المبتدي وبدايته في كمال الاجسام

معلومات المتقدم بالاستفسار :
العمر : 20 , الجنس : ذكر

الطول :167 متر
الوزن : 65 كيلوجرام



و الاستفسار كالتالي :
السلام عليكم ورحمة الله وبركاته


مبتدي قرر انه يدخل رياضة كمالة الاجسام

ولكن النادي اللي بيشارك فيه مافيه مدرب

وماهو عارف كيف يتمرن ؟؟ يسمع الناس يتكلمون عن جدول تمارين وجدول غذائي

وهو محتار وماهو عارف كيف يتمرن وكيف يسوي له جدول غذائي

شخص ثقافته في كمال الاجاسام قليلة ، كل اللي يعرفه ان هذه الرياضة تحتاج لبروتين اكثر

يشوف الناس ترفع حديد وتتمرن وهو مايدري يسوي زيهم ؟؟ بس يخاف يضر نفسه ؟؟لان ممكن طريقته خطأ لان كل شخص له تمرينه وله جسم مختلف

ماهو عارف حتى السير كيف يستخدمه :):):):):):bigeyes:

دخل المنتديات لقى المواضيع مشتتة وماهي واضحة او ماهي مبسطة للمبتدي

المبتدي مايعرف مصطلحات هذه الرياضة وناقصه الفهم والتطبيق الصحيح

وش رايكم ؟ ماهو الحل ؟؟؟

وعليكم السلام ورحمة الله وبركاته
هههههههههه اهنيييك صراحه ع الاكشن الي سويتها بالبداية حسسيتك باخر شي تبي تكتب الخط الاحمر إننننه اناااااا ههههه وفيه صدا شوي < لاتزعل دعابه

بالنسبة لموضوعك لاتخاف جميعنا مرينا بهالمرحلة
بالنسبة للجدول التمارين لو كان فيه مدرب بالصالة امشي معاه افضلك حتى يوريك الطريقة السليمة لكل تمررين وكيفية التمارين
وبالنسبة للجداول الغذائية الامر بسيط بإذن الله انت بس لو تركز ع الاكل الصحييييي بعيدا عن الوجبات السريعه - المشروبات الغازية - المقليات بعيدا عن الدهون افضل وغيره مما هو معروف فيه انه مضر للصحة
وتنظم جدولك على عرفك بمقدرتك على توفير نوع الطعام بحيث تكون 5 - 6 وجبات باليوم
عالية الكارب + عالية البروتين + قليلة الدهون

وجبتي الافطار وقبل التمرين اهم شي تكون غنية بالكارب مثل البطاطا المسلوقة - حليب بالشوفان - ماكرونا وغيره من الماكولات يعني + طبعا وجبت الصباح لابد تضيف لها نسبة طيبة من البروتين مثل اللحوم والبيض وغيره واهتم بهالفترة بالبيض فهو الانسب بهالوقت كل 4 الى 6 بيضات البياض فقط ولامانع من صفارين

وياليتك تاخذلك لفه على قسم المواضيع المميزة
عندك هالمواضيع
مصطلحات كمال الاجسام : http://www.montada.com/showthread.php?t=664146
جدول غذائي : http://www.montada.com/showthread.php?t=686348
جدول تمرين http://www.montada.com/showthread.php?t=668073&page=1
اسامي التمارين http://www.montada.com/showthread.php?t=653235



واتمنالك التووفيق اخي وكل شي مو واضح لك اسال وان شاءالله نفيدك

صباح الخير اخوي ( بردان 1)

الله يعطيك الصحه والعافية ويكثر من امثالك

كلامك وااااضح واستفدت منه الكثير

واخذت لفة على المواضيع اللي انت حاطها وقريت بتركيز

والله ونا اخوك احس اني شخص ماراح امشي صح في هالرياضة

مع اني متحمس لها لأنها (صحة - تسلية - مظهر ) ولكن تحتاج لشخص منتظم 100%

اخوي الحقيقة احب اني ادخل هذه الرياضة ببساطه بدون تعقيد وبرنامج تدريبي معين

يعني هل اقدر اتمرن في الاجهزة اللي تخص عضلات اليدين والرجلين والاكتاف والبطن في يوم واحد ؟؟

واخذ بعدها يومين راحه وزي كذا امشي على هذا البرنامج ، وطبعاً مع الالتزام بنظام غذائي ممتاز

واعذرني ثقلت عليكم بالاسئلة ولكن يعلم الله اني متحمس وتخيل لي سنتين افكر ادخل رياضة رفع الاثقل

ولكن يوم اتذكر انه يبغالها برنامج تدريبي وغذائي معين احس بالإحباط واقول لاحقين بعدين ههههههههه

ولكن هذه المرة قررت بعد رمضان ان شاء الله اببدا بداية حقيقية والله يوفقنا ويوفق جميع المسلمين

وشكراً مرة ثانية اخوي (بردان 1)

اهلا وسهلا

طبعا اذا كنتت تبي تتسلى بس يعني تقدر تجي ترفع ويمكن تشوف بروز خفيف جدا
لكن ماراااااااح تشوف الجسم الي تتمناه
العضلة تحتاج الى وقت للاستشفاء ومايصلح تمرن عضلة وتترك عضلة
انت لاتعقد الامر براسك
انت بس تدخل النادي اليوم الاول عندك صدر
الثاني ظهر
الثالث اكتاف
الرابع يدين
الخامس رجلين

وخلاص قضا الجدول من اول اسبوع تحفظهن وكل يوم تسال المدرب عن تمارين الصدر مثلا وهو يعلمك وينهن وتمشي بهالشكل راح تلقى مضهر يعجبك بإذن الله مع الانتظام الغذائي + راح تلقى المتعه وغيره من الحماس اما بهالطريقة الي انت ذكرته صدقني اي شي مايبدا بانتظام راح تمله بسرعه

خليك من البداية منتظم وجاااد باللعبة واللعبة لعبة صبر بس اصبر على نفسك ومع الوقت تلقى نفسك فاهم كل شي فيها

وبالتوفيق لك يارب

الكابتن بردان فادك

ويرجى كتابة عنوان يدل على نوع الاستفسار عند استفسارك لاحقاً