محتار في (اختيار المكملات + جدول التمارين)

معلومات المتقدم بالاستفسار :
العمر : 22 , الجنس : ذكر

الطول :169 متر
الوزن : 48 كيلوجرام



و الاستفسار كالتالي :
السلام عليكم ورحمه الله وبركاته
الله يجزاكم خير ويجعله في ميزان حسناتكم قولو امين


يالغالين انا توني البارح مشترك في النادي وان شاء بستمر فيه (اشتركت قبل هالمره مرتين بس قعدت اسبوع وهجيت :p)



مثل منتو شايفين طبعا وزني ريشه ودخلت النادي بهدف اني ازيد وزني وانتهز فرصه اني ضعيف عشان اقسم العضلات على طول ولا يحتاج انشف بعدين

انا محتاج جدول امشي عليه لان المدرب شكله دايح ولايدري عن ام سالفتي

جدول لزياده ضخامه بسيطه ثم تقسيم (جسمي محتاج كتله عضليه لاني نحيف)

واهم شي تمارين المعده طالبكم (الجسم الفرنسي وما قالو له ) مع ان الجسم الخليجي مبين من الكرش و الدهون من المفاطيح والحاجات هاذي :p



الشغله الثانيه
على كثر ما اقرى المواضيع عن المكملات والكرياتين والامينو و و و و .. الخ
صراحتن انلحس مخي ولا قمت اميز وافرق هذا عن هذا

بس من قبل لا ادخل النادي عندي سيرياس ماس وللحين ماشي عليه بس ماني عارف طريقة استخدامه كلاعب حديد

والسكوب اللي تتكلمون عنه هل هي ملعقة طعام والا نفسها االلي داخل علبة السيرياس (لانها كبيره وتشبع قبيله :s)


وبما اني مبتدء وش تنصحوني فيه بالمكملات والكرياتين والامينو ومدري شنو (انتو ابخص مني بهالامور)


واتمنى وانتم تردون علي تراعون حالتي لان حتى (ابرة هوا ) ما تنفخني :p

وجزاكم الله خير
سجلوني اخ صغير ومتابع لنصايحكم وعقبال ما اكون عضو فعال في هذه العائله الطيبه

وعليكم السلام ورحمة الله وبركاته

اولا اهم شي الاستمرارية باللعبة
ثانيا بالنسبة للمكملات السيريس ماس ممتاز استمر عليه مبدئيا كافي تماما لك سكوب صباحا وسكوب بعد التمرين ( السكوب هو الموجود داخل الكيس )
جدول التمارين يفترض انك تمشي مع المدرب بالبداية حتى تعرف اسلوب التمارين نظريا لإني متاكد لو كتبنا لك جدول تبي تطبق اغلب التمارين خطأ ويضيع جهدك

واي سؤال يخطر ببالك احنا بالخدمة بس حدده
بالتووفيق ان شاءالله

الله يعطيك الف عافيه اخوي بردان على تفاعلك السريع مع استفساراتي المتواضعهاخوي بالنسبه لنظرتي يوم اقول (انتهز فرصه اني نحيل عشان اقسم العضلات وخصوصا المعده وماله داعي تنشيف) هل استنتاجي صحيح او لا؟ثانيا اخوي بالنسبه للسكوب اللي قلت عنه اخلطه مع كم ملي حليب قليل دسم؟ وهل السكوبين باليوم كافيه لي ؟ لان حط في بالك انا تغذيتي كلها معتفسه فوق حدرواذا بغير المكمل الى (واي بروتين) كم تكون الجرعات؟وماجاوبتني يالغالي بخصوص الكرياتين والامينو هل فيها ضرر على مبتدء نفسي؟وتنصحني بشنو وكيف جرعاتها اليوميه؟السموحه على الاازعاجبس احب اكون ملم بجميع النواحي واتثقف قد ما اقدروعسى الله يجزاكم خير ويعافيكم

هلا وسهلا اختبصت المعلومات قريت الرد ثلاث مرات هههه كان مخليه على شكل نقاط اريح *_^

بالنسبة للنظريتك ايه صحيحه النحيف دايم يكون جاهز للضخامه ومستعد
والسكوب تخلطه مع 200 ملي حليب + 200 ملي ماء = 400 حليب وماء
# تغذيتي معتفسه = وفر على نفسك لاتستخدم لا مكمل حتى التمرين ماراح يفيدك ولاتستهين بهالكلمة وتحسبني اجامل والله العظيم من تجربة سنه كامله باللعبة استخدمت كل المكملات .. ماحصلت الفايدة الي حصلته بعد مرور شهرين بس من الالتزام بالاكل .. وكثييييييييره التجارب وانت تقدر تجرب بنفسك وان شاءالله تستفيد
الكرياتين والامينو برايي تبدا بالبروتين قبلهم وبعد فترة تبدا تضيف االامينو وبعده بفترة تضيف الكرياتين يعني على الاقل تجاوز الـ 6 اشهر الاولى

بالتوفيق واي شي اخر بالخدمة

الله يجزااك الف خير ويعطيك العافيه يا اخوي بردان ازعجناك يالمبتدئين :pوبحاول امشي على اللي قلت لي عليه لين مايفرجها الله لمده شهر واعلمك بالمستحدثات اول باول / بس شغله اخيره وعقبها منت بشايف وجهي خيير شر (اضحك هههههه)شلون على الجدول اللي راح امشي عليه لاني بخلص شامل بكره / وبالنسبه للمدرب صار له ثلاث ايام يلعبني الباي احسه رقله مايدري هي فيه ولا في الخيشه / لو عندك جدول كويس منيه والا منيه للجسم الفرنسي (وتكون تمارين المعده مكثفه :p)والف شكر (جد ماني عارف اوفيك حقك يالغالي)دمت بود

اب اب اب(وجه مستحي)

هلا وسهلا اخي
اسأل أد مابدك : )
وان شاءالله نقوم بالواجب واسف على التاخير بالرد

اخي الكريم كا نصيحة مني
امش مع كلام المدرب
يمكن له سياسه للمبتدء وبعده راح يضبط لك الجدول
انا اقولك هالكلام عشان لو انا بعطيك جدول هو ماراح يتابعك وراح تمشي على تمارينك وماضنك تبي تطبق بشكل سليم بالبداية لااااااابد من اخطاء
هذي نقطة
والنقطة الاخرى هناك تمارين ماهي مشهوره بس مفيده لكسر الروتين لو مشيت مع المدرب تلقاه كل فترة وفترة يعطيك تمارين جديده بشكل ثاني وهو ادرى بجسمك واقرب مني لك
ولو كنت حاب تقدر تشوف جدول ابو راشد بالصفحة الرئيسية