شباب طالب منكم النصيحه لشراء بعض المكملات

السلام عليكم
يعطيكم العافيه شباب انا جديد في هذا المنتدى وما دخلت الا وانا عارف ان راح اخذ منكم الافاده ان شاء الله,

انا امارس كمال الاجسام من 5 سنوات تقريبا لاكن غير متواصل يعني العب 3 الى 6 اشهر ثم اوقف شهرين وهكذا
طولي 180 ووزني 96 كيلو

وانا حبيت اخذلي بعض المكلملات وبغيت تنصحوني بالافضل يعني اغير ايش منهم او احذف اي مكمل غذائب منهم :-

1) هيدرو واي بروتين optimum
2)كازين بروتين optimum
3)جلوتامين optimum
4)امينو ليكود 2222 optimum
5) اكس تيند
6) سوبر جارج


هذول المكملات اللي قالي عنهم الكابتن وطبعا هو قالي ان اخذ بروتينين واحد للتمرين والكازين لقبل النوم لان يبقى فتره طويله يمتصه الجسم, اما الهايدرو فهو بعد التمرين وممكن سكوب الصبح

اتمنى تقولولي ايش اللي استخدمه وايش طريقعه الاستعمال لكل منهم, واذا كان هناك مكملين متشابهين في النتائج يعني واحد يغني عن الثاني يا ريت توضحون لي,
وانا اللي ابيه ان اضخم زياده لكن بعضل صافي من غير دهون

ويعطيكم العافيه وناطر الرد منكم

والف شكر

وعليكم السلام

حياك

كم نسبة الدهون بجسمك/هل جسمك كثيرالدهون شكليا ؟


وتم نقل الموضوع لقسم هيرجى مراجعة قوانين القسم

اسمحلي اخوي ماكنت ادري

والله بصراحه اي نعم جسمي شكليا كثير الدهون عشان جذي انا بغيت عضل صافي
وخايف اخذ مكملات تنشيف مثل ليبو 6 او كرنتين وغيره لان ما ابي يروح العضل من جسمي
يعني اتمنى ان تقل جسمه الدهون لكن بدون تأثير على العضله نفسها

اقتباس:

---

اسمحلي اخوي ماكنت ادري
والله بصراحه اي نعم جسمي شكليا كثير الدهون عشان جذي انا بغيت عضل صافي

---

دامت كثير الدهون ماينفعلك تضخم ابدا , وموضوع العضل الصافي ..لايمكن تبني كتلة عضليه بدون دهون حتى لو قليله ..وفوضعك هذا راح تعبي جسمك دهون اكثر
اذا عندك اساس عضلي جيد فنشف

اقتباس:

---

وخايف اخذ مكملات تنشيف مثل ليبو 6 او كرنتين وغيره لان ما ابي يروح العضل من جسمي

---

الحوارق الي ذكرتها مالها علاقة بفقدان العضل

اقتباس:

---

يعني اتمنى ان تقل جسمه الدهون لكن بدون تأثير على العضله نفسها

---

اي نعم ..لكن لابد يكون عندك اساس عضلي كونك لاعب خمس سنوات ولو متقطعه


كم عمرك؟ لاجل نرتب لك مكملات تناسبك ...او اعدل على المكتوب اعلاه

انا عمري 22 سنه والحمدالله عندي اساس عضلي لكن مثل ماذكرتلك في نسبه دهون
اقصد يعني على سبيل المثال هناك عضل لكن ما تلاقي تقاسيم واضحه 100% بسبب الدهون

جيد ..

ايزو100 او واي بروتين + كازين + اكستند او BCAA + ملتي فايتمن مثل اوبتي مان او آدم ..+ كارنتين حبوب

وحارق الدهون لاتضيفه الآن اجله لفترة , والاهم من هذا كله هو نظامك الغذائي ثم التمرين اليومي .....


بالتوفيق

يعطيك الف عافيه اخوي وماقصرت بس استفسار بسيط اذا ممكن
كيف طريقه الاستعمال لكل منهم يعني قصدي بالنسبه البروتين كم سكوب في اليوم والاكستند ومع الاوقات المناسبه لكل منهم؟
وشاكرلك اخوي على مجهودك معاي

عفوا وسؤال اخير, هل ال اكستيند يغني عن الجلوتامين و الامينو ؟
واسف على الازعاج

ايزو100 او واي بروتين
سكوب بعد الفطور بساعتين مع حليب قليل الدسم + سكوب بعد التمرين مباشره مع ماء فقط

كازين
سكوب ونصف قبل النوم فقط وتقدر تخطله مع الحليب

اكستند
الاكستند نعم كافي تقريبا وماتحتاج امينو او جلوتامين
سكوبين الى ثلاث اخلطها مع ماء اثناء التمرين خذ منه رشفات او تقدر تتناوله قبل التمرين بفترة

ملتي فايتمن مثل اوبتي مان او آدم ..
حبه مع الفطور + بعد التمرين او قبل العشا

كارنتين حبوب
حبه على الريق ثم تفطر بعدها بربع ساعه + حبه قبل التمرين بفترة + حبه بعد التمرين بسويعات



موفق باذن الله

يعطيك الف عافيه اخوي على الافاده
وشاكرلك وماتقصر