جدول ضخامه+كورس مكملات

معلومات المتقدم بالاستفسار :
العمر : 18 , الجنس : ذكر

الطول :160 متر
الوزن : 58 كيلوجرام

نسبة الدهون : ---

و الاستفسار كالتالي :
السلام عليكم ورحمه الله وبركاته

كيف الحال عساكم طيبين

صار لي فتره العب حديد وطبعا العب ضخامه لما بديت كان وزني 51 والحمدالله مع الالتزام بالاكل والمكملات والتمارين والراحه وصلت لوزن 58 في شهرين ونص

كورسي الحالي الي قرب يخلص:

بروكمبلكس قينر +كازين بروتين+سوبر امينو 4800+اوميغا 3 زيت السمك+نانو فيبر

الصباح 4 حبات امينو +حبه من زيت السمك

بعد الريوق بساعه ونص سكوب من الكازين مع الحليب

وقبل التمرين ب45 دقيقه آخذ 4 حبات امينو +وسكوب من البروكمبلكس مع ماء+بعده ب10 دقايق سكوب من النانو فيبر مع الماي

بعد التمرين مباشرة 4 حبات امينو+سكوب من البروكمبلكس>طبعا سكوب البروكمبلكس معروف انه كبيرر

والحمدالله ملتزم بالاكل كل يوم 5 الى 6 وجبات مع مراعاه البروتين والكارب والدهون ومع الالتزام وصل وزني الى ال58 كيلو

جدول تماريني:

السبت صدر+باي+بطن
الاحد ظهر+تراي+سواعد
الاثنين اكتاف+مثلثات+بطن
الثلاثاء ارجل+بطات
الاربعاء باي+تراي+سواعد

الخميس والجمعه راحه

والحمدالله النتايج طيبه

حاليا بنهايه هذا الاسبوع كورسي بيخلص الي بيبقى النانو فيبر+الكازين بروتين +زيت السمك بعدهم

فا حاب اشوف آرائكم ونصايحكم بالكورس الجديد وشو آخذ فيه واذا في غلط بالجدول اتشرف برؤيه التعديل

ومشكورين

أنا ابعلق على التمارين ليش عندك الباي والتراي والسواعد مرتين فيا لاسبوع
وللتضخيم أفضل ألعب كل يوم عضلة ماعدا الباي والتراي مع بعض

والمثلثات مع الأكتاف

والله يوفقك.. لوودي

جدول الباي والتراي مرتين بالاسبوع بديت فيه من اسبوعين ولعبته مرة واليوم بتكون المرة الثانيه

بالنسبه للسواعد ماتوقع انه غلط لو لعبته مرتين بالاسبوع ومرات العب مرة بالاسبوع

وحاليا مع الكورس الجديد اتوقع بغير الجدول وبخلي العضلات الكبيرة روحها والصغيره روحها

وشكرا على ردك

ماقصر الوحش لودي
بس بنسبه لجدول تمارينك يفضل تخلي بينهم راح يعني اذا كان عندك اربع ايام يومين العب ويوم راحه
وبنسبه للبروتين الصباح خليه البروكمبلكس الصباح والكازين فقط قبل النوم

وعلييكم السلام

بالنسبة للمكملات انصحك تكمل عليهم دامهم جابولك نتيجة وماشاءالله اشوفك مضبوط ماشي
و8 كيلو بشهرين ونص انجاز خاصة اذا كنت تشوف اغلبها عضل
استمر على البرو كمبلكس قيينر وخل استعمالك له بعد الافطار بساعتين 80 قرام يعني نصف سكوب
وبعد التمرين 3\4 سكوب يعني 120 قرام كافية الى سكوب كامل مافيه مشكلة
وقبل النوم الكازين
وقبل التمرين حاول تعتمد على اكل طبيعي وانصحك بالشووفان قبل التمرين بساعتين كوب شوفان بالحليب
والامينو انصحك تاخذ بي سي اي اي او اكستند

وبالنسبة لجدول التمرين اذا تشوف نفسك متقبله ومرتاح له ممتاز

وموفق ان شاءالله

ماقصروا معاك الشباب يعطيهم العافيه

ماقصرتو يعطيكم العافيه بالنسبه للجدول بغيره بعد العيد

وانتظر باقي الاعضاء اذا بينصحوني بشي جديد