أستفسار بخصوص طريقة أستخدام المكملات لمبتدأ و حقيقة الـ أمينو 2222

معلومات المتقدم بالاستفسار :
العمر : 19 , الجنس : ذكر

الطول :172 متر
الوزن : 65 كيلوجرام

نسبة الدهون : ...

و الاستفسار كالتالي :
السلام عليكم ..
شباب أنا شريت مكملات غذائية و إن شاء الله بس يخلص رمضان راح أبده أخذهم !

مكملاتي ..
ISO-100 ( واي بروتين ) ..
Amino 2222 caps ( عندي سؤال مهم عنه ) ..
Glutamine-SR ..
Opti Men ..

طبعاً كل منتج مكتوب طريقة أستعماله على اللعبة ..

البروتين ( أستخدمه بطريقتي و حسب أكلي كل يوم ) ..
الـ Amino مكتوب حبتين بعد كل وجبة و حبتين قبل و بعد التمرين ..
هذي الجرعات لـ مبتدأ ؟ لأنه سمعت يفرق من شخص متقدم و مبتدأ
وبصراحة أشوف كل شخص يستخدم بطريقة و جرعات مختلفه ..
الجلوتامين .. سكوبين باليوم .. لكن متى ؟ وعلى معده فاضيه ولا مليانه
Opti Men بعد كل وجبة حبه ( يعني ثلاث حبات باليوم ) ..

قريت مواضيع " طريقة أخذ المكملات " لكن من شخص لـ شخص يفرق ..
فأتمنى تعطوني جدول كيف أخذ مكملاتي المذكوره ..

+

السؤال الأهم .. هل بالفعل Amino 2222 Caps يحتوى على مشتقات خنزير ؟
أنا سمعت أنه الدفعه الجديده لا تحتوي على مشتقات خنزير ! كيف أعرف دفعتي
القديمه ولا الجديده .. والعلبة مفتوحه يعني صعب أرجعها لصاحبها :(

بعد ما تأكدت من اللعبة .. لقيت كلمة الـ Gelatin موجود للأسف :)
هذا يعني فيه مشتاق خنزير ؟ وشنو بديل الـ أمينو 2222 !! وبصراحة موضوع مشتقات
الخنزير مشكله كبيره .. أغلب من 80% من الشباب ياخذون مكملات بها مشتقات خنزير !

وعليكم السلام



بالنسبه للامينو الغيه ...
وموضوع بقية المكملات فالحمد لله دايم قبل الطلب نسال عن المنتج ان كان مشكوك في امره
لكن فعلا توجد منتجات كثيره فيها جلاتين من الخنازير

بخصوص الاستعمال كاقتراح
الايزو100
سكوب بعد الفطور بساعتين مع حليب قليل الدسم + بعد التمرين مع ماء فقط + قبل النوم مع الحليب ولكن يفضل كازين او جبنة قريش

الجلوتامين
بعد التمرين + قبل النوم


الملتي
حبتين كافيه مع التغذيه الجيده
حبه مع الفطور + بعد التمرين

الله يعطيك العافيه يا وحش ..
عندي آخر سؤالين و أكون شاكر لك .. !

أفرض باخذ الأمينو ( طبعاً بشتري الـ Taps و بقط الـ Caps ) شنو طريقة الإستعمال ؟
+
أفضل طريقة لـ تخزين المكملات .. أنا حاطهم بـ غرفتي ( تكييف عادي ) .. أو أضعهم بالثلاجه !!

شكراً لك :)

+

ريحة الأمينو جداً جداً كريهه .. كأنه وأنتم بكرامه حيوان ميت داخل اللعبه ريحه كريهه و قويه !
هل هذا طبيعي ؟ الأمينو هذي ريحته ؟ أنا عندي الريحه قويه مثل العفن أو الحيوان الميت داخل اللعبه ..
وحتى بعد ما صكرت العلبه أحس في ريحه منتشره بالمكان ! طبيعي ؟ سامحوني على الأسئلة الغريبه
لكن مبتدأ و حابب أطمن قلبي قبل ما أبدأ بالمكملات و شكراً :)


على فكرة الأمينو هو 2222 Caps أنا ما راح أخذه بس مستغرب من ريحته ..
راح أشتري Taps لكن هل كلهم رائحتهم نفس الطريقه ؟

اقتباس:

---

المشاركة الأصلية كتبت بواسطة Mr CoOol

على فكرة الأمينو هو 2222 Caps أنا ما راح أخذه بس مستغرب من ريحته ..
راح أشتري Taps لكن هل كلهم رائحتهم نفس الطريقه ؟

---

هلا بك أخوي لا أنا استعمل امينو 2222تابلت ريحته عادية :) وكل عام وانت بخير مقدما

اقتباس:

---

المشاركة الأصلية كتبت بواسطة Mr CoOol

الله يعطيك العافيه يا وحش ..
عندي آخر سؤالين و أكون شاكر لك .. !

أفرض باخذ الأمينو ( طبعاً بشتري الـ Taps و بقط الـ Caps ) شنو طريقة الإستعمال ؟
+
أفضل طريقة لـ تخزين المكملات .. أنا حاطهم بـ غرفتي ( تكييف عادي ) .. أو أضعهم بالثلاجه !!

شكراً لك :)

---

الله يعافيك

يليت لو لقيت BCAA تاخذه افضل ... ولو ماوجدته فال2222 تابلت جيد
تقدر تاخذ منه 8-10 حبات يوميا
2 مع الفطور + 2 قبل التمرين بفترة + 2 بعده مباشره + 2 قبل وجبة العشا

اقتباس:

---

المشاركة الأصلية كتبت بواسطة Mr CoOol

+

ريحة الأمينو جداً جداً كريهه .. كأنه وأنتم بكرامه حيوان ميت داخل اللعبه ريحه كريهه و قويه !
هل هذا طبيعي ؟ الأمينو هذي ريحته ؟ أنا عندي الريحه قويه مثل العفن أو الحيوان الميت داخل اللعبه ..
وحتى بعد ما صكرت العلبه أحس في ريحه منتشره بالمكان ! طبيعي ؟ سامحوني على الأسئلة الغريبه
لكن مبتدأ و حابب أطمن قلبي قبل ما أبدأ بالمكملات و شكراً :)


على فكرة الأمينو هو 2222 Caps أنا ما راح أخذه بس مستغرب من ريحته ..
راح أشتري Taps لكن هل كلهم رائحتهم نفس الطريقه ؟

---

اذا تقصد الكبسول فممكن بسبب الحراره في التخزين ..
اما التابلت بالعكس ريحته مستساغه

اقتباس:

---

المشاركة الأصلية كتبت بواسطة وولف دينيس

هلا بك أخوي لا أنا استعمل امينو 2222تابلت ريحته عادية :) وكل عام وانت بخير مقدما

---

وأنت بخير و صحه و سلامه ..
اليوم شريت تابلت و للأسف نفس مشكلة الكابس الريحه مأساه ..
لكن فتحت العلبتين و تركتهم 3 دقايق مفتوحين و راحت الريحه منهم 95% !

اقتباس:

---

المشاركة الأصلية كتبت بواسطة THE CAST

الله يعافيك

يليت لو لقيت BCAA تاخذه افضل ... ولو ماوجدته فال2222 تابلت جيد
تقدر تاخذ منه 8-10 حبات يوميا
2 مع الفطور + 2 قبل التمرين بفترة + 2 بعده مباشره + 2 قبل وجبة العشا



اذا تقصد الكبسول فممكن بسبب الحراره في التخزين ..
اما التابلت بالعكس ريحته مستساغه

---

الحمدالله كل شئ متوفر عندنا بالكويت .. بس الحين شريت التابلت و خليت الكابس عندي شكل :silly:
وإن شاء الله بعد ما يخلص الأمينو ( شهر ) .. أخذ الـ BCAA ..

وصح كلامك يا كابتن 100% .. الريحه المأساويه باللعبة بسبب التخزين و الحراره ..
اليوم فتحت العلبه 3 دقايق و راحت الريحه كلها و الحين العلبه شبه بدون ريحه أو 5% من الريحه السابقه ..

أنا منحرج منك بسبب كثرت الأسئلة بس أستحملي و بعدها ما راح تشوفني وجهي بالقسم ههه :silly:
1- المكملات وين أخزنها .. بغرفتي ( مكيف عادي ) .. أو بالثلاجه مع الأكل العادي !
2- علبة الأمينو و رائحتها السيئة بالبدايه .. يعني تخزينها كان سئ قبل ! يعني خلاص ما تصلح أستخدمها ؟



-
-

شكراً شباب ما قصرتوا والله ..