ألم بعد حقنة ديكا + سستانول

معلومات المتقدم بالاستفسار :
العمر : 30 , الجنس : ذكر

الطول :174 متر
الوزن : 72 كيلوجرام

نسبة الدهون : -

و الاستفسار كالتالي :
السلام عليكم

اخواني الغااليين انا الان في الاسبوع الثاني من كورس ديكا + سستانول

عندي كذا استفسار اتمنى تفيدوني فيهم .. ويكون عن خبره يا اخوان جزاكم الله خير

الاول : المدرب اعطاني حقنة في الخلف و كان الالم ممكن استحمله الى حد ما
و بعد الحقنه اللي بعدها كانت في الكتف .. و كان الالم اقدر استحمله ..

لكن من 3 ايام اعطاني اياه في الباي .. في اليمين و اليسار :(

المشكله الالم لا هو مخليني انام ولا احرك يدي ولا اتمرن و شي خيالي
ابغى حل للألم ( انا اعرف ان المفروض ما يعطيني في الباي لان لسه قريت كم موضوع بخصوص هالشي )

لكن الان ابغي اسرع حل جزاكم الله خير للألم لاني كرهت نفسي ومو راضي يخف
حطيت بروفين و فولتارين ولا نفع شي ..

اتمنى محد يقولي اصبر يومين وبيروح :( ..


السؤال الثاني /

الكوس هو 6 اسابيع و كل اسبوع فيه ضربتين وانا الحين في الاسبوع الثاني

متى ابدء التنظيف .. و ايش الاشياء اللي استعملها بالضبط .. لان كثرت الروايات والمواضيع






اتمنى منكم المساعده و جزاكم الله الجنه
وان شاء الله لي رجعه بكم سؤال اخر .. لكن الالم الان ماخذ كل تفكيري

اقتباس:

---

حطيت بروفين و فولتارين ولا نفع شي ..

---

اذا كنت تقصد مراهم فماراح تستفيد لان الضربه جات فالعصب والحل هو حبوب بروفين وليس مرهم

استخدم الحبوب لمدة اسبوع + كمادات حارة على الباي ..

الضرب يكون فالمؤخرة + الكتف فقط

والمواد اللي خذتها زيتها ثقيل وماتنطق فالباي ولا اي مكان ثاني

الامر هين ان شاء الله وهذا اللتهاب فالعصب واذا ماراح بعد 3 ايام مع الحبوب والكمادات راسلني وبقولك وش اتسوي

حمد تسلم ياخوي
الحين رحت اشتريت فولتارين 5 مج / اللي يذوب في الماي لان يقولو هو الاقوى الان
بس هو لما عطاني الابره كانت في الباي من داخل و ماحسيت بأي ألم
الا ثاني يوم و حتى حولها احمر ومتورم شوي :(


وبخصوص التنظيف هل فيه نصايح يااخوي الله يوفقك

اقتباس:

---

لما عطاني الابره كانت في الباي من داخل و ماحسيت بأي ألم
الا ثاني يوم

---

عدل اخوي الالتهاب ماتحس به الا ثاني يوم بس ان شاء الله ماعليك الا العافية

بالنسبة للتنظيف لو تكتب كورسك بالتفصيل مع الجرعات افضل وتكتب هدفك من الكورس(( ضخامة ام عضل صافي))

2 ملم ديكا + سستانول .. يومين في الاسبوع سبت واربعاء
لمدة 6 اسابيع

انا بغيت ضخامه لاني ناوي بعد التنظيف ابلش في قروث


وشنو الفرق ياغالي بين عضل صافي و التضخيم

الفرق لو عضل صافي يكون نظام غذائي معين + الامتنماع عن استخدام سائل البروتين والاكتفاء بالامينو + البروتين الطبيعي

الكورس جيد بس اللي يكمل الكورس هو النظام الغذائي والالتزام به

بالنسبة للمنظفات وش تاخذ احين مع الكورس ؟؟

اها .. جزاك الله خير

بالنسبه للمنظفات للحين ما بدأت في شي
يقولي في نص الكورس ابدء في live 52 وبعد الكورس يقول بيدلني على ثلاث ابر و كم شي اشتريهم للتنظيف


ابي نصيحتك وش اللي اخذه ومن متى
لاني على كلامك بمشي و لو المفروض من الحين بطلع اخذهم الحين

الله يوفقك

فعلآ جزاك الله خير
رحت اخذت حبوب فولتارين 50 D فواره تذوب في الماي نصحوني فيها
ملف مرفق 350573

والالم شبه راح و باقي شي بسيط مقارنه بألم امس الله لا يوريك مكروه



بإنتظار التنظيف يا غالي

أخوي نصيحتي لك لا تخلي المدرب يعطيك الحقن أتوجه لأقرب مستوصف وهم يعطوك الحقن
الشي الثاني حالو تبعد عن منطقة الكتف وغيرها وخلي كل ضرباتك في الأرداف لأن الكثير يفكرو تفكير غلط أنهم لما يحقنو في الكتف رح يكبر وهالشي خطأ وممكن لو كانت المواد مغشوشه تسبب لك تشوه عضلي في منطقة الكتف سوء كتف جانبي أو خلفي

أما بالنسبة للتنظيف فنصيحتي لك تبدأ من اليوم وتاخذ live 52 كل يوم 4 حبات وبعد الأسبوع الثالث تاخذ أسبوع بعد أسبوع حقنة برجلين 5000 عشان ترفعلك من نسبة التستسترون ولاتنسى الكلوميد بعد الكورس

اقتباس:

---

يقولي في نص الكورس ابدء في live 52

---

ماتحتاجله لاتخسر فلوسك

اقتباس:

---

وبعد الكورس يقول بيدلني على ثلاث ابر و كم شي اشتريهم للتنظيف

---

وقتها قولي وش بيعطيك قبل لاتشتري

بالتوفيق اخوي

الله يعطيكم الف عافيه وجزاكم الله خير

واحد من الشباب نصحني ادخل الداينابول معاهم ( 1 - 2 - 3 - 3 - 2 - 1 )

شرايكم هل ابلش فيه و كيف الطريقه ا لوقت الله يوفقكم

الداينبول من اكره الهرمونات بالنسبة لي بسبب مشاكله وضخامته الوهمية

خلك على كورسك افضل

ونصيحة يابطل لاتسمع اراء ومقترحات في موضوع الهرمونات لجل ماتتشتت

الافضل انك تبقى على راي واحد تثق به

كابتن حمد
الله يوفقك ويرزقك وييسر امرك
ولا يرويك مكروه و يعطيك على قد نيتك يارب

ورحم الله والديك يالامير