هبوط من الليبو + أعترف بغطلتي ..

السلام عليكم ..

من فترة صارلي استخدم ليبو 6 اكس .. كنت اكل حبتين الصبح واروح امشي قليل وارجع اتفطر ..

والعصر قبل الرياضة حبتين ..

وكنت اكل بس صدر دجاج مشوي او وجبة وحدة فقط مع الفطور (الخفيف) ماكنت اكل شي ..

الين ماجاني هبوط على ماعتقد .. كنت واقف مع الشباب ومرة وحدة حسيت بضغط في راسي كأنه بيفنجر

والشباب كانوا يقولونلي شفيك وماكنت اسمعهم (انصمخت) لفترة معينة ودار راسي كنت ابي اروح اجلس اي مكان بس ماكنت اقدر امشي ..

جاو ربعي وعطوني شي اكله ..

أعترف بغلطتي .. وادري اني غلطان لأن مع الليبو لازم اكل عالاقل 3 وجبات باليوم على اساس يحرق الأكل

لكن انا من النوع الي ما اقتنع اذا اكل اكثر من وجبة او وجبتين .. طبعي جذي ..

الحين رجعت رجيم صدر دجاج واحد باليوم كله ورياضة .. (ادري بتهاوشوني) بس شسوي ..

اي حل ياجماعة؟

عمري 21 سنة .. الطول 174 والوزن 104 ..

وعندي سؤال ياريت تجاوبوني ... صدري كبير .. يعني احتاج تمارين كثيرة علشان ينشد

شتنصحوني فيه .. ماقدرر اسوي بش اب وايد صعب علي ..

اي نصيحة؟

وعليكم السلام

لا تخاف يا اخوي هني محد بيهاوشك وكلهم اخوانك

شوف يا اخوي

جسم الانسان ذكي وعارف متى يغير من عملية الحرق ومتى يزيدها
واذا انته ما تاكل شي فالجسم راح يقلل من عملية الحرق من خلال هرمونات الجسم مثل الغدة الدرقية وهرمون الذكورة

اقتباس:

---

لكن انا من النوع الي ما اقتنع اذا اكل اكثر من وجبة او وجبتين .. طبعي جذي ..

الحين رجعت رجيم صدر دجاج واحد باليوم كله ورياضة .. (ادري بتهاوشوني) بس شسوي ..

---

اول شي نظام تغذيتك خطا والسبب مثل ما ذكرت فوق وايضا راح تخسر عضل ويزيد الترهل

واذا حاب تغير نظام غذائك... اكتبلي اكلاتك المفضلة وانا بسويك جدول غذائي

بالتوفيق

اكبر غلط انو تقلل غذائك في الرجيم

البعض يعتقدون اذا قللت الاكل رح بتخس ! لكن النتيجه رح تحصل مضاعفات واهمه فقر الدم لان رياضة كمال الاجسام يحتاجله غذاء جيد والا يحدث العكس يعني رح تستاء حالتك اكثر

لازم تنضم تغذيتك ويكون فيه بروتين وخضار وفواكه على مدار اليوم ! 4 وجبات على الاقل

والمعنى الصحيح في نضام الدايت للتغذيه هو تكثير البروتين وتقليل الكارب والدهون بشكر كبير

عل عموم استمر بتمارين الكارديو واهم شي تضبط تغذيتك تراه لا اللبو ولاغيرهن رح ينفعك المكملات فقط عوامل مساعده

وبلنسبه لكبر الصدر السبب زيادة الدهون لازم تستمر بلي قتلك عليه

واشتريلك ايضا بروتين زيرو فات و مالتي فيتامين واحماض امينيه يفيدوك كثر مع التغذيه السليمه طبعا

وش الفايدة لما يجيك هبوط و تدهور صحتك و مناعتك تقل في جسمك

ما يصير يابن الحلال وش فيك

اهم شيء و نصيحة سواء بتأخذ فيها او لا عليك بالصبر و طول بالك

يعني انت احسبها صح . اذا كنت سمين لمدة 5 سنين هل برأيك خلال شهر او شهرين بتكون غزال ..
لا طبعا احسبها صح يا بعدي

