تغير جسمي ( والحمدالله ) بنسبه ممتإزه .. مع صور جسمي + البروتينات !!

السلام عليكم ورحمة الله وبركااته !!

اول شي حبيت أعرفكم على نفسي .. انا محمد من الكويت وحبيت اعطيكم راي من بعد فتره لعبتها بالنادي ,,
صراحتاً ترددت بـ وضعي لهالموضوع بس حبيت أخذ رايكم .. لانه يهمنيَ :o
اولا بحط اسماء البروتينات الي خذيتهاُ وانا بالنادي صارلي تقريباً 9 أشهر ومازلت العب :**

البروتينـــات التي اخذتها !!

* ايزو مااس جينر لمدة 7 شهور
* ترو ماس اخذته فترة رمضان مدة شهر بس
* سوبر جينر فيول ( 5 كيلو ) شهر ومازلت أخذه ( زادني 3 كيلو خلال 4 ايام ) !!

الأمينـو والبـور !!

* آمينو ليكويد ( 6 أشهر )
* كرياتين جينر مع جلوتامين بلس لمدة شهر فقط
* امينو 10,000
* أمينو انيرجي
* سل ماس

هذي بدايتي بالبروتينات ,, طبعاً غير الاكل ..
قبل كانت وجباتي 2 باليوم .. من بعد مآدخلت النادي وجباتي صارت من 5 لـ 6 باليوم :)

والحين بحط لكم صورتي قبل وبعد :*

قبــــل : طبعاً هني كان وزني ( 55 كيلـو ) هههه لحد يضحك : (

ملف مرفق 349522


بعــد : هذي صورتيــن , صار وزني ( 75 كيـلو ) لوول :*

- 1 -
ملف مرفق 349524

- 2 -
ملف مرفق 349525



وبسس .. والحمدالله هذا بفضل ربي وانا معجب بـ ادائي ووصولي لهذه المرحله الممتازه :)
ونترك لكم المايك واتمنى الكل يعطي رايه .. وطبعاُ احترم رأي كل واحد فيكم :*
وشششششكراً :*

ممتاز أخوي شغلك عدل يعجبني الشخص اللي تكون إرادته قوية لتحقيق حلمه
الله يوفقك ومنها للأفضل إن شاء الله :أفكر:

اقتباس:

---

المشاركة الأصلية كتبت بواسطة Booyaka

ممتاز أخوي شغلك عدل يعجبني الشخص اللي تكون إرادته قوية لتحقيق حلمه
الله يوفقك ومنها للأفضل إن شاء الله :أفكر:

---

مشكور اخوي على مرروك .. و ردك اطربني الصراحه .. :*

و الحمدالله على كل شي :*

لك وديُ :**

ما شاء الله عليك اخوي

والله اصفق لك على هذي النتايج الحلوة

الله يبعد عنك كل سوء و ان شاء الله تتقدم اكثر و اكثر

بس سؤال اخوي ^^

ممكن تعطينا نظرة عامة عن الوجبات

و اشكرك على الموضوع الرائع

عليكم السلام ورحمة الله وبركاته
..حي الله اهل الكويت حبايبنا .. منور بيننا اخوي
مشاء الله تبارك الرحمن.. تغير جذري وللاحسن
اهنيك على هذا الاصرار والتقدم يابطل
تقبل مروري

اقتباس:

---

المشاركة الأصلية كتبت بواسطة RweshdaN

ما شاء الله عليك اخوي

والله اصفق لك على هذي النتايج الحلوة

الله يبعد عنك كل سوء و ان شاء الله تتقدم اكثر و اكثر

بس سؤال اخوي ^^

ممكن تعطينا نظرة عامة عن الوجبات

و اشكرك على الموضوع الرائع

---

مشكور اخوي على مرورك الرائع ..

