بخصوص البروتين وحارق الدهون والكورس الي احتاجه
معلومات المتقدم بالاستفسار :
العمر : 22 , الجنس : ذكر
الطول :171 متر
الوزن : 77 كيلوجرام
نسبة الدهون : 28
و الاستفسار كالتالي :
السلام عليكم ,,,,
يا جماعة الخير , انا ضعت من كثر ما اسأل , مشكلتي فيني وسوااس
فدايما قبل لا اسوي اي شغله اسأل فيها وادور بالنت و و و ,,
ساعدوني الله يرضى عليكم
في كذا سؤال ماني عارف جوابه , فحبيت اسألكم , خصوصا بعد ما شفت كثار من اصحاب الخبره اهني
فالبداية , انا استخدم بروتين ايزو 100 زيرو فات,شكر,كارب, واستخدم فات بيرنر فقط
1- الحين في ناس كثار يقولون كيف تستخدم بروتين وتستخدم فاات بيرنز , اشلون تبي تبني عضل
وبنفس الوقت تبي تقلل نسبة دهون , لما تستخدم البروتين لازم تصعد شوي دهوه , !!
الحين اوقف بروتين يعني واتم على الفات او مافي اشكالية استخدمهم الاثنين
2- واذا كانت الاجابة استخدم بروتين , كوني شخص ابي انزل دهون جم مره استخدمه وشنو الجرعات ؟
قبل او بعد التمرين , بكم ساعه بالظبط , ويفضل الصبح ولا بليل ..
3- انا اكلي صحي , هل في ضرر اذا كليت وجبة كبيرة على الغدا ؟ ولا لازم اقلل
يعني امس اكلت بكمية كبيرة على الغداء , لكن كل الي اكلته صحي 100%
4- شنو الكورس الي تنصحوني فيه , خصوصا ان ابي انزل نسبة الدهون
شكليا حسمي زين , لكن اعاني من الدهون في الكرش والخواصر والارداف ,
ما تبين اذا لبست , لكنها موجوده .. ف شنو الكورس الي تنحصوني فيه بهالحاله
5- مصطلح " اليوم المفتوح " هل اهو امر مرغوب فيه ؟
يعني يوم واحد من الاسبوع اكل وجبة دسمة , هل فيها مشكلة ؟
اسف على الاطالة
لكن والله احس اني ضايع واكيد في بعضكم مروا بهالحاله
رد: بخصوص البروتين وحارق الدهون والكورس الي احتاجه
وعليكم السلام ورحمة الله وبركاته
حياك اخوي
اقتباس:
في كذا سؤال ماني عارف جوابه , فحبيت اسألكم , خصوصا بعد ما شفت كثار من اصحاب الخبره اهني
فالبداية , انا استخدم بروتين ايزو 100 زيرو فات,شكر,كارب, واستخدم فات بيرنر فقط
وش اسم الفات برنر الي عندك , بالنسبه للملون بالاحمر اذا تقصد سكر ومنتج كارب فالافضل ماتستعمله في مرحلة انقاص الدهون
اما البروتين ايزو100 فممتاز
اقتباس:
1- الحين في ناس كثار يقولون كيف تستخدم بروتين وتستخدم فاات بيرنز , اشلون تبي تبني عضل
وبنفس الوقت تبي تقلل نسبة دهون
مو شرط الي يستخدم البروتين انه يبني عضل ..فممكن يُستخدم بهدف المحافظه عليه
اقتباس:
لما تستخدم البروتين لازم تصعد شوي دهوه , !!
غير صحيح .. هالامر يعتمد على الدايت ثم تمارينك
اقتباس:
الحين اوقف بروتين يعني واتم على الفات او مافي اشكالية استخدمهم الاثنين
مافي اشكالية
اقتباس:
3- انا اكلي صحي , هل في ضرر اذا كليت وجبة كبيرة على الغدا ؟ ولا لازم اقلل
يعني امس اكلت بكمية كبيرة على الغداء , لكن كل الي اكلته صحي 100%
لابد تقلل كمية الوجبات وحتى لو كانت صحيه
لانه مهما كان فكل صنف يحوي على سعرات معينه .. ولو اكلت كميه كبيره في وجبه وحده انت كذا تضايق جسمك ككل
الافضل تقسم وجباتك ل5-6 وجبات صغيره
وعندك هالموضوع يفيدك من ناحية الدايت
http://www.montada.com/showthread.php?t=708271
اقتباس:
4- شنو الكورس الي تنصحوني فيه , خصوصا ان ابي انزل نسبة الدهون
شكليا حسمي زين , لكن اعاني من الدهون في الكرش والخواصر والارداف ,
ما تبين اذا لبست , لكنها موجوده .. ف شنو الكورس الي تنحصوني فيه بهالحاله
قبل كل شي الدايت الصحي
والكورسات كثيره ومتعدده وكمثال
بروتين خالي الدهون + ملتي فايتمن + كارنتين
اقتباس:
5- مصطلح " اليوم المفتوح " هل اهو امر مرغوب فيه ؟
يعني يوم واحد من الاسبوع اكل وجبة دسمة , هل فيها مشكلة ؟
نعم ولا
نعم اذا كان القصد كسر روتين الدايت بحيث يغلب على اكلك الطابع الصحي ولكن بغير تقنين مثل ايام الدايت الصارمه
لا ان كان القصد منه اكل مالذ وطاب وبلا حدود مثل بعض الاخوه يخربها ويملا جسمه كارب سريع ودهون مضره بشكل مفرط
(بطاط مقلي/غازيات/برست/حلويات ............ الخ)
بخصوص نسبة الدهون عندك اتوقع انها اقل ..
رد: بخصوص البروتين وحارق الدهون والكورس الي احتاجه
الله يعطيك الف صحه وعافيه ..
بخصوص الفات بيرنر , اهو الاوكسي ايليت ..
اما بخصوص البروتين , اقصد زيرو فات , زيرو كارب , زيرو شكر
بس لاهنت توضحلي شوي .. المواعيد الي يفضل اخذ فيها البروتين , كوني فحالة انقاص الوزن
كم مره باليوم ؟ ومتى قبل التمرين بالظبط ومتى بعد التمرين , والبعض قالي الصبح على معدة فاضيه مع العلم انا استخدم اوكسي ايليت حبيت الصبح عالريق , شنو تنصحني اسوي ؟
