ابغي ازيد وزني ياجماااعة الخير

معلومات المتقدم بالاستفسار :
العمر : 16 , الجنس : ذكر

الطول :168 متر
الوزن : 59 كيلوجرام



و الاستفسار كالتالي :
السلام عليكم ورحمة الله ..... بصراحة دشيت وااايد منتديات اشوف وادور حقي حل ...بس ما لقيت احسن من هل منتدى الأكثر من رائع والخبرات المتعددة والتفاعل السريع ......

حبيت اخبركم ... انا عمري 16 توني داخل 16 ..وزني 59 ... طولي 168 ... واعشق رياضة كمال الاجسام ... قرأت وايد مواضيع وعندي خبرة بسيطة ... انا كنت العب ضخامة ب صالة كمال الاجسام لمدة ثلاث شهور بدون انقطاع يعني ثلاث ايام ويوم راحة ..... ___ بأوزان متوسطة وكنت ما استعمل اي مكملات ... بس اكل وانام واتمرن .... طبعا الاكل ممتاز يعني بياض البيض وسمك وصدر دجاج يعني جدول حلو طلعته من هل منتدى من بوو راشد الله يخليه ... المهم ... وبعد هل ثلاث شهور صرت العب تقاسيم ... والحين قطعت من شهر ... وجسمي حاليا مقطع وتقاسيم عضلات البطن السته طالعة جدا ومع الأجنحة والخصر يعني جسمي مقسم ... وانا ناوي اضخم جسمي مرة ثانيه بس اريد استخدم مكملات غذائية فقط عشان اوفر لجسمي اللي يحتاجه لأني ما عندي وقت اوفر الوجبات الخمسة في اليوم ... يعني مثل ما تعرفون ما عندي وقت ولازم شغلة روح اطبخ على ما اعرف شووو خخخخخخخخخخخ... المهم .. افكر اخذ بروتين بودرة المعروف طبعا ... اللي يحتوي على كيبوهدرات وبروتين .. تاخذة قبل وبعد التمرين يعطيك عضلات ضخمة ومع العلم ما اعندي اي مشكال في الكله او في الجسم ...... ... وطبعا ما افكر اخذ منشطات حتى لو كان عمري مناسب ... لانها مضررة جدا بالصحة.. وانا ناوي اخذ البروتين و ما افكر ف الامينو ... كل اللي ابا اخذه بروتين ضخامة ... عشان يوفر علي الاكل ويمكن ما اقدر اوفر الاكل يعني انا لو اخذ هل بروتين كم وجبة اكل في اليوم... وهل اكل بياض البيض وسمك وحليب .. ولا اي اكل عادي ... وهل البروتين اللي باخذه يضرني ... مع العلم اني باخذه بأنتضام وبجرعات مناسبة .. ولاكن كيف استعملة يعني اخذه اسبوعين واقطع اسبوع عشان اريح الكلى ولا عادي ... مع العلم جدولي الضخامة ثلاث ايام ويوم راحة ... بس انا ما اتمرن رجل لانه المرب قالي بتقصر ... وانا العب العقلة قبل التمرين ... المهم انتظر ردكم ... وان شاء الله استفيد منكم اخواااني ... والسلام عليكم ورحمة الله

7 مشاهدات .. ولا رد وينكم يا أهل الخبرة :33:

وعليكم السلام ورحمة الله

ممتاز ان جسمك استجاب خلال هالثلاث شهور بشكل سريع
وكمل على برنامج التضخيم الي كنت ماشي عليه وما انصحك بالمكمل حاليا وان حبيت تاخذ خذ بروكمبلكس قينر قبل التمرين نصف سكوب وبعد التمرين سكوب كامل وبعد رمضان تاخذه الصباح مره وبعد التمرين مره فقط
لكننننن تاكد ان الاكل الصحي بعمرك انسبببله
وبالنسبة لتمارين الارجل مرنهم اخي مايصير تمرن شي وتترك شي ولعلمك من اهم التمارين تمارين الارجل حتى لها تاثير على بناء العضل بسائر الجسم
واستمر على تغذيتك واستمر على الحلييب والاسماك واللحوم عامة والفواكه والخضار والمكسرات

والله يوفقك اخي واي استفسار اخر اكتبه كا سؤال اوضح ويعطيك العافية

تسلم تسلم يالغالي على الرد .. والتفاعل ...
بس بخبرك .. المكمل اللي قلته لي بشتريه .. وانتا تقصد نصف سكوب يعني نص هل علبة اللي نحط فيها البروتين ... و اذا نصف كم ملعقة اخذ وطبعا اخلطها مع عصير الفواكه صح ؟؟؟ و يوم باخذه الصباح لازم اصبر ساعتين ثم اكل وجبة الفطور صح ؟؟ و هل في اضرار اذا مشيت على كلامك ؟؟؟ و عادي لو اخذته لمدة سنة ولا ست شهور ويوم اخذه .. اخذه لمدة اسبوعين واترك اسبوع عشان الكليه ترتاح ولا عادي ... وانا باخذه ثلاث ايام واترك يوم اللي هو يوم الراحة ما فيه تمرين صحيح ؟ ويوم اخذه عادي يعني اكل خمس وجبات في اليوم .. يعني بياض البيض اكل من 5 إلى 4 بيضات بعد التمرين .. اظن انه بيكون عندي زيادة في البروتين ولا كيف ... واسمحني اذا كثرت عليك من الأسئلة ياخوووي وتسلم

انتضر ردك احر من الجمر ... وانتظر ردودكم بعد ...
وإنشاء الله نستفيد وانا كاتب اسئلى في مشاركتي الثانيه للموووووضووع ... واتمنى من اهل الخبره يجااوب وتسلموون

عن إذن بردان وتخفيف الحمل عليه ،،

نص سكوب ،، السكوب هو الملعقة التي يوضع بها البروتين ،،
ولا تترك البروتين وقت الراحة بل تستخدمه الصباح وفي وقت اخر خلال اليوم اتوقع قبل وجبة الغذاء بساعة او خله كبديل لوجبة صغيرة ،،

اذا أخذت البروتين هذا انا افضل انك تاخذه الفطور بساعة ونص مع حليب هذا وقت الصباح ،،

والافضل انك كل شهر الي شهرين توقف اسبوع الي اسبوعين ،،

وايه تاكل 5 وجبات بس تحسب البروتين اللي في الصبح كوجبة ،، وتاخذ بعد التمرين وبعد البروتين بنص ساعة الي ساعه تاكل وجبة كبيرة من البروتين والكارب والدهون

والافضل انك تستمر على التغذية السليمة فقط في وقتك الحالي ،،

اخوي ال سكوب عرفته ... يعني قبل التمرين نصف ملعقة ... انزين كمية الحليب ؟؟؟ وبعد التمرين قالي الكابتن بردان .. ملعقة كاملة انزين كمية الحليب ؟؟؟
وانا اعرف الحين اي بروتين استخدم ... بس كم المدة اللي استخدم فيها البروتين لين ما اوصل للضخامة المطلوبة ؟؟؟ و باقي كلامك ما فهمت منه شي ابدا والسموووحة

هههههه اجل أقراء وأقراء ثم أقراء ،،

الحليب خله 200 ملي قليل الدسم قبل التمرين

بعد التمرين ماء اتوق من 300 الي 350 ملي لأني بصراحة ما استخدمة هالبروتين من قبل

وان شاء الله علبة وحده تكفيك ،، لأنكـ اذا اشتغلت صح من اول علبة راح تحصل فرق ،،

ماقصر راشد جزاه الله خير ولاتنسسسسسسى اخي الكريم لازلت عند رايي خليييييييك على التغذية السليمة والله افيدلك واحسنللللك بوقتك الراهن لكن اذا كان الوضع حرج جدا يعني ماتقدر توفر 5 وجبات باليوم لو وجبات متوسطه فا هنا خذ البرو وانا عطيتك توزيع بسيط يعني راح تبقى محتااج للتغذية السليمة لانه المعروف الناس تاخذه 3 مرات باليوم ويمكن اربع لكن انت استمر على جرعتين فقط
والسكوب هو الملعقة تلقاه يجي معاه وتحط معاه حليب قليل الدسم 250 ملي الى 300 وتاخذه قبل التمرين بساعه ونص او ساعه هذا بالرمضان وبعد التمرين تاخذه مع ماااااااء 350 ملي ماء او على حسب الرغبة انت ذق الطعم اذا ثقيل زيد الماء شوي
ومافيه مده محدده البروتين مجررررررد مساعد لتكملة التغذيية يعني عوضا عن التغذية ولاتجعلله اساسي بحياتك متى ماحسيت انك تقدر تستغني عنه وتهتم بغذائك بالسليم افضلك
وكلام اخوي راشد واضح ومفهوم
قالك كل شهرين او كذا وقف استخدام اسبوع اسبوعين
وايضا تبقى تاكل وجباتك خمس كما هي والبيض كما هو افضل وبعد البروتين الي راح تاخذه بعد التمرين تاخذ وجبة بروتينيه كبيرة مثل علبة تونه او صدر دجاج او طبق سمك بالفرن وهكذا

وبالتوفيق اخي

ههههههههههههههههههههههههههههه حلوه هذي أقرأ ثم أقرأ وأقرأ هههههههه
تسلمون انتو الاثنين .. ههههههههه بس انا من الأمارات يمكن ما افهم على السعوديين وتعرف في فرق شوي بين الكلام خخخخخخخخخخخخ
المهم لا عن اني اقدر اوفر خمس وجبات اقدر عادي واقدر 6 بعد بس انا قلت يمكن البودرة سريعة الامتصاص وتعطي نتائج احلى واسرع وتسلمون اخواني ... ويعني لين متى اتم العب ضخامة وبعدين اقسم وانتا تقولي يا كابتن العب رجل زين ما بقصر ؟؟؟ ولو شليت اوزان ما بقصر فالقامة علما اني العب تمرين العقلة قبل التمرين ... وتسلمون وانتظر ردودكم الجميلة ...

ياهلا باهل الامارات وكلنا واحد :)

والبودرة مهي اسرع متصاص نفس الشي هي مستخلصه من الحليب والبيض وهناك بودرة امتصاصه سريع الواي بروتين وانا اقترحت البروكمبلكس قينر حتى يعطيك القدر الكافي من الغذاء من دهون + كارب + بروتين سريع وبطيء الامتصاص

ولين متى تلعب ضخامه لين انت تشوف جسمك وتقول بس كذا جسمي حلو :) مادري يعني لين متى فيه ناس تلعب 10 سنين فيه ناس تلعب سنه انت وبكيفك متى ماوصلت لهدفك
وسالفة وقف طول القامة فيه اختلاف بالاراء بين الخبراء , ناس تقول توقف الطول وناس تقول مالها علاقه فلذلك انا شخصيا ما اقدر افيدك بهالشي ماعندي شي متاكد منه ميه بالميه لكن فيه اقوال انه نعم يوقف الطول وفيه اقوال انه لا

وبالتوفيق

هههههه حلو ما نفهم لبعض ،، لا ما يسير تشي ،، <<< شرايك انفع

ما يحتاج قسم بس انت هدي أعصابك ،، الشلغة وما فيها ان اي تمرين يسبب ضغظ على فقرات العمود الفقري ممكن يسبب وقوف الطول لكن هذا الكلام لم اجد له تحليل علمي منطقي ،، والتحليل الوحيد هو ضغط الفقرات ،،

لكن الدراسات تقول ان الشخص الرياضي المراهق ممكن يواصل النمو لعمر الـ 21 او 20 اما الغير رياضي ممكن يوقف النمو الي 17 ،،

كل اللي عليك انك ما تلعب سكوات وليق بريس اذا كنت خايف انك تقصر وبعد ما تلعب اي تمرين ممكن انه يسبب ضغط على فقرات العمود الفقري تمسك العقلة وتمدد جسمكـ ،،
هذه الحركة عرفتها من صديق لي كان يلعب مرحلة المراهقة وكان عمره 15 سنه وسألته كيف وصل طولك ل 175 ،،

وانا عن نفسي اشوف انك تلعب سكوات بدون اوزان مع جمب او ببار فاضي

ممكن تغير تمرين الليق بريس الأفقي مع الجهاز العامودي وهو كانك جالس على كرسي عادي ودف لوح قدامك وليس فوقك ،،

والعب الطعن بدون وزن وركز على الرفرفة الامامي والرفرقة الخلفية للرجول ،،

يعني الخلاصة : الكابتن يقولك بتقصر او بيوقف النمو عشان خايف ان يصيرلك ضغط في العمود الفقري وذالك لان عظامك توها طرية على الحديد ،،

اتمنى اكون وضحتلك النقطة ،، واذا ناقص توضيح خبرني ،،

فهمت فهمت عليك يا اخوي ... لا كلامك واضح ماشاء الله بس انا كنت مخربط شوي وتسلم على التمارين بس ... اخوي بردان يعني اتوكل على الله واخذ البروتين ما في اضرار مع العلم اني اقدر اوفر 6 وجبات في اليوم بكل سهولة؟؟؟ وهذا اخر سؤال وانتظر ردك .. وتسلموووووووووون

وووين الردووود ...لأني جاد وابغي اشتري هل بروتين .........؟؟؟

توكل على الله

ان شاءالله مافيه الا الخير موفق اخي