تخزين البروتين المخلوط بالحليب

معلومات المتقدم بالاستفسار :
العمر : 18 , الجنس : ذكر

الطول :170 متر
الوزن : 77 كيلوجرام

نسبة الدهون : 23

و الاستفسار كالتالي :
السلام عليكم ورحمة الله وبركاته
كيفكم أخواني الكرام
أنا حاليا أدرس في أخر سنة في الثانوية ويوم أقوم في الصباح أقوم متأخر ولا ألحق أجهزلي البروتين
فجاتني فكرة وهي
أني أخلط البروتين (كازين) مع الحليب من الليل وأحطه في الثلاجة وأشربه قبل ما أروح للدوام
فهل هذا ممكن ؟؟ عادي أترك البروتين المخلوط بالحليب لساعات ؟؟ 8 ساعات كحد أقصى
وأترك البروتين المخلوط داخل الثلاجة أم خارجها ؟؟
وعندي علبتين كرياتين منتهي الصلاحية جديد يا أخوان والله جديد أرميه ولا له طريقة أخرى للإستخدام
وشكرا

وعليكم السلام

ولله ياخي احس انها غلط ترا كلها ماتاخذ منك اقل من 5 دقايق مع الشرب

بخصوص الكرياتين ارمه صحتك اولى

وانا عندي واحد جديد مايغلى عليك ماراح استعمله اذا تبيه

الله يعطيك العافية على الرد
وممكن أعرف ليش خطأ ترك البروتين المخلوط بالحليب لساعات
وبالنسبة للكرياتين شكرا ولكن الشغله مو عن أني محتاج عندي كرياتين كونكريت علبتين
الشغلة عن إني أرمي علبتين جديده!!! وسألت واحد من الأخوان اللي لهم في المكملات فقلي لو تخزينك تمام للكرياتين أستعمله حتى لو أنتهت الصلاحية بإذن الله ما يضرك

ليش مادري انا قلت لك احس ويجون الكباتن يفيدونك

وبخصوص اللي سالته ماعنده سالفه

ياخي خلنا واقعيين لو عندك كرتون حليب او عصير وانتهى التاريخ وقالك واحد لو انت حاطه بالثلاجه

اشربه والامور زينه ........

بالنسبه للي عنده ولله جديد ومافكرت استعمله شريته كذا وندمت فـ قلت اللي يبيه ياخذه ....

تسلم يالغالي
بس ظنيت أن الكرياتين يفرق عن المشروبات والأكل الطبيعي !!

خلط البروتين بالحليب لايأخذ دقيقتين فلا تتركه مخلوط فالثلاجة لان طعمه بيتغير وبتلاقي رغوة خفيفة ان تركته فالثلاجة لمدة طويلة ..

الافضل تجهزه الصبح وتشربه فرش

وبالنسبة للكرياتين ماينفع تاخذه ولا عليك من كلام حد يقول تخزين وغيره واحتمال كبير يسبب حصوة فالكلى ان خذته منتهي

وصحتك اولى يابطل

هلا والله حيالله أيوالله أهليـــــــــــــــــــــــــــــــن بالكـــــآبتن حمد
الحمدلله ردك صراحة طمني
يعطيك ألف عافية يا كابتن حمد

بالنسبه للتخزين مايضر
لاني انا اتبع نفس الطريقه
احطه في الشيكر مع الحليب واتركه برا الثلاجه لان الجو عندنا بارد
واذا صحيت الصباح ارجه واشربه علطول