دهون اسفل البطن و الخصر والفخذين - ثبات الوزن

السلام عليكم ورحمة الله وبركاته,

العمر 23 الطول 173 الوزن 80 ك ثابت من شهر تقريبا.

نسبة الدهون 21% كانت 32% أول ما بديت الدايت و الرياضه من 3 شهور او اقل بس من شهر ومافي اي تقدم حاليا

من شهر وزني ثابت 80 ولا جرام واحد نزل مع العلم زدت تماريني ونظمت اكلي اكثر بشكل كبيررر جدا جدا جدا.

المكملات ايزو 100 انيمال فليكس , جلوتامين , ملتي فيتامين.

حوارق الدهون كللللها رميتهااا واولهم الليبو بلاك 6 العلبه الثانيه ما كملتها وكملت بالاوكسي اليت و ما كملته ورميته.

ليس لي ماضي مع السمنه بالعكس كنت ضعيف جدا جدا بس مريت بفتره وزدت فيها (زيادة عن قصد حتى ازيد وزني)

وحتى الزياده الي حصلتلي لم تصل الى مرحلة (السمنه بمعناها) كنت مليان على قولتهم فقط.


- المشكلات الي اعاني منها حاليا:

1- دهون البطن السفلي ( محيط الخصر تحت السره ).
2- دهو الخصر الجانبيه.
3-دهون الصدر. ( اول منطقة خسيتها هي الصدر وتقريبا الدهون فيها قليلة حاليا بس فيه بروز بشكل خفيف بشكل مثلث) غير ملاحظ من الناظر بشكل كبير على قولتهم عادي.
4- دهون الافخذ وخاصة من الخلف.

- اسخن 5 دقايق على جهاز الدرج بمتسوى متقدم. بعدين ادخل على الحديد جدولي المعتاد ويوم اخلص ارجع
على جهاز الدرج واستخدمه لمدة ساعه كامله تقريبا احرق ما يزيد عند 630 سعره في الساعه على هذا الجهاز.

الاجهزة الاخرى صراحة تركتها لانه زحمه عليها و ما اقدر اطول واخذ راحتي الى مع جهاز الدرج لانه تقريبا محد

يستخدمه ف الصاله الى انا واشوفه يحرق اكثر من باقي الاجهزة بشكل كبير جدا. وحسب ما قريت انه الدهون تنزل

من الجسم كله مافي تمرين معين ينزل الدهون من منطقه معينه حتى لو ركزت عليها ف قررت التزم مع جهاز الدرج

بالكارديو.

الحل يا شباب ؟ والله المعنوية بيني وبينكم بدت تنزل شهر وما نزلت جرام واحد ؟؟!!! وين الغلط؟

مع العلم انا بين فتره وفتره اغير الجدول و اغير الاكل والخ على اساس الجسم ما يتعود على روتين معين بس بدون فايده.

اذا المشكله التغذيه عطوني جدول غذائي قااااااسي.

وانا اخوك اشوف انك بالسليم يعني من 32% دهون 21% دهون خلال 3 اشهر انجاز ممتاز جدا وشي طبيعي انه يتوقف وزنك عن النزول
انا شوف ايش سويت لما وقف النزول
فتحت الدايت لمدة اسبوع اكلت فيه كل شي تقريبا باستثناء السكر ما كنت اقرب عليه ابدا ورجعت مسكت دايت بعد الأسبوع
النتائج
طبعا ما زاد وزني خلال هالأسبوع لنه نزولي كان بطئ ونظامي والحمد لله ردع وزني ينزل يعني نزلت حوالي 3 كيلو في شهرين

خلك من النظام القاسي كل كل شي صحي
يس بروتين عالي وكاربس متوسط وبدون فات
الكاربس يكون فترة قبل التمرين والبروتين طول اليوم

واذا وزنك مو راضي ينزل اكسر دايت او دخل السكر مثل ما قال ابو كينان

لاهنت يا خوي يعطيك العافيه هو في تقدم ملحوظ جدا جدا بس انا ابا اوصل نسبة الدهون تحت ال 10% هذا هدفي حاليا بس مافي اي ايحاءات بأي تقدم.

و انا افتح الدايت يوم في الاسبوع او ف الاسبوعين وجبه وحده فقط وبعقل طبعا.

نشوف باقي الشباب,

لا هنت اخوي راشد انا وبجرب كلامكم ان شاء الله,

نشوف باقي الآراء

نسبة دهونك ٢١٪ وتبي توصلها ل ١٠٪ شي حلو
بس خل اهدافك متسلسله
يعني خل هدفك الحالي ١٧٪ عشان تعطيك حافز وتشجعك
اما تفكر ب ١٠ على طول
حاول دايم تجزئ اهدافك ،، لكن خل الهدف النهائي واضح ومعقول
يعني لا تقولي خلال ثلاث شهور تبي توصل ١٠٪ هذا خطأ ممكن يحطمك نفسيا ،،
اتمنى تكون وصلت الفكره ،،

لا هنت ع المتابعة يا خوي راشد والفكره وصلت ياخوي فاهم عليك .

للرفع لاخذ جميع الآراء ^^

جرب اتباع نظام الهيت مع الكارديو الي هو نظام التواتر موجود في المواضيع المميزة

وهذا رابط موضوع نظام الهيت
http://www.montada.com/showthread.php?t=682879

لا هنت اخوي رحال فعلا نظام الهيت كنت اتبعه على السير وحاليا على جهاز الدرج نفس الفكره يعني.