رد: نصيحتكم في كورس تضخيم
اقتباس:
المشاركة الأصلية كتبت بواسطة Dr.H.A.E
معلومات المتقدم بالاستفسار :
العمر : 23 , الجنس : ذكر
الطول :180 متر
الوزن : 82 كيلوجرام
نسبة الدهون : 18
و الاستفسار كالتالي :
السلام عليكم ورحمة الله وبركاته ,,
وعليكم السلام ورحمة الله وبركاته
من اول احوس في المنتديات ادور منتدى كمال اجسام ,, ولا حصلت شي ,
حتى اني قررت اسجل في منتدى غربي , عشان استفيد من الخبرات ,,
لكن بعد ماشفت المنتدى هذا ,, اعجبني الطرح الي فيه والمشاركه وحب المساعده
حياك الله
المهم يا اخواني الاعزاء ,,
انا حاب ادخل كورس تضخيم ,, وبعدها ادخل كورس تنشيف ,,
لكن بركز الحين على التضخيم ,,
ابغى استفسر عن التضخيم بكم سؤال لو سمحتوا لي ,,
كم جلسه وكم تكرار للتضخيم , بالنسبه للعضله الصغير والكبيره ؟
فترة الضخامه بشكل عام
لابد تشيل اوزان محترمه لاغلب التمارين ...اما بالنسبه للتكرار ماله حد معين وثابت
لكن كاقتراح من 6-10عدات لكل جلسه
كمثال
10-10-8-8
العضلات الصغيره كالباي والتراي مرنهم ثلاث تمارين بالكثير
انا امرن كل عضله لحالها والباي والتراي في يوم , ويوم راحه ويوم ربع ساعه مسبح وبعدها جاكوزي , ينفع الجدول هذا للتضخيم ؟
ارتاح يومين في جدول الضخامه
والسباحه لاتمارسها بشكل دوري يوميا لانه مجهود قوي بالتالي استهلاك سعرات عاليه وبطبيعة الحال
فترة الضخامه جسمك يحتاج هذي السعرات العاليه لاجل بناء الكتله العضليه..
اسبح يومين في الاسبوع كافي
اما الجاكوزي
لاتطول فيه اكثر من دقيقتين لان له تأثير على الخصوبه وللاسف بعض الاشخاص يقعد قرابة
النصف ساعه ...
كم مدة التضخيم المناسبه للجسم الفرنسي , مع العلم ان نسبة العضل عندي 46.8% ( جهاز وقت اللياقه ) لكن انا ما اثق بالجهاز , ؟
لاتوجد مده محدده هذا يعتمد على جينات الشخص والتزامه
انا ابي ارتب لي كورس تضخيم محترم , يشمل كل شي , بس بشرط لا يحتوي على هرمونات و دهن خنزير و اشياء مضره في الصحه , ابي كورس نظيف ,, ولا يتعدى سعره 800 ريال سعودي , ياليت واحد يساعدني فيه ؟
ومن وين اقدر اجيب لي الكورس ,, ويكون مضمون ؟
جزاكم الله خير وماقصرتوا
ايزو100 + ملتي فايتمن + اذا لك فترة جيده تتمرن فأدخل كرياتين كونكرد او مونهدرات + كازين لقبل النوم + اوميغا3
وطبعا مافيها هرمون ..الهرمونات مستحيل تنوصف عبثاً
بالتوفيق
رد: نصيحتكم في كورس تضخيم
اقتباس:
المشاركة الأصلية كتبت بواسطة THE CAST
ايزو100 + ملتي فايتمن + اذا لك فترة جيده تتمرن فأدخل كرياتين كونكرد او مونهدرات + كازين لقبل النوم + اوميغا3
وطبعا مافيها هرمون ..الهرمونات مستحيل تنوصف عبثاً
بالتوفيق
جزاك الله عني الف خير ,,
بس حبيت اسال وانا اخوك ,, ما اخذ معها محفز لتست ؟ ولا ماله داعي ,,
اما بالنسبه لل اوميقا 3 ,, قصدك لزيت السمك ؟ ولا فيه منتج اسمها اوميقا 3 ؟
بالنسبه لكرياتين كنمورد و منوهدرايت ممكن تتفضل علي اذا ماعليك امر ,, وتعطيني فوايدها باختصار ..,
ومشكور وماقصرت
رد: نصيحتكم في كورس تضخيم
خارج على عجاله
ان شاء الله لي عوده بعد ثلاث ساعات تقريبا ...
رد: نصيحتكم في كورس تضخيم
تقدر تاخذ انيمال ام ستاك يفيدك ..
الاوميغا قل للصيدلي يعطيك حبوب(بيومارين) وهي حبوب مركزه لزيت السمك اجرينا عليها اختبار واثبتت فاعليتها
وتركيزها ممتاز..
بالنسبه للكرياتين
الكرياتين تم طرح كذا موضوع عنه بالقسم ومن فوائده زيادة الحجم العضلي(في ظل التغذيه الجيده) والتقليل من آلام المفاصل
وزيادة القدره والتحمل ....................... وغيرها
وطبعا مونهدرات هو اقدم صيغه والتي أُجريت عليها التحاليل والاختبارات ..مثل كرياتين اوبتمم
اما الكونكرد فهو صيغه حديثه للكرياتين وهي " كري ال كلاين " ظهرت عام 2007 وضاع صيتها بين اوساط المستعملين حتى ظهرت بهذا الشكل الان
وسواءا اخذت أياً منهم فممتاز
رد: نصيحتكم في كورس تضخيم
مشكور اخوي ,,
وجزاك الله خير ,,
لكن اخوي ماذكرت لي وشو الكازين ؟
وين تتركز فايتده ؟
لاني بحثت في قوقل ولا حلصت المطلوب ,, ولو تقدر تكتب لي اسمه بالإنجليزي ,, عشان اشوف سعره في البدي بلدينق
رد: نصيحتكم في كورس تضخيم
العفو
الكازين بروتين بطيء الامتصاص يفيدك في اوقات الانقطاع الطويل عن الاكل(كالنوم) , ويتم امتصاصه على مدار 5-8 ساعات ...
http://www.bodybuilding.com/store/opt/cas.html
رد: نصيحتكم في كورس تضخيم
جزاك الله الف خير ,, وبيض الله وجهك ,,
حاولت اشكرك عن طريق المنتدى لك ماعرفت ,,
لانك تستاهل الشكر والله ,,
رد: نصيحتكم في كورس تضخيم
ووجهك
تسلم ودعواتك بظهر الغيب تكفي
