يعطيك العافيه كابتن
بعض المدربين تتدرب علي ايديهم شهور طويلة
ومايدربك لعضلة الصدر الداخليه
على طول صدر عالي مستوي مايل بار واسع بعدين
روح دانبل عالي او مستوي فراشه مع السلامه نفس التمارين يبدل فيهم
هذا اللي انا اشوفه مع المدربين بالنوادي اللي تمرنت فيها
بصراحه كل الوحوش اللي اعرفهم لما اسألهم يقولون ندفع للمدرب غير الفلوس اللي بالنادي
عشان يهتم فينا , والبعض يقول نشتري منه مكملات وكورسات قروث وغيره
وملزوم يدربنا صح لأنا لو ماتغير شي مانشتري منه مره ثانيه
انا ليش سألت هالسؤال
لأني استغرب ليش المدرب يهتم في هالنوعيه من الناس بس
ويهمل البقيه
بالاخير طلع مكسب تجاري مع انه لو يدربهم صح من البدايه
مايحتاجون الكمية الهائله من المكملات اللي يشترونها منه
المدرب بشر بالنهاية
مايقدر يدرب هذا ولا هذا والراتب قليل وساعات العمل كثيره
ولذالك ما يهتم الا باللي يستفيد منه اما البقيه
مايدري عنه يقوله شنو تمرينك اليوم يقوله صدر
على طول روح بار عالي بعدين مستوي
من غير تفكير حتى لو صارله شهر نفس التمارين
واحيانا على حسب النفسيه
مزاجه عال يدرب صح مزاجه تعبان تدريبه اي كلام
بصراحه انا ادفع فلوس للنادي عشان الاجهزه بس
حتى المدرب ما اسأل عنه
اللهم سلام بس من بعيد لي بعيد
لأني غاسل ايدي منهم
:)
انا نسيت نفسي وطولت بالكلام
خلاصة الكلام سنه واحده كافي انها تبرز جميع عضلاتك بدون استثناء
اذا كنت ماشي صح بالتدريب والنظام الغذائي
فقط يختلف شكل العضله من شخص لي شخص
اول شهرين بدون اي مكملات
ثم تبدأ ست شهور ضخامه عضل صافي
التدريب تعطي كل عضله حقها
المدرب ما يدري عن عضلاتك لأنه مو جسمه جسمك انت يعني ما يهتم لو ظلم بعض عضلاتك
ولذالك اتعب انت اعرف كل عضلة في جسمك وتمريناتها
وشوف كل عضله جم تحتاج تمرين باليوم او بالاسبوع وهكذا
ثم اربع شهور تنشيف على الراحه ويمكن ما يحتاج الامر لأربع شهور :)
وفي الاخير اضمن لك جسم متناسق الامر جداً سهل
لكن تنفيذه صعب واصعب مافيه النظام الغذائي
انت تقدر تتمرن شنو المشكله
لكن المشكله بالاكل صعب تمشي بنظام غذائي صحي لمدة سنه كامله بدون اي خربطه
لابد تشتهي بالاسبوع نوع اكل غير مفيد مره او مرتين
واحيانا تستنر شهرين صح
بعدين ترجع تخربها شهرين :)
الكلام هذا للشخص النحيف او اللي جسمه متوسط قليل الدهون
السمين شيء اخر
يعطيك العافيه كابتن
واسف على الاطاله