اسمع انا كنت سمين و كان وزني 124 كيلو ... بس الحمد لله انا جسمي خلقة من الله مصطح و عريض شوي بس برضو في نضري كنت مليان و سويت دايت الين و صلت 86 كيلو كحد اقصى خلاص هذا اقصى وزن لي و كنت البس جنزات الخصر مقاس 42 والحمد لله وصلت الين 29 هذا كلو بفضل الله و الصبر و العزيمة

ادري طولتها عليك بس ابي احمسك و احفزك

من الاخر و خذ العلم ,,,,,

كل زين ياولد الناس بس نظم اكلك و خلها 3 وجبات بدل و جبة وحدة و خليك بعيد عن الادامات و الدهون و الكبسات و الحلا و الملح ..
وجبة العشاء خليها فواكهة شرط ان تكون اناناس و جريت فروت و تفاح اخضر و كيوي اختار ما بدا لك و راح تساعد على نزول وزنك

نجي للرياضة عليك بالهرولة لأنها تشد الجسم بالكامل من نصف ساعة الى ساعة يعني مسافة 3 كيلو الى 5 كيلو طبعا هرولة و مشي سريع

و اذا تبي تخش نادي مافي خلاف . لا تأخذ حوارق الين ما توصل لأقصى وزن انت تشوفة و اذا ثبت وزنك ديك الساعة ممكن تاخذ حوارق اذا تبي تنزل اكثر في وزنك

اتمنى لك التوفيق والصبر و ان شاء لله شباب الخير ما راح يقصرون معاك في النصائح

الشباب ماقصروو معك


وانا اايد كلام الاخ سامي اذا كانت تغذيتك سيئه خذلك بروتين يساعد وانصحك بالايسو100


موفق اخوي

ماتقصرون ياجماعة رايتكم بيضة ..

بالنسبة لأخوي سكيري فيس .. راح احاول

اخليها وجبة وحدة فاليوم بس راح اكل تفاح واناناس وأشياء مفيدة كثير

على اساس احتاجها .. ولا شتقول؟

مع نظامك الغذائي السيئ صحيح راح تنحف بسرعه
لكن صدقني راح ترجع شهيتك للاكل اضعاف الاضعاف
وراح يرجع وزنك اكثر من اول

انا لي تجارب كثيره مع الريجيمات
والحمد لله انا وصلت لوزن كويس وجسم مشدود كله بسبب النظام الغذائي المتوانز والتمارين

اقتباس:

---

المشاركة الأصلية كتبت بواسطة SteaM

ماتقصرون ياجماعة رايتكم بيضة ..

بالنسبة لأخوي سكيري فيس .. راح احاول

اخليها وجبة وحدة فاليوم بس راح اكل تفاح واناناس وأشياء مفيدة كثير

على اساس احتاجها .. ولا شتقول؟

---

يا اخوي بكون صريح معاك
الوجبة الواحدة ما تنفع واذا انته يا اخوي مب راضي تساعد نفسك فما اعتقد انه نحنا نقدر نساعدك

والفواكه جيدة لكنها ما تصلح بحالتك (لانها غنية بالسكريات) ومثل ما قالوا الاخوان انته محتاج انك تزيد من غذائك

بالتوفيق

اقتباس:

---

المشاركة الأصلية كتبت بواسطة scaryface

يا اخوي بكون صريح معاك
الوجبة الواحدة ما تنفع واذا انته يا اخوي مب راضي تساعد نفسك فما اعتقد انه نحنا نقدر نساعدك

والفواكه جيدة لكنها ما تصلح بحالتك (لانها غنية بالسكريات) ومثل ما قالوا الاخوان انته محتاج انك تزيد من غذائك

بالتوفيق

---

خلاص يالغالي .. عطني نظام غذائي حلو بس الأكل يكون فيه قليل ..

انا احب الدجاج دائما والمشويات ماعندي مانع اكلها ..

ناطر ردك