هذا برنامجي الغذائي .. هل هو مناسب أو يحتاج لتعديل ؟

معلومات المتقدم بالاستفسار :
العمر : 21 , الجنس : ذكر

الطول :175 متر
الوزن : 67 كيلوجرام

نسبة الدهون : 18

و الاستفسار كالتالي :
السلام عليكم

اخواني انا توي داخل صالة حديد بهدف بناء عضل صافي وتضخيم

وهذا برنامجي الغذائي طبعا اخترعته من نفسي فهل يحتاج لتعديل

البرنامج كالتالي :

1- اصحى الصباح الساعة 9 واكل 3 بيضات مع حبتين توست بر

2- بعد ساعه ( الساعه عشره ) اكل 5 حبات لوز بدون ملح

3- الساعة 11 وربع تقريبا اروح للنادي وقبل دخولي للصالة اكل قطعة حلاو او عصير فواكه

4- بعد الخروج من الصالة 12 تقريبا اشرب عصير فواكه

5- بعدها بساعة ( الساعة الواحدة ) اكل صدرين دجاج مشوي او وجبة صبواي الصحية

6- اخر العصر او المغرب اكل علبة تونه مع حبتين توست

7- قبل النوم بساعتين اكل شابوره بر

8- اشرب شاي اخضر بعد كل وجبة رئيسية ( بعد الغدا و التونا و الفطور )



مارأيكم بالجدول هل هو مناسب للتضخيم ام يحتاج الى تعديل او اعادة ترتيب

وينكم ياكباتن .. عندي سؤال ثاني : دايما اسمع بالشوفان وماادري وشو !!ياليت تعلموني وش هو الشوفان وهل هو مفيد وطريقة عمله ووين احصله وهل فيه انواع منه او نوع واحد ؟

صراحة
الأكل غير كافي ابدا

نبداها وحده وحده

اقتباس:

---

- اصحى الصباح الساعة 9 واكل 3 بيضات مع حبتين توست بر

---

وجبة الفطور من اهم الوجبات في اليوم
ارفع الكميه الى 5 حبات بيض ( لكن مع صفارين فقط مو كلها ) + حليب + خبز + مربى او عسل

اقتباس:

---

2- بعد ساعه ( الساعه عشره ) اكل 5 حبات لوز بدون ملح

3- الساعة 11 وربع تقريبا اروح للنادي وقبل دخولي للصالة اكل قطعة حلاو او عصير فواكه

---

قبل التمرين تحتاج كارب عالي وهالشي مو موجود في جدولك
والمشكلة ان الفتره ما بين فطورك وتمرينك بسيطه
لكن عشان تعوض خذلك من حبتين الى 3 حبات موز قبل التمرين بساعه وشوي + العصير او الحلاو قبل التمرين وممكن يكون اثناء التمرين

اقتباس:

---

4- بعد الخروج من الصالة 12 تقريبا اشرب عصير فواكه

5- بعدها بساعة ( الساعة الواحدة ) اكل صدرين دجاج مشوي او وجبة صبواي الصحية

---

خذ كميه كافيه من عصير الفواكه بعد التمرين مباشره ويفضل تاخذ عسل برضو
اذا كان عندك بروتين اشربه بعد التمرين
اما اذا ما كان عندك خذ تقريبا نصف لتر حليب وبعده بساعه كل الدجاج

اقتباس:

---

6- اخر العصر او المغرب اكل علبة تونه مع حبتين توست

---

ممتاز وتكون علبة تونه كبيره

اقتباس:

---

7- قبل النوم بساعتين اكل شابوره بر

---

الشابوره فيها كارب عالي واكلها قبل النوم ما راح يفيدك
اكلها ممتاز قبل التمرين بساعتين
لكن قبل النوم كل لحم او دجاج او حليب او زبادي


ترا مو سهل انك تسوي برنامج غذائي ومو سهل انك تلتزم فيه
احسب كمية البروتين اللي في وجباتك
واحسب حاجتك من البروتين يوميا ( 134 جرام بروتين تقريبا )


بالتوفيق

يعطيك العافية ياخوي بس برنامجك احسه يسمن ويزيد الدهون وانا ابي عضل صافيياليت تخبرني عن الشوفان اماكن بيعه والنوع المناسب

اقتباس:

---

المشاركة الأصلية كتبت بواسطة فزااع

يعطيك العافية ياخوي بس برنامجك احسه يسمن ويزيد الدهون وانا ابي عضل صافيياليت تخبرني عن الشوفان اماكن بيعه والنوع المناسب

---

وين الدهون يا كبتن ؟؟

بالنسبه للشوفان
تعرف شوربة كوكير
هذاك هو الشوفان
اما طريقة تحضيريه فكتبو عنه الشباب هنا في المنتدى

ايه عرفته الله يعطيك العافيةالدهون في المربى وصفار البيض ... هل تنصحني بالكارديو قبل او بعد التمريناو الكارديو ماينفع مع التضخيم ؟

الكاردبو بعد التمرين

ينفع مع التضخيم يومين بالاسبوع كافي

يعطيك العافية ياكبتن