أريد زيآدة ف الكتلة العضليـة & حل لمشكلة الصدر والبطن السفلي !!

معلومات المتقدم بالاستفسار :
العمر : 22 , الجنس : ذكر

الطول :166 متر
الوزن : 69 كيلوجرام

نسبة الدهون : 16

و الاستفسار كالتالي :
السلام عليكم ورحمة الله وبركاته ’
كيف الحآل جميـعآ ..

في الفترة المآضية قطعت تمرين وخربت النظام وكل شيء ..
وخسرت ما يقارب الـ 4 كيلو عضل ..


جسمي غريب الـأطوآر دوخني !
يوم مآ آكل عدل وأخرب الجدول يتقسم صح ويبرز العضل
يوم آكل صح واتمرن صح وكل شي التقدم يكون بطي !


المهم اني رديت بقوة للجيم من بعد العيد والحمدلله استعدت اوزاني
ورفعت من وزني والكتلة العضليـة ..

بس موقف بروتين وتام بس على الامينو ..
قلت بدخل منتج بمب خلال الفترة القآدمة ..



عندي خلل في الصدر مب طآيع يحقق المراد منه ويكتمل ويصير مربع كامل ..
المدرب يقولي العب كله علوي واستمريت فترة قام بالتقدم الصدر العلوي
لكن للحين ما أكتمل الصدر ( الجزءء الداخلي والصدر العلوي ) !
وعندي الاكتاف أكبر عن عضلة الصدر ومغطيه عليهآ !
واللي يقهرني يوم ما أمرن الصدر يتم نايم خامل كأنه مب لاعب كمال أجسام ..
يمكن الجينآت لهآ دور كبيـر بس تعبتني والله !
لدرجه مكمل 10 شهور تقريبـآ ..

وكذلك أسفل البطن تعبت لابرزها لاكن ماشي فايدة ..
يوم احط ايدي احس بالعضلة بس يوم اصور ما اجوفهآ !


أتمنى تفيديوني من خلال الصور ..



http://im12.gulfup.com/2011-11-20/1321828490911.jpg

http://im12.gulfup.com/2011-11-20/1321828490402.jpg


http://im12.gulfup.com/2011-11-20/1321828490153.jpg


http://im12.gulfup.com/2011-11-20/1321828490524.jpg


http://im12.gulfup.com/2011-11-20/1321828490975.jpg


http://im12.gulfup.com/2011-11-20/1321828490396.jpg




اتمنى تخبروني عن نقاط الضعف ويآليت بجدول خفيف لإكتمال الصدر وابراز عضلة البطن السفلية !
عندي تحدي شهرين لأوصل لها الشي اذا ما قدرت بظطر استخدم الجروث لووول ..

اخوي جسمك في تحديد عضلي ماشاء الله

والافضل انك تستمر ع الامينو بدون بروتين بشرط توفي احتياجك اليومي من البروتين الصافي مثل التونه وصدور الدجاج

وبالنسبة لصدرك مستواه جيد ومناسب للجسم بس اذا تقصد عن وسط الصدر ركز على الفتح بالجهاز او الدنابل وخله بشكل يومي من ضمن التصخين
وعن البطن السفلي العب عقلة مع رفع الرجل كاملة لمستوى البطن 3 مرات اسبوعياً
4 جلسات + 10 تكرارات


بالتوفيق يابطل

هلا أخوي حمد ..
ما قصصرت بالرد ..

انا ماحب استخدم البروتين لانه يسوي لي انتفاخ في المعده ..
وانا عندي مستوى البطن على مستوى الصدر يعني يوم البس
تي شيرت يبين إني مكرش > يوم اقولهم مقسم ما يصدقون خخ

اما عن سالفة الفتح بالدنبل يوميآ اسخن فيه واسخن ايضا صدر علوي يوميآ
وحسيت بالفرق وتطور بشكل ملحوظ ..


بالأخير تنصحني بمنتج بمب ولـآ ؟
وسآلفة الكآرب ~> المدرب يقولي من السآعه 5 بطل أكل [ عيش * مكرونه * خبز * كاكاو وسكريآت ]
انصحني بجدول غذائي مرتب يتكون من 4 الى 5 وجبات ..

يعني الريوق .. الغدا .. قبل التمرين .. بعد التمرين .. قبل النوم !
مع استخدام الأمينو بالطريقة الصحيحه ~> عندي امينو تك وعندي أمينو 2222

واسمحلي طولت عليك

بالنسبة للجدول الغذائي برتبلك اياه بأقرب وقت ان شاء الله ..

وانا مب مع كلام المدرب انك توقف كارب من بعد الخمس مساءً << عندك بطولة !!

امينو تك هو الاقوى فالسوق حالياً
6 قبل و6 بعد التمرين ...

نفس حالتك انا ><" بكمل سنة وللحين الصدر ماراضي يتشكل , معنه لما اشد اشوف العضله ممتازة , وباقي عضلاتي في تطور ملحوظ االحمدلله بس الصدر مهما كانت قوة التمرين عندي تظل مثل ماهي
المدرب يقولي شيل اوزان اوصل لي 70 بالدنابل ومافي فايدة , شكلي بتم العب في جدولي التمريني لحد ماوصل ل التكنيك المطلوب