ابي اخفف \ افضل جهاز ( سير او سيكل ) ؟ + افضل اماكن البيع ؟

السلام عليكم

كيف حال الشباب ان شاء الله بخير

وزني كان 83 , الحين 79 , قبل 3 اسابيع كنت امشي نص ساعة باليوم وقت العصر , لمدة اسبوع وكم يوم
ونقصت تقريبا 3-4 كيلو ,, المهم انا فاضي وقت العصر بس , والحين الشمس تشوي شوي بالوقت هذا
عشان كذا قلت بغير المشي وبجيب جهاز بالبيت قدام التلفزيون بالغرفة

المهم انا تقريبا جسمي مافيه سمنه كبيره لكن ابي اخفف + اشد شوي
وش رايكم اجيب سيكل ؟ بحكم ان حجمة صغير وما يتعب , ولا فيه جهاز ثاني مدري وش اسمه حصلته عند الفالح , الي هو نفس السيكل بس وانت واقف . هو فيه 3 اجهزه ( سير و سيكل وهذا )

المهم رايكم اي واحد اخذ ؟ و فيه ناس تقول ان السيكل يخفف الخفوذ + الارداف بس يعني الجسم من فوق ما يحرق فيه شيء ؟

وثاني شيء فيه تمارين اسويها تساعد على الحرق \ او الشد ؟ ( منطقة الفخوذ اكثر شيء < ؟ )

وبالاخير وش احسن محل اخذ منه الجهاز ؟

واذا فيه اي نصيحه لواحد يبي يخف + يشد ؟

ويعطيكم العافيه

ماحد عنده شيء يبي يقوله ؟

بسم الله الرحمن الرحيم

انا انصحك تستمر على الجري ولو على الشمس تقدر تمشي بعد المغرب

لأنك رح تمل من الاجهزة ولن تستمر

هذا الكلام من تجربه

انا مشترك بنادي ولم ارتاح للمشي على السير ابدا .. بينما مستعد اجري لساعه او ساعتين في الهواء الطلق

والله اعلم

* مجرد رأي شخصي *

اقتباس:

---

المشاركة الأصلية كتبت بواسطة Sami121

السلام عليكم

وعليكم السلام والرحمه

كيف حال الشباب ان شاء الله بخير

بخير الحمد لله

وزني كان 83 , الحين 79 , قبل 3 اسابيع كنت امشي نص ساعة باليوم وقت العصر , لمدة اسبوع وكم يوم
ونقصت تقريبا 3-4 كيلو ,, المهم انا فاضي وقت العصر بس , والحين الشمس تشوي شوي بالوقت هذا
عشان كذا قلت بغير المشي وبجيب جهاز بالبيت قدام التلفزيون بالغرفة

من تجربه اخوي خلك على المشي في الخارج يبعد الملل

المهم انا تقريبا جسمي مافيه سمنه كبيره لكن ابي اخفف + اشد شوي
وش رايكم اجيب سيكل ؟ بحكم ان حجمة صغير وما يتعب , ولا فيه جهاز ثاني مدري وش اسمه حصلته عند الفالح , الي هو نفس السيكل بس وانت واقف . هو فيه 3 اجهزه ( سير و سيكل وهذا ) تشرفنا بمعرفتهم المهم

المهم رايكم اي واحد اخذ ؟ و فيه ناس تقول ان السيكل يخفف الخفوذ + الارداف بس يعني الجسم من فوق ما يحرق فيه شيء ؟ الكلام هذا غير صحيح ، الدهون تنحرق من كل الجسم بصوره متساويه

وثاني شيء فيه تمارين اسويها تساعد على الحرق \ او الشد ؟ ( منطقة الفخوذ اكثر شيء < ؟ ) راجع المواضيع المميزه تفيدك نشالله

وبالاخير وش احسن محل اخذ منه الجهاز ؟

واذا فيه اي نصيحه لواحد يبي يخف + يشد ؟

ويعطيكم العافيه

---

الله يعافيك

ما قصروا معك الاخوان الله يجزاهم خير

لكن لو أنت معزم على شراء جهاز و من أهل الرياض أوصف لك محل إن شاء الله بتحصل فيه اللي تبي

الله يعطيكم العافيه

بس مثل ماقلت انه انا وقتي العصر فقط بعده مشغول , فانا قلت اشوف افلام او مباريات وقت التمرين وبيروح الملل ان شاء الله

تبين نصيحتي انا جلست امشي مدة عشر ايام في الممشى من ساعه لساعتين يومياً

نزلت فيها حول الأربعه كيلو تصور طبعاً مع قطع الدهون وضبط التغذية شوي

دخلت النادي بعد الحماس وفي خلال نص شهر مانزلت الا كيلو ونص !!

فالمشي والجري في الهوى الطلق اعتبره افضل وسيله لنحف وشد الجسم !