ما أفضل أنواع السكر لبعد التمرين ؟

معلومات المتقدم بالاستفسار :
العمر : .. , الجنس : ذكر

الطول :... متر
الوزن : .. كيلوجرام

نسبة الدهون : ..

و الاستفسار كالتالي :
سلام عليكم،
عيدكم مبارك أخواني ..

بعد التمرين أحيان اخذ 3 ملاعق عسل أسود وأحيان اكل زبيب وأحيان والأغلب أمر محل عصير قصب واخذ لي كاسة،

سمعت عن الدكستروز يباع بالصيدليات إنه هو الأفضل والأسرع لإفراز الأنسولين وإيصال البروتين للعضلة، رحت لصيدلية النهدي وجابلي الدكتور الدكستروز تركيز 5% وفيه يقول تركيز 10% .. وش الفرق بينهم ؟ والأفضل ؟

قلي تبغاهم ليش ؟ قلت له لبعد التمرين مباشرة، قلي لا هذا لحالات الطوارئ .. قلت اوكي بتأكد من الموضوع شكراً،

وش رايكم ب كلامه ؟ سعر الدكتسروز ب 5 ريال، وهذي صورته

http://www.google.com.sa/imgres?q=%D...w=1280&bih=834

وعليكم السلام



السكر الابيض العادي تقريبا نصفه فركتوز والنصف الاخر دكستروز.

اذا ودك تشتري دكستروز صافي ماعندك مشكله لكن اجلعه لاوقات مخصوصه


بخصوص رد الصيدلي
لان هالنوع من السكريات يرفع نسبة السكر بالدم بشكل سريع(والذي بدوره يحفز الانسولين في الحالات الطبيعيه) فيُعطى في حالات الانخفاض المفاجئ لنسبة السكر او الناجم عن تناول مؤثر خارجي ادى بطبيعة الحال الى هبوط النسبه
تطمن مافيه اي ضرر باذن الله لو استعملته بحكمه وبالمعقول وهذا الكلام ينطبق على كافة انواع المآكل خصوصا السكريات

تنبيه
ماتاخذ الموجود بالصوره هذا يعتبر محلول يؤخذ بطرق مختلفه.

خذ دكتسروز بودر من السوبرماركت او الصيدليه

شكراً جزيلاً لك أستاذ وكابتن ماشاء الله عليك،
الطريقة تكون استخدام البودرة 5 ملاعق شاي صغير مزبوط ؟

* ماشاء الله ع عروق وعضلات السواعد الله يزيدك :)

طيب المحلول أعتقد محلل لجزيئات صغيرة جداً وسائل يعني اسرع امتصاص وأفود ولا غلطان ؟
المحلول ولا البودرة تنصحني ؟

العفو وحياك

لا خذ البودر اوفر ويطول معك اكثر والفائده نفسها .. ونعم ملعقة شاي عاديه تقريبا 5 غرام

رحت لصيدلية ثانية وقلت له دكستروز بودرة واعطاني

غلوكوز (( د )) مع الكالسيوم

التركيبة :

دكستروز مونوهايدرات 9.94 جم
تراي كالسيوم فوسفات 0.04 جم
داي كالسيوم فوسفات 0.02 جم
فيتامين د3 0.0025 جم
السعرات الحرارية 46 كيلو كالوري

بـ 13 ريال

وش رايك ؟

سبق ومر علي هالنوع

خذه ..

يعطيك العافية ماقصرت :)