اقطع المكملات ككل يعني
ومادري متردد

لكن موضوعي والله عن الاستفسارات الي فوق ماتتعلق بالمكملات :$
ياليت من الاخوان يجاوبون عليهن

يا اخوي اش هدفك انت

هدفي جسم فرنسي تقدر تقول

بس حاليا يعني اضخم انا

مرحلة التنشيف لازم مكملات خاصة بها هذا سؤالك الاول

يالنسبة لسؤؤالك الثاني البطن ثلاث مرات في الاسبوع

وسؤالك الاخير البروتين اللي معاك في احسن منه ويفضل استخدامه قبل النوم

بالتوفيق

يعطييك العافية اخي على تعاونك معي

ويمكن انا موضوعي مو واضح نوعا ما
بس خلني اوزع استفساراتي بشكل مباشر
1 - في مرحلة التنشيف هل يتطلب استخدام المكملات الغذائية اجباري لحرق الدهون ؟ او اقدر انشف بدون استخدام اي مكمل ؟ < مع العلم اني للحين مافكرت بالتنشيف مره بدري بس عشان اعرف حالي اضخم بقوه او على الخفيف

2 - هل في مشكلة لو مرنت البطن يوميا بايام التمرين يعني 4 ايام بالاسبوع بحيث يكون يومين بطن علوي ويومين جانبي وسفلي ؟ او اخذ كل الاربع ايام شامل للبطن كله ؟

3 - جاوبتن عليه يعطيك العافية لكن مادري شفت تصنيفه بالبودي بولدنق ممتاز وصرت استعمله الحين واستغرب من الي يقولون سعره مرتفع !! نفس اسعار المكملات الثانية انا خذيته ؟ فامادري وش تنصحني طيب فيه وش اخذ من مكمل اقدر اوفر ويجلس فتره طويلة معي ؟

4 - انا معي رمل واخذ علاج من فترة شهر تقريبا والحين وقفت علاج بس مادري راح الرمل او لا ؟ مادري هل الممكملات راح تاثر علي يعني تضرن او لا؟ او تنصحني استشير دكتور واسوي تحليل ؟


مشكووور اخي وتعبتك معي

اخوي نصيحة اترك التنشيف وركز على التضخيم

وزنك 55 كجم وطولك 170 سم وش تنشف هههه

انا اقصر منك ووزني اكثر من ومزنك وحتار ادخل تنشيف

لا تستعجل الجسم الفرنسي خطوه خطوه

وان شاء الله الشباب يففيدوك اكثر مني

اقتباس:

---

المشاركة الأصلية كتبت بواسطة بردان1

يعطييك العافية اخي على تعاونك معي

ويمكن انا موضوعي مو واضح نوعا ما
بس خلني اوزع استفساراتي بشكل مباشر
1 - في مرحلة التنشيف هل يتطلب استخدام المكملات الغذائية اجباري لحرق الدهون ؟ او اقدر انشف بدون استخدام اي مكمل ؟ < مع العلم اني للحين مافكرت بالتنشيف مره بدري بس عشان اعرف حالي اضخم بقوه او على الخفيف
يا اخوي البروتين الخاص للتنشيف اسمه ايزو خالي من الفات والكارب والخ والتنشيف بدون مكمل صعب شوي وتبقى تفكر في التنشيف اخوي وزنك ناقص 15 كيلو اهتم في اكلك وتمرينك
2 - هل في مشكلة لو مرنت البطن يوميا بايام التمرين يعني 4 ايام بالاسبوع بحيث يكون يومين بطن علوي ويومين جانبي وسفلي ؟ او اخذ كل الاربع ايام شامل للبطن كله ؟
ثلاث مرات في الاسبوع وراجع جدول ابو راشد للبطن تلقاه في المواضيع المميزة
3 - جاوبتن عليه يعطيك العافية لكن مادري شفت تصنيفه بالبودي بولدنق ممتاز وصرت استعمله الحين واستغرب من الي يقولون سعره مرتفع !! نفس اسعار المكملات الثانية انا خذيته ؟ فامادري وش تنصحني طيب فيه وش اخذ من مكمل اقدر اوفر ويجلس فتره طويلة معي ؟
سيريوس ماس ابو 5كيلو
4 - انا معي رمل واخذ علاج من فترة شهر تقريبا والحين وقفت علاج بس مادري راح الرمل او لا ؟ مادري هل الممكملات راح تاثر علي يعني تضرن او لا؟ او تنصحني استشير دكتور واسوي تحليل ؟

في الشغلة هذه راجع الدكتور قبل ما تبدأ في اي مكمل غذائي
مشكووور اخي وتعبتك معي

---

العفو وتعبك راحة يا اخوي