عطيتني اراده اقوى بـ كلامك فديتك :**

وجباتي كالتالي :

الصبح : تفاحه في الصبح .. وبعدها بـ ساعه تقريباُ افطر والفطور يتكون من ( جبن - طماط - خس ) مرتديلا واحياناُ اشرب حليب وبعدها اشرب بروتيني بعد نص ساعه او ساعه !!

الساعه 12 الظهر تقريباُ بعد آكل اشياء خفيفه لان اكون بدوامي كـ ( صمونتين جبن ) مع لوز وفستق مع جم حبة تمر : )

الساعه 3 العصر اتغدى وغداي يتكون من ( عيش ودياي او معكرونيه او برغل ) حسب الغداء الموجود .. اكثر شي آكل الاكل الي فيه نسبة بروتين : )

انام ساعتين .. و الساعه 7 ليلاً اكل ( تمر - موزه - مع عصير ) و من بعدها اشرب البروتينُ وبعدها بـ نص ساعه اخذ البور .. وبعدها بـ ساعه اروح للنادي : )

بعد التمرين عشاي يتكون من ( فيليه او لحم او دجاج او ستيك او كباب ) .. لازم بعد التمرين اكل شي فيه نسبه كبيره من البروتين وبعد العشا اخذ البروتين ايضاً :)

واتمنى ان اكون أفدتك بـ روتيني اليومي .. وشكراً :*

اقتباس:

---

المشاركة الأصلية كتبت بواسطة oOhimaOo

عليكم السلام ورحمة الله وبركاته
..حي الله اهل الكويت حبايبنا .. منور بيننا اخوي
مشاء الله تبارك الرحمن.. تغير جذري وللاحسن
اهنيك على هذا الاصرار والتقدم يابطل
تقبل مروري

---

الله يحييك ويبقيك وبيت مكه يودييك ..

تشرفنا فيك اخوووي برهـووم !!

واشكرك على اعطائك الري لـ موضوعي ..

تسلم وماقصررت ,, :*

ماشاء الله
مبروك اخوي واهنيك على المستوى الي وصلت له
واستمر يابطل

اقتباس:

---

المشاركة الأصلية كتبت بواسطة buraydawi

ماشاء الله
مبروك اخوي واهنيك على المستوى الي وصلت له
واستمر يابطل

---

الله يبارك فيك خييو ..

واشكرك على اعطائك الراي ..

ماقصرتُ :*

الله يعطيك العافية اخوي

مشكور و ما قصرت ^^

والله الجدول الغذائي هو مشكلتي الوحيدة هههه

بحاول اسوي الي نصحتني

اقتباس:

---

المشاركة الأصلية كتبت بواسطة RweshdaN

الله يعطيك العافية اخوي

مشكور و ما قصرت ^^

والله الجدول الغذائي هو مشكلتي الوحيدة هههه

بحاول اسوي الي نصحتني

---

الله يسلمك ويعافيك ..

لوول ميخالف حاول نظم وقتك .. ومع الايام راح تلقى روتينك تغير وكل شي تغير ..

اهم شي بلعب الحديد ( الاراده ) .. ولا تقول ( مالي خلق ) هالكلمه تخليك خامل و كسول ههههه ..

واهم شي عندك ( النـوم - الاكل ) :**

منها للاعلى ,, وواصل يابطل :**

واي شي انا حااضر : )

ماشاء الله
تقدم ممتاز
واصل ياوحش ..

اقتباس:

---

المشاركة الأصلية كتبت بواسطة samimo2006

ماشاء الله
تقدم ممتاز
واصل ياوحش ..

---

اشكررك على مرورك يا غالي ..

دمـت :*

ماشاء الله تبارك الله عليك ,,

شد على نفسك واوصل لـ فورمة اجمد من كذا ,,

ياليت تسدح جدول تمارينك , وتجربتك مع بروتين التروماس ( لأني حبدأ فيه هـ الاسبوع ) يعني مميزاته وسلبياته ,,


لاتوقف ياوحش

دمت بود

ماشاء الله وحش

واستمر يابطل