بعد شهور من التنشيف .. محتاج خبرتكم بكورس ضخامه عضليه صافيه

معلومات المتقدم بالاستفسار :
العمر : 24 , الجنس : ذكر

الطول :168 متر
الوزن : 67 كيلوجرام

نسبة الدهون : 14

و الاستفسار كالتالي :
السلام عليكم ,
الحمدلله بعد حوالي 4 شهور تنشيف (من ضمنها انقطاع شهر للاصابه)
قدرت انزل وزني من 77 لـ 67 .. والدهون من 20 لـ 14 وقريبا 13% ان شاءالله ,
ومحيط الخصر كان 39 وصار 31 .. والبطن من 34 لـ 28,5

طبعا الفضل لله ثم لهالمنتدى واعضاءه .. وللمعلوميه انا مشيت على برنامج الكابتن Leaner

المهم .. حاب ادخل كورس ضخامه عضليه صافيه بعد رمضان .. لمده 6 اشهر .. ومحتاج اعرف المكملات اللي احتاجها ؟
خصوصا اني ابي اشتريها قبل لا ارجع السعوديه .. هنا ارخص علي (انا باستراليا واطلبها من النت )

هل الواي بروتين هو الأنسب للضخامه الصافيه ؟ والا بروكمبلكس العادي ؟
وهل احتاج لمنتج بور مثل الاكسبلودد او النانو ؟ او الافضل العب طبيعي خصوصا انه اول كورس تضخيم بالنسبه لي
عندي جلوتامين هل اكمل عليه او اخذ bcaa ؟
الامينو احتاجها ؟ ووش أفضل نوع .. مع العلم ان عندي امينو 2222 ؟
وهل احتاج لمحفز ؟ ووش هو ؟؟
برضو وش افضل نوع ملتي فيتامين ؟؟

وبالنسبه للتكرارات والاوزان
كيف تكون كم تكرار ؟ وابدأ بالوزن الثقيل في الجوله الأولى والا في النهايه ؟
مثلا : هل أبدا بـ 12 عده بأعلى وزن وبعدين اخفف اذا وصلت لـ اخر 6 عدات .. والا العكس ؟

التغذيه ان شاءالله عارفها .. بس حاب اتأكد من الكابتن توتو جده لأني اذكر اني قرأت هالمعلومه في احد ردوده بس شاك بذاكرتي :(
هل مسموح لي بهالكورس .. اني اكل حلا او تشوكلت بعد التمرين مباشررره ؟ ومتى افضل وقت ؟؟
مع العلم اني مستعد اخذ وقت اطول في التضخيم .. لكن المهم عندي يكون الفات موزون لأن ماودي البطن ترجع تسمن بزياده

معليش يااخوان اسألتي كثيره , والسبب ان برنامجي مطول + محتاج اشتري المكملات دفعه وحده ولمده طويله

شاكرلكم مقدما ,,

وعليكم السلام ورحمة الله

ماشاءالله ممتاز وفقك الله

بالنسبة لكورس ضخامه من رايي
واي بروتين - كازين - اوبتي مين - كرياتين ( ودامك برا السعودية ابحث عن هالكرياتين con-cret ) او خليك على المونوهيدرات الصافي - اكستند + بعد شهر ابدا بانمال استاك

وبالنسبة للتكرارات تكون من 6 - 12 كل ماقل الوزن زادت العدات وخلي جلساتك تبدا بوزن خفيف بـ 12 تكرار بحيث ان اخر العدات تكون تحس بثقل وثقل الوزن تدريجيا وقلل عدد التكرارات
وبعد التمرين مباشرة ينفع انك تاكل حلا حتى تحفز الانسولين بس بمثل وزنك توه متخلص من الدهون خذ طبيعي افضل من التشوكلت خذ بعد التمرين مباشرة موزه او موزتين او عقد عنب

وبالنسبة لبرنامج التضخيم اذا تبي تكون الزيادة مدروسه اضبط جدولك الغذائي خليه قليل الدهون والكارب بوجبات مابعد التمرين وقبل التمرين اهتم بالكارب المعقد

وبالتوفيق يارب

ماشاء الله عليك نتائج مثالية

,,

الحلا او السكريات ,, تقدر تاكلها مباااشرة بعد التمرين , يعني قبل ما تخرج من الجيم ,, خدلك اسنيكرز او دونات او عسل او تفاح او موز اللي يناسبك بكمية معقولة جدا لان جسمك في مرحلة الهدم ,, والسكريات تمنع الهدم
وكمان تحتاج للانسولين يكون متدفق بالدم قبل تناول لكلا من , البروتين و الكرياتين


وموفق يابطل

الله يجزاهم خير كلهم ما قصروا.. بالنسبة للطاقة
أنت جرب أول شهر وشوف نفسك.. فيه ناس ماشاء الله عليهم ما يحتاج باور ولا شي.. وفيه ناس خلال التمارين يتعب شوي وأنا منهم.. وانا الحقيقه الحمدالله جربت الباور وهو فعلا خطيير يزيد من طاقتك بشكل خيالي.. لكن ما حبيت اعتمد عليه وغير ذلك كثير الي جربه يقول أول اسبوعين تشوف نتايجه وبعدها يتعود الجسم عليه.. أنا الآن ولله الحمد جربت شي أفضل من هذا الي هو سكر الجلوكوز.. آخذ ملعقتين صغيرة شاي.. قبل التمرين مباشرة.. ولله الحمدالله عطاني تحمل كبييير..
فأنت انصحك بعد ذا الشهر تجرب الي قلت لك عليه بس خذ ملعقة وحدة فقط..

والأمينو 2222 من أفضل الأنواع إذا كان ملاحظ إنه افادك استمر عليه.. أو فيه أنواع ثانية مثل 4800 مثل السائل الفيول اللكويد هذا قوي مجربه أنا ومثل الأمينو تك

بالنسبة للواي من وجهة نظري يختلف من شخص لشخص فيه ناس قالو إن البرو كومبلكس زاد وزني بشكل حلو والواي لا.. وفيه ناس العكس... في الأخير هو مجرد مكمل الي راح يأثر عليه بتغذيتك..
وللمعلوميه فقط بالنسبة لسؤالك هل أبدأ بوزن خفيف وبعدها أثقل أو العكس.. العكس هي طريقة صحيحة بس هذي بعدين تسويها من وجهة نظري إذا بديت تشيل أوزان ثقيلة.. يعني كنوع من التغيير في الأسلوب لضمان نمو العضلة..

والله يوفقك..
لوودي

ما شاء الله نتايجك ممتازة
والشباب ماقصروا
موفق

كابتن عمر ,


عندي كم سؤال ماعليك امر ,
المونوهيدرات الصافي وش هو وش وظيفته ؟ ووش الفرق بينه وبين con-cret الكرياتين .. مع العلم باني لقيت con-cret بس بانواع كثيره مختلفه
هذي الصفحه http://www.bodybuilding.com/store/cr...nohydrate.html وش تنصحني ايهم ؟ وكم يكفيني ؟
والاكستند هل ابدا اخذه من البدايه والا المفروض اول فتره اجرب البور الطبيعي ؟


والله يعطيك الف عافيه ياكابتن
ماقصرت والله ,


\


كابتن تركي :


تسلم حبيبي .. بس لزياده التأكيد هل اخذ السكريات بعد الحديد مباشره
والا بعد ماانهي الكارديو ؟ وهل مسموح لي بعد الجيم ب10-15 دقيقه
والا الأفضل تكون مبااااااااشره ؟


ومشكووور جدا ماقصرت والله ,


\


كابتن لودي :


انا هذا اللي فكرت فيه ابدأ بور طبيعي واشوف قدره تحملي , وبعدها بفتره اذا حسيت اني احتجت
ممكن استعين بالاكستندد .. بجرب طريقتك مع الجلوكوز
والامينو 2222 كويس معاي .. اذا خلص بجرب 4800 او BCAA
والواي الحمدلله اشوفه معقول ماشي معاي .. وهالمره باخذلي قولد ستاندرد ان شاءالله


الله يجزاك بالخير حبيبي
افدتني كثير ,


\


كابتن سلام :


تسلم حبيبي وياك يارب

اقتباس:

---

كابتن عمر ,


عندي كم سؤال ماعليك امر ,
المونوهيدرات الصافي وش هو وش وظيفته ؟ ووش الفرق بينه وبين con-cret الكرياتين .. مع العلم باني لقيت con-cret بس بانواع كثيره مختلفه
هذي الصفحه http://www.bodybuilding.com/store/cr...nohydrate.html وش تنصحني ايهم ؟ وكم يكفيني ؟
والاكستند هل ابدا اخذه من البدايه والا المفروض اول فتره اجرب البور الطبيعي ؟


والله يعطيك الف عافيه ياكابتن
ماقصرت والله ,


\

---

هلا وسهلا
الكرياتينات تزيد من قوة التحمل وتعطيك طاقة
والكون كريت خذ البودرة الي مكتوب قرام مهو كابسول افضل ويكفيك على حسب الصغيرة تكفيك 20 يوم تقريبا والي اكبر 38 يوم والي اكبر 58 يوم انت شف حاجتك وخذه

بالنسبة للاكستند مهو مكمل بور الاكستند ريكوفري للستشفاء العضلي وللانتعاش داخل التمرين
عبارة عن عدة احماض امينية

بالتوفيق اخي

اهاا واضح جدااا

ماقصرت اخوي عمر تعبتك معي .. الله يجزاااك بالخييرر ويشفيك من اصابتك بأسرع وقت ..

شكرااا

بعد ما تنتهي من تمرينك حديد وكارديو

اقتباس:

---

المشاركة الأصلية كتبت بواسطة مملوح بالسكر

اهاا واضح جدااا

ماقصرت اخوي عمر تعبتك معي .. الله يجزاااك بالخييرر ويشفيك من اصابتك بأسرع وقت ..

شكرااا

---

اللهم امين الله يجزاك خير


ماسوينا الا الواجب

ماقصروا الشباب...
بس اعجبت بالتزامك بالتنشيف لـ اكثر من 3 شهور << بطل يامملوح

كابتن تركي


شكرا عالتوضييييح ..




بريداوي :


حبيب البي والله .. على قولتهم " اللي عاوز الدح مايقولش اح " :p