مساعدتكم .. في برامج التغذية وطرق التضخيم

معلومات المتقدم بالاستفسار :
العمر : 24 , الجنس : ذكر

الطول :176 متر
الوزن : 63 كيلوجرام



و الاستفسار كالتالي :
السلام عليكم ورحمة الله وبركاته


كيف الحال .؟
ان شاء الله بخير وعافيه ..

اخواني الاعضاء الرجاء منكم افادتي لني محتاج النصيحه منكم ..
انا صارلي شهرين من دخلت النادي جدول ضخامه طبها لني نحيف ..

وزني يوم دخلت كان 55 والحين وزني 63
وطولي 176 ..
استخدم بروتين مسل جوس
و امينو 10 الاف

لله الحمد حصل زياده في الوزن ..
الكلام اللي عليه علامة استفهام كبيره .؟؟؟؟
انا اشوف ناس في المنتدى يقولك ضخامه لازم ما تاكل دهون
وناس يقولون لازم تاكل دهون عشان هرمون التستيرون في الجسم يادي وظيفته ..
وناس يقولون كثر من الكاربوهيدرات والبروتين ..
وانا والله احترت يا اخوان من كثر الكلام ..
ناس كثير قالو انه خلال شهرين ممكن يكون فيه بروز بسيط للعضلات مع تقسيم بسيط ..
وناس قالو بعد عكس هالشي ..!


انا ابي بروز في العضلات ..
ماهي الطريقه المتبعه .؟
وشنو الجدول الغذائي المتبع .؟
ابي الطريقه الصحيحه المتبعه لتضخيم ولـ بروز العضل ولو بروز بسيط ..



كان جدولي في السابق :

اليوم الاول : صدر وباي وسواعد
اليوم الثاني : اكتاف ومثلثات + ارجل
اليوم الثالث : بيطان وتراي
اليوم الرابع : صدر وباي وسواعد
اليوم الخامس : اكتاف ومثلثات وارجل
اليوم السادس : بيطان وتراي
اليوم السابع راحه

غيرته لـ الجدول التالي :


1- صـدر
2- أرجل + بطـن
3- راحـه
4- ظهر
5- أكتاف
6- باي تراي سواعد
7- راحـه

.......................

وش رايكم .؟
ابي افادتكم ومساعدتكم

وعليكم السلام
اخي الكريم جدولك حلو

بالنسبه لسؤالك , ضخامه نعم فيها دهون بس مو الدهون المقليه ومن المطاعم لا الدهون الصحيه ( صفار البيض , زبده الفول السوداني , نوتيلا , البندق , الجوز , اللوز , زيت الزيتون , زيت السمك , السلمون ,


التضخيم ترفع الكارب ومن ثم البروتين ومن ثم الفات
والتنشيف تقلل الكارب وترفع البروتين وشبه تعدم الفات


---
مساله العضل تصعد تنزل , على حسب جيناتك اولا واكلك ثانيا وتدريبك ثالثا ومكملاتك رابعا وراحتك خمسا

صـــعبه تضخم بدون دهوون وخصوصآ ان بروتين مسل جوس فيه دهون 17 جرام لكل 4 سكوب

ونفس ما قال الكـابتن ^^

وبخصوص الجدول .. شوف شو الي بيمشي معك واستمر عليه

اخوي كل وجبه حاول تخلي فيها كربوهيدرات وبروتين .. وتمرن صح ... وعط نفسك راحه .. لان جدولك شغال طول الاسبوع هههه ريح يومين وكل دهون صحيه مثل ما ذكرو لك بعض الاخوان بس لا تكثر خذ احتياجك

وخذ لك واي بروتين

اهلا وسهلا اخي ووصلتني رسالتك
اولا تم تعديل العنوان وياليت تمر على القوانين يعطيك العافية

بالنسبة لموضوعك اتفق مع ماقال الاخ منصور " داوتري " ماقصر الله يعطيه العافية وعطاك المهم

بالنسبة للنظام انت الان زدت 8 كيلو بشهرين
شي اكثر من رائع واذا صرت تشوف فيه نتيجة بالعضل هذا المهم وهذا مؤشر رائع على استقبالك باللعبة فيه غيرك كل سنه يزيد 5 كيلو ويفرح
استمر
والاكل اهتم فيه خاصة الكارب والبروتين
اما الدهون فا ابعد عن المقليات قدر المستطاع اما الدهون المفيد مثل ماذكر لك اخي منصور لابد منه

ونظامك التدريبي الان جيد

عسى الله يوفقك واذا فيه استفسار اخر احنا بالخدمة

جاتني رسالتك يابطل

والاخوان ماقصرو بالرد الله يجزاهم خير

وجدول تدريبك ممتاز

وان كان عندك استفسار بشيء ان شاء الله مابنقصر

يعطيكم العافيه يا اخوان ..

مستر دارك تقول انه صعبه لن المسل جوس دهونه 17 بالميه فقط ..
فيه بروتين افضل من المسل جوس .؟؟

وشنو رايكم في الامينو 10 الاف انابوليك .؟؟

الكلام انا قاعد اتدرج حبه حبه في الاوزان ولله الحمد ..
عندي بس قلق في عضلة الصدر ..

في تمرين البار المايل .. اشيل 12.5 كيلو فقط ..
جدا جدا صعب ومتعب ..

هل فيه نصيحه اقوي عضلة الصدر بطريقه اسرع .؟؟


واذا فيه جدول غذائي جيد انا مستعد اتبعه ..
مهما كانت كلفته


يعني بختصار ..
هل فيه بروتين افضل من المسل جوس .؟
هل فيه حل لـ ضعف عضلة الصدر .؟
هل فيه جدول غذائي جيد لتضخيم .؟


وشنو الفرق بين البروتين و الواي بروتين .؟؟؟

يا اخوان يا ليت احد يفيدني .،
لني محتاج فزعتكم ومساعدتكم يا ليت احد يعاوني
ويجاوب ع الاسأله السابقه

واكون شاكر لكم

اقتباس:

---

يعني بختصار ..
هل فيه بروتين افضل من المسل جوس .؟ للضخامة البروكمبلكس جيد
هل فيه حل لـ ضعف عضلة الصدر .؟ لا فالغالب تكون عوامل وراثية بس اربك العضلة بطريقة التدريب يعني مرة العب اوزان ع الحر ومرة العب بتركيز على الاجهزة .
هل فيه جدول غذائي جيد لتضخيم .؟ جداول كثيرة في قسم المواضيع المميزة


وشنو الفرق بين البروتين و الواي بروتين .؟؟؟ البروتين هو الاسم الاساسي لكل مكمل بروتيني او لبديل وجبة اما الواي فهو فئة من البروتينات مستخلصة من الحليب وفالغالب يستخدم لبعد التدريب + للتنشيف او لتثبيت الوزن بسبب قلة الدهون فيه + الكارب و سرعة امتصاصه

---

بالتوفيق اخوي