ماهو اكثر بروتين طبيعي سريع الامتصاص وما هو اكثر بروتين طبيعي بطيء الامتصاص

معلومات المتقدم بالاستفسار :
العمر : 20 , الجنس : ذكر

الطول :180 متر
الوزن : 77 كيلوجرام

نسبة الدهون : ؟؟

و الاستفسار كالتالي :
سلام عليكم ورحمة الله وبركاته

كيف الوحوش .. ان شاء الله الجميع بخير وفي الفورما ض1

انا ياكباتن توني مبتدىء في اللعبه و ما بدخل على المكملات الا بعد شهر بناءً على كلامكم ونصايحكم
وحاليا انا الحين العب كارديو فقط وتوني ماخشيت على الحديد ومن ضمن الكارديو السباحه .. فا تشوفوني اطلع من المسبح جوعااااااان جداً

فحبيت اسألكم وش افضل مصدر بروتين طبيعي سريع الامتصاص آخذه بعد التمرين وبعد النوم .... انا سمعت ان التونا و البيض و الحليب قليل الدسم الدسم بوتينات بطيئة الامتصاص .. صحيح والا لا ؟
و وش افضل مصدر بروتيني طبيعي بطيء الامتصاص آخذه قبل النوم ؟

وشكراً لكم

وعليكم السلام ورحمه الله وبركاته,,,الحمد لله ابشرك
البيض,, والحليب خالي الدسم هذي سريعه الامتصاص.
وبطيئ الهضم إخذ لك كأس لبن أو جبن 300-400 جرام.اللبن قابل للزياده.

هذا النظام كنت ماشيء عليه.والى الان وانا ماشي عليه.

طبعا بعد التمرين مباشرة اخذ شيء فيه سكريات وافضل شيء عصير عنب عشان الانسولين يتحفزاو عسل ملعقه وبعدها بعشر دقائق او ربع ساعه اخذ الحليب خالي الدسم او البيض.........بالتوفيق وان شاء الله افدتك

ياشيخ يسلم راسك يابطل على الرد

طيب حبيبي بالنسبه للتونا .. وش وضعها .. هل هي سريعة الامتصاص والا لا ... لأنها هي الي اقدر اجيبها معي النادي
اما البيض و الحليب بخليهم اول ما اقوم من النوم

الشي الثاني .. ياخي عصير العنب من وين تاخذونه .. تسوونه بالبيت والا تاخذونه من البقاله والا كيف ... والا امر ماما نوره قبل ما اروح النادي وآخذ لي واحد ؟ وبالنسبه للكميه كيف لازم تكون

اما بالنسبه للجبن ... اي جبن تقصد ؟ السايله والا قريش والا وش بالظبط
وابي اسألك عن صدور الدجاج .. وش رايك هل هي بطيئة الامتصاص و مناسبه لقبل النوم والا لا؟ لأني آكل قبل ما انام سلطة دجاج مع خس و خيار وزبادي كامل الدسم ؟

واشكرك مره ثانيه يابطل

وينكم ياشباب

اقتباس:

---

المشاركة الأصلية كتبت بواسطة اخو مفلح

ياشيخ يسلم راسك يابطل على الرد
الله يسلمك

طيب حبيبي بالنسبه للتونا .. وش وضعها .. هل هي سريعة الامتصاص والا لا ... لأنها هي الي اقدر اجيبها معي النادي
اما البيض و الحليب بخليهم اول ما اقوم من النوم
التونه قد سمعت معلومه عنها إنها سريعه الامتصاص بس الي فيها مويه وملح بدون زيت هذي سمعت عنها المعلومه وماني متأكد منها صراحه.
انا عن نفسي كنت اخذ البيض اطبخه بالبيت واحطه بالسيارة واذا خلصت اكلته عااااادي جدا او الحليب تقدر اذا طلعت من النادي تمر اقرب تموينات وتاخذ من عندهم.
الشي الثاني .. ياخي عصير العنب من وين تاخذونه .. تسوونه بالبيت والا تاخذونه من البقاله والا كيف ... والا امر ماما نوره قبل ما اروح النادي وآخذ لي واحد ؟ وبالنسبه للكميه كيف لازم تكون
عصير العنب شربته مرة فيه حياتي لقيته بمحطه جنب الصاله ومن بعدها ماشريت اقولك اغلب البقالات ماتلقا عندهم عصير شوف الشباب يمكن يفيدونك اكثر.
اما بالنسبه للجبن ... اي جبن تقصد ؟ السايله والا قريش والا وش بالظبط
اي جبن كلها جبن يأدي نفس الغرض.
وابي اسألك عن صدور الدجاج .. وش رايك هل هي بطيئة الامتصاص و مناسبه لقبل النوم والا لا؟ لأني آكل قبل ما انام سلطة دجاج مع خس و خيار وزبادي كامل الدسم ؟
الصدور لا أعلم عنها صراحه أما الزبادي ينفع قبل النوم.
جمييييييييييييييع مشتقات تصلح قبل النوم طبعا الي تكون قليله الدسم أو كامله الدسم.
واشكرك مره ثانيه يابطل

---

لا شكر على واجب.

إنتظر ردود الشباب يفيدونك أكثر :)

اقتباس:

---

المشاركة الأصلية كتبت بواسطة السلطان..

وعليكم السلام ورحمه الله وبركاته,,,الحمد لله ابشرك
البيض,, والحليب خالي الدسم هذي سريعه الامتصاص.
وبطيئ الهضم إخذ لك كأس لبن أو جبن 300-400 جرام.اللبن قابل للزياده.

هذا النظام كنت ماشيء عليه.والى الان وانا ماشي عليه.

طبعا بعد التمرين مباشرة اخذ شيء فيه سكريات وافضل شيء عصير عنب عشان الانسولين يتحفزاو عسل ملعقه وبعدها بعشر دقائق او ربع ساعه اخذ الحليب خالي الدسم او البيض.........بالتوفيق وان شاء الله افدتك

---

معليش كنت بكتب بطيء الامتصاص كتبت الهضم.

بروتين الصويا يعتبر بروتين سريع - متوسط الامتصاص فهو قريب من وي بروتين من حيث الامتصاص لكنه الوي يظل الاسرع

البيض متوسط الامتصاص
الحليب لانه يحتوي على كاسين والوي بروتين فهو يمكن يكون الانسب لحالتك من الحيث الطعم وسرعة التحضير

جبنة القرشي يطيئة الامتصاص
واللحوم بشكل عام تعتبر بطيئة الامتصاص

فانصحك انك تاكل قبل التمرين بساعتين او ساعة ونص وجبة ممتازة من حيث البروتينات والكربوهيدرات مثل الموز والحليب وبعد التمرين تشرب حليب قليل الدسم او حليب فيتال


بالتوفيق

اخوي السلطان ... الله يعطيك الف الف عافيه ياوحش وبيض الله وجهك ماقصرت والله يالغالي

اقتباس:

---

المشاركة الأصلية كتبت بواسطة scaryface

بروتين الصويا يعتبر بروتين سريع - متوسط الامتصاص فهو قريب من وي بروتين من حيث الامتصاص لكنه الوي يظل الاسرع
وش هو بروتين الصويا ياكبتن .. دايم اسمع عنه لاكن ما اعرفه
الشي الثاني انا اخبر ان منتجات الصويا تحفز هرمون الانوثه "الاستروجين" ... و الا؟

البيض متوسط الامتصاص
تمام

الحليب لانه يحتوي على كاسين والوي بروتين فهو يمكن يكون الانسب لحالتك من الحيث الطعم وسرعة التحضير
مافهمت يالغلا وش تقصد بالظبط بهالنقطه .. هل قصدك اخذ الحليب بعد النوم وبعد التمرين وقبل النوم لأنه فيه من خصائص الواي والكازيين والا كيف ؟

جبنة القرشي يطيئة الامتصاص
واللحوم بشكل عام تعتبر بطيئة الامتصاص
حلو.. اجل بخلي قبل النوم صدور دجاج والا ستيك لأني قبل شوي ماكل جبنة قريش والطعم بصراحه مش ولا بد


فانصحك انك تاكل قبل التمرين بساعتين او ساعة ونص وجبة ممتازة من حيث البروتينات والكربوهيدرات مثل الموز والحليب وبعد التمرين تشرب حليب قليل الدسم او حليب فيتال

يا سلام عليك ياكبتن .. انا قبل التمرين اصلح ( ملعقة زبدة فول سوداني وملعقه الى ملعقه ونص شوفان وملعقة عسل وكاس حليب وبعض الاحيان ابدل العسل بشوكلاتة نوتيلا ) شرايك؟ طبعا انا تمريني عباره عن كارديو فقط (سباحه _ مشي _ هروله _ جري وركض .. الخ) بس تبي الصدق .. والله الوجبه هذي تدوووووخ و تخليني متنح وادور بعدها السرير وانا على اساس بروح النادي ههههههههههههه .. الشي الثاني احس بعض الاحيان اني المفروض ما احط عسل لأنه كارب بطيء

بالتوفيق
وياك وجميع المسلمين يارب ... اشكرك بعنف ياملك وتسلم لا خلا ولا عدم

---

اقتباس:

---

وش هو بروتين الصويا ياكبتن .. دايم اسمع عنه لاكن ما اعرفه
الشي الثاني انا اخبر ان منتجات الصويا تحفز هرمون الانوثه "الاستروجين" ... و الا؟

---

الصويا يحتوي على استروجين نباتي لكنه ضعيف جدا اذا قارنه بالاستروجين العادي
الصويا له فوائد مثل انه يساعد على الوقاية من سرطان البروستاتا ويقلل من تساقط الشعر
وتقدر تستدخمه بشكل شبه يومي او 3 مرات بالاسبوع لكني انا ذكريته فقد لكي يستفيدون الاخوان من المعلومة

اقتباس:

---

مافهمت يالغلا وش تقصد بالظبط بهالنقطه .. هل قصدك اخذ الحليب بعد النوم وبعد التمرين وقبل النوم لأنه فيه من خصائص الواي والكازيين والا كيف ؟

---

تقدر تاخذ الحليب قبل النوم وبعد التمارين ... لا يوجد مانع

اقتباس:

---

حلو.. اجل بخلي قبل النوم صدور دجاج والا ستيك لأني قبل شوي ماكل جبنة قريش والطعم بصراحه مش ولا بد

---

شوف اللي يناسبك وتوكل على الله

اقتباس:

---

يا سلام عليك ياكبتن .. انا قبل التمرين اصلح ( ملعقة زبدة فول سوداني وملعقه الى ملعقه ونص شوفان وملعقة عسل وكاس حليب وبعض الاحيان ابدل العسل بشوكلاتة نوتيلا ) شرايك؟ طبعا انا تمريني عباره عن كارديو فقط (سباحه _ مشي _ هروله _ جري وركض .. الخ) بس تبي الصدق .. والله الوجبه هذي تدوووووخ و تخليني متنح وادور بعدها السرير وانا على اساس بروح النادي ههههههههههههه .. الشي الثاني احس بعض الاحيان اني المفروض ما احط عسل لأنه كارب بطيء

---

استخدم شي واحد يا اخوي يا زبدة الفول السوداني او نوتيلا لانه لو جمعيتهم بتكون نسبة الدهون عالية بالوجبة وابتعد عنهم اذا هدفك تنزيل وزن

اقتباس:

---

والله الوجبه هذي تدوووووخ و تخليني متنح وادور بعدها السرير وانا على اساس بروح النادي ههههههههههههه .. الشي الثاني احس بعض الاحيان اني المفروض ما احط عسل لأنه كارب بطيء

---

اذا ارتفع الانسولين بدم = ارتفاع نسبة هرمون السعادة بالجسم فلهذا السبب تحس بالدوخة لانه هرمون السعادة له علاقة بالنوم .. والناس اللي يعانون من الاكتئاب يكثرون من تناول السكريات لانها تقلل من الاكتئاب لديهم (مجرد معلومة) فيصير الشخص المدمن على السكريات والحلويات.

جرب تاخذ وجبة خفيفة هذي المرة ومن دون العسل .. مثلا 4 ملاعق الشوفان وكوب او كوبين الحليب وملعقة او ملعقتين من الزبيب الاسود و ملعقة من حليب جوز الهند (اذا حاب تضيفة لانه سريع
الامتصاص) ولا تنسى تاخذهم قبل التمرين بساعتين او بساعة ونص وحاول ما تكثر الاكل قبل التمرين لانه يسبب الكسل.

اقتباس:

---

الله يعطيك الف الف عافيه ياوحش وبيض الله وجهك ماقصرت والله يالغالي

---

الله يسعدك دنيا واخرة يا اخوي

بالتوفيق

فول الصويا ده بروتين نباتي يعطي القليل من الطاقة لكن لا يبني عضل
البروتين الحيواني وحده هو الذي يبني عضل
و اسرع بروتين حيواني في الهضم و الامتصاص هو الواي بروتين و السمك
ثم الدجاج ثم اللحوم
الواي 45-60 دقيقة السمك 4 ساعات الدجاج 6 ساعات اللحوم 8 ساعات
و تقدر تحصل على الواي بطريقة طبيعية
بانك تقوم بوضع لبن مبستر على النار حتى تصل درجة حرارته 60 درجة
ثم تقوم بأغلاق النار ثم تضيف القليل من الخل مع التقليب
سوف تلاحظ فصل الواي عن الكازيين
الكازين هيبقى متكتل
و الواي هيبقى سائل اخضر ثم قم بفصلهم عن بعض بالتصفية
و حفظهم بالثلاجة طبعا مفيش مقارنة بين المنتج الواي الامريكي و ده
الامريكي افضل طبعا بكتير و مركز عن ده
ده ضعيف الى حد ما لكن هو واي بروتين بالنهاية
و بالتوفيق

حبيبي سكار فيس ... مشكور يالغالي الله يجزاك و والدينك الجنه

اقتباس:

---

المشاركة الأصلية كتبت بواسطة Black Copra

فول الصويا ده بروتين نباتي يعطي القليل من الطاقة لكن لا يبني عضل
البروتين الحيواني وحده هو الذي يبني عضل
و اسرع بروتين حيواني في الهضم و الامتصاص هو الواي بروتين و السمك
ثم الدجاج ثم اللحوم
الواي 45-60 دقيقة السمك 4 ساعات الدجاج 6 ساعات اللحوم 8 ساعات
و تقدر تحصل على الواي بطريقة طبيعية
بانك تقوم بوضع لبن مبستر على النار حتى تصل درجة حرارته 60 درجة
ثم تقوم بأغلاق النار ثم تضيف القليل من الخل مع التقليب
سوف تلاحظ فصل الواي عن الكازيين
الكازين هيبقى متكتل
و الواي هيبقى سائل اخضر ثم قم بفصلهم عن بعض بالتصفية
و حفظهم بالثلاجة طبعا مفيش مقارنة بين المنتج الواي الامريكي و ده
الامريكي افضل طبعا بكتير و مركز عن ده
ده ضعيف الى حد ما لكن هو واي بروتين بالنهاية
و بالتوفيق

---

اهلاً يا مان
معقول اقدر اسوي واي بروتين وكايزن في البيت ... اكيد انه مش زي الاوبتيموم ومنتجات باقي الشركات بس انا حاليا ابي اعود جسمي على الطبيعي وما ابي اعوده على الجاهز وعلى قولة المثل (العوض ولا القطيعه)

اشكرك جداً ياوحش

طيب ياشباب بالنسبه للأكل قبل و بعد النوم ... وشرب الماء قبل وبعد الاكل : <<< احد فهم شي :biggthump

انا دايما اسمع واقرا ان الاكل بعد النوم مباشره موب زين ... طيب متى آكل بالظبط و قبل النوم بكم ؟
وبالنسبه للأكل بعد ما اقوم من النوم ... متى المفروض يكون .. انا قد قريت ان المفروض يكون بعد نص ساعه من القيام من النوم ويفضل شرب الماء قبل نص ساعه يعني اول ما اصحى من النوم .. صحيح والا لا ؟


اما بالنسبه لشرب الماء قبل الاكل ... متى المفروض يكون
وبرضو شرب الماء بعد الاكل .. متى لازم يكون لأني برضو قد قريت على ما اظن لازم يكون بعد الاكل ب45 دقيقه لأن شرب الماء بعد الاكل ما يخلي العضل يمتص الاكل زين

والا كل الكلام هذا مو مهم مره ومايفرق كثير

والله من كثر ما اقرا واسمع قمت اوسوس :ponder